Times.am | Սիրիայից Հայաստան բերված ընտանեկան արհեստը. «ԱՎԱ Շուզ»
AM | RU
USD
EUR
RUB

Սիրիայից Հայաստան բերված ընտանեկան արհեստը. «ԱՎԱ Շուզ»

 
 

«Արտադրված է Հայաստանում» մակնշումը` որակի նշան

Երեք տարի առաջ հայկական կոշիկի պատմության մեջ ավելացած «ԱՎԱ Շուզ» ապրանքանիշի արմատները ձգվում են դեպի Սիրիա: 1950-ականներին Սաֆարների գերդաստանի մեծ հայրը` Սաֆար Քեչեճյանը, ընտանիքը պահելու համար փոքրիկ արհեստանոց էր հիմնել, որտեղ փայտից կրունկներ էր պատրաստում և մատակարարում սիրիացի կոշկակարներին: Հորն այդ գործում օգնող Գևորգ Սաֆարը 27 տարի անց կրունկներից անցավ կոշիկի կաղապարների պատրաստմանը: Ավանդույթը չխախտելով` հորից փոխառած արհեստը Գևորգ Սաֆարն էլ իր որդուն` Անդրանիկին փոխանցեց: Երրորդ սերնդի հետ արդեն Սաֆարյանների ընտանեկան բիզնեսը Սիրիայից տեղափոխվեց Հայաստան: «Պատերազմից մի քանի տարի առաջ` 2000-2001թթ. մտածում էի կոշիկի ֆաբրիկա դնել ու հետաքրքվում էի, թե որտեղից կարող եմ հաստոցներ ձեռք բերել: Բայց պատերազմն սկսվեց ու բախտ չվիճակվեց դա անել: Ընտանիքով տեղափոխվեցինք Ռուսաստան, բայց հասկացանք, որ այնտեղ չենք կարող աշխատել, իսկ մենք աշխատելուն սովոր ենք: Եկանք Հայաստան ու որոշեցինք այստեղ էլ մեր արհեստով զբաղվել: 2014թ. Վիգեն Դոլմողյանի հետ հիմնեցինք «AVA SHOES»-ը (ԱՎԱ Շուզ)», -վերահասցեավորված նպատակի մասին պատմում է «ԱՎԱ Շուզ»-ի համահիմնադիր Անդրանիկ Սաֆարը:

25 միլիոնանոց Սիրիայում ապրած Սաֆարների համար հայկական շուկան շատ փոքր էր, սպառողն էլ` ավելի խստապահանջ: Այնուամենայնիվ, նոր ոճով ու գույներով, «արտադրված է Հայաստանում» մակնշմամբ «ԱՎԱ Շուզը» մտավ շուկա և, ի զարմանս մի շարք թերահավատների, շատ արագ գրավեց իր տեղը: «Ինձ ասում էին` պետք չի նշել, որ հայկական արտադրանք է, քանի որ հայ սպառողը տեղում արտադրվող ապրանքին թերահավատորեն է նայում, բայց ինձ համար դա հիմք չէր հրաժարվելու «արտադրված է Հայաստանում» մակնշումից, որը երևում է նաև մեր լոգոյի մեջ: Ասացի` ինչո՞ւ չպիտի մարդիկ իմանան, որ այստեղ` Հայաստանում էլ կարելի է որակով ու նորաոճ կոշիկ արտադրել»,-պատմում է Անդրանիկը:

«ԱՎԱ շուզ»-ի նորաբաց արտադրամասում կոշիկները կարվում և վաճառքի էին դրվում տարբեր խանութներում, բայց` միայն մի քանի ամիս: Շուտով «ԱՎԱ Շուզն» ունեցավ նաև իր ֆիրմային խանութը: «Սկզբում կոշիկները կարում ու տալիս էինք տարբեր խանութների, բայց նրանք 3-4 անգամ թանկ գին էին ասում և մեր ապրանքը չէր վաճառվում: Ստիպված եղանք մի քանի ամիս անց մեր խանութը բացել»,-ասում է Անդրանիկը և զարմացած հավելում: -Սիրիայում արտադրամաս ունեցողը սովորաբար խանութ չի ունենում: Արտադրածը խանութպաններին են տալիս, նրանք էլ նորմալ գնով վաճառում են»:

Հայկական ու սիրիական շուկաներին ծանոթ սիրիահայ գործարարը տարբերություն է տեսնում ոչ միայն շուկաների, այլև սպառողների միջև: Հայ սպառողն անհամեմատ բծախնդիր ու խստապահանջ է, բայց դրանից գործարարը չի նեղվում, ավելին` պատճառները շատ լավ է հասկանում. «Եթե մարդիկ լավ աշխատանք ունենային, բարձր աշխատավարձ ստանային, այդքան պահանջկոտ չէին լինի: Մարդիկ չեն ուզում դժվարությամբ վաստակած գումարն անորակ ապրանքի վրա ծախսել, և ես դրա համար նրանց չեմ մեղադրում ու ոչ էլ նեղանում եմ: Դա լրիվ նորմալ է»:

Իտալական ամսագրերի հայկական ձեռագիրը

Տեղական ապրանքի ոչ միայն որակի, այլև արտաքին տեսքի հարցում է խստապահանջ հայ սպառողը: ՈՉ մի նորույթ չի ընդունվում այնքան ժամանակ, մինչև եվրոպական որևէ ֆիրմա դա չի գործածում: Հենց դա գիտակցելով է, որ Անդրանիկ Սաֆարն իր մտահղացումները թղթին է հանձնում և երկու-երեք տարի անց նոր, երբ եվրոպական որևէ արտադրող այն կյանքի է կոչում, հայ սպառողին է հրամցնում: «Հայաստանի շուկայի համար մի քիչ անսովոր է նորույթը: Այստեղ հեշտությամբ ընդունում են դրսից եկածը: Նորությունը եթե տեղում է արվում, չի ընդունվում, պետք է դրսից գա, որ ընդունվի: Դրա համար էլ իմ նախագծած մոդելները հայտնվում են Իտալիայում, նոր միայն մենք այստեղ արտադրում ենք»,-արձանագրում է սիրիահայ գործարարը:

Իտալական նորաձևության հետ Անդրանիկի կապը գալիս է դեռ դպրոցական տարիներից: Դասերից հետո հորն արհեստանոցում օգնում, հետն էլ նոր մոդելներ էր նախագծում նա, որոնք հայտնվում էին կոշկի նորաձևության ամենահայտնի` իտալական հանրահայտ «ARS ARPEL Group»-ի կատալոգներում: Պատանի մոդելավորողի մտահղացումներով հիացած իտալացիները տարիներ առաջ նրան հրավիրել էին նաև երիտասարդ մոդելավորողների հավաքի:

Անդրանիկը նշում է` այս ոլորտում ունեցած գիտելիքների ու հմտությունների համար պարտական է իր փորձին և, իհարկե, ուսմանը, որը թեկուզ կարճատև էր, բայց արդյունավետ: Ինչպես նախկինում, այնպես էլ հիմա սիրիահայ գործարարը անընդհատ փնտրում է նորը, ժամանակակիցը և, այն զուգադրելով հայկականի հետ, ներկայացնում հայ ու արտասահմանցի սպառողներին:

2015 թվականից արտաքին շուկա դուրս եկած «ԱՎԱ Շուզ»-ը որ երկրում հայտնվում, այնտեղ էլ հավաստում է հայկական արտադրանքի բարձր որակի մասին:

Լիլիթ ՊՈՂՈՍՅԱՆ

Լրահոս
Հայ բարերարները շարունակում են աջակցել Արցախի զարգացմանը Կասպից «սահմանադրություն». ի՞նչն է մտահոգում Հայաստանին 100 օրում մենք լուծել ենք մեր հիմնական խնդիրը. վարչապետ Անահիտ Ֆարմանյանի մեղադրանքը և նրան կալանավորելու որոշումը իրավական հիմքեր չունեն. Փաստաբանների հայտարարությունը Մարտի 1-ի գործով հարցաքննվելու է նաև Սերժ Սարգսյանը. ՀՔԾ պետ Պատրաստվում ենք ապահովել ՀՀ-ի կողմից Ֆրանկոֆոնիայի գագաթնաժողովի անցկացման լավագույն որակը. Զոհրաբ Մնացականյան Կառավարությունը կրճատեց Երևանի ավագանու լիազորությունների ժամկետը Ռոբերտ Մակարյանն ազատվել է գյուղատնտեսության նախարարի տեղակալի պաշտոնից ՀՀ նախագահի հրամանագրով Նորայր Յոլչյանն ազատվել է ԶՈւ թիկունքի պետ-վարչության պետի պաշտոնից Յուրի Խաչատուրովը Հայաստանի Հանրապետության քաղաքացի է. պաշտպան Ինձ հետապնդելու միակ պատճառը ազգանունս է, որով միայն հպարտանում եմ. Անահիտ Ֆարմանյան ՀՀ նախագահը Օլեգ Եսայանին հետ է կանչել Բելառուսում Հայաստանի դեսպանի պաշտոնից ՀԱՊԿ բարձրագույն մարմնում Հայաստանը կներկայացնի վարչապետը Ոստիկանությանը հայտնի է կառավարության 3-րդ մասնաշենքում ռումբի մասին ահազանգողի ինքնությունը Կառավարության 3-րդ մասնաշենքից աշխատակիցներին տարհանել են ռումբի մասին ահազանգից հետո. ԱԻՆ-ը վտանգավոր ոչինչ չի հայտնաբերել Զիդանը կարող է գլխավորել «Մանչեսթեր Յունայթեդ»-ը Ֆրանկոֆոնիայի գագաթնաժողովի մասնակիցների կեցությունն ապահովելու համար կառավարությունը կհատկացնի անհրաժեշտ միջոցներ Ռումբի մասին ահազանգ՝ Կառավարության շենքերից մեկում. ուղիղ Լիոնել Մեսին այս տարի չի հրավիրվի Արգենտինայի ազգային հավաքական Արմեն Սարգսյանը ցավակցական հեռագիր է հղել Իտալիայի նախագահին Վարդան Բոստանջյանի պատգամավորական մանդատը փոխանցվեց Այծեմնիկ Օհանյանին Երևանում տեղի է ունենալու ՀԱՊԿ միացյալ շտաբի ներկայացուցիչների հերթական խորհրդակցությունը Մինսկում տեղի է ունենալու ԱՊՀ մասնակից պետությունների պաշտպանության նախարարների խորհրդին առընթեր նիստ Ռոբերտ Քոչարյանի գրասենյակի հայտարարությունը Հայաստանում չկա որևէ ուժ, որ ի վիճակի կլինի կանգնել ժողովրդի իշխանության առաջ. Նիկոլ Փաշինյան Լարիսա Ալավերդյանի կարծիքով, Ռոբերտ Քոչարյանին կալանավորելիս շտապել էին Հայաստանում օդի ջերմաստիճանը օգոստոսի 16-17-ին կբարձրանա Ռոբերտ Քոչարյանի մամուլի ասուլիսը տեղի չունեցավ Բողոքի ակցիայի մասնակիցները ներխուժեցին սրահ, որտեղ պետք է կայանա Ռոբերտ Քոչարյանի ասուլիսը Մեկնարկում է Ռոբերտ Քոչարյանի մամուլի ասուլիսը. ուղիղ Հայաստանը շարունակում է ձեռնարկել բոլոր միջոցները Ադրբեջանում գերեվարված Կարեն Ղազարյանին անվտանգ հայրենիք վերադարձնելու ուղղությամբ Նախիջևանյան ուղղությամբ ադրբեջանական ուժերի վերադիրքավորման փորձերն ամեն կերպ կանխվելու են. ՀՀ ԱԳՆ Ռոբերտ Քոչարյանն ազատ կարձակվի կալանքից Մհեր Մարգարյանը նշանակվել է ՄԱԿ-ում Հայաստանի մշտական ներկայացուցիչ Լևոն Տեր-Պետրոսյանն ու ՀԱԿ-ը պատրաստ են վկայություն տալ Մարտի 1-ի գործով. Արամ Մանուկյան Չավուշօղլու. «ԱՄՆ-ն պետք է իմանա, որ պատժամիջոցներոով և ճնշումներով Թուրքիայից չի կարող որևէ բան կորզել» Իրանի էներգետիկայի նախարարը հայտնել է ՀՀ տարածքով ՌԴ-ին էլեկտրաէներգիա մատակարարելու բանակցությունների մեկնարկի մասին Թուրքիայում շարունակվում է լիրայի արժեզրկումը. Էրդողանը կոչ է անում վաճառել դոլարներն ու եվրոները Վարչապետության 100 օր։ Ի՞նչ պատասխան տալ ժողովրդին Օդի ջերմաստիճանը կբարձրանա
Խմբագրի ընտրություն
website by Sargssyan