Թուրքական ավիաընկերության ինքնաթիռը վայրէջք է կատարել կայծակի հարվածի պատճառով
06/12/2017 11:11
Նմանատիպ
«Թուրքական ավիաուղիներ» ավիաընկերությանը պատկանող ինքնաթիռը կայծակի հարվածի հետևանքով ստիպված է եղել արտակարգ վայրէջք կատարել: Ինչպես հաղորդում է «Արմենպրես»-ը, այս մասին հայտնում է թուրքական «Հուրիեթ» պարբերականը:
Ինքնաթիռը Սոմալի ուղևորվելու նպատակով օդ է բարձրացել Ստամբուլի Աթաթուրքի օդանավակայանից, սակայն կարճ ժամանակ անց կայծակը հարվածել է ինքնաթիռին: Օդաչուն որոշում է կայացրել իջեցնել ինքնաթիռը:
Զննում անցնելուց հետո՝ ժամեր անց ինքնաթիռը ուղևորվել է Սոմալիի մայրաքաղաք Մոգադիշու:
Հետևեք մեզ նաև Telegram-ում