Հայաստանի ԱԺ-ն վավերացրեց 100 միլիոն դոլարի վարկով ՌԴ-ից սպառազինություն ձեռք բերելու համաձայնագիրը

Հայաստանի ԱԺ-ն վավերացրեց 100 միլիոն դոլարի վարկով ՌԴ-ից սպառազինություն ձեռք բերելու համաձայնագիրը

Հայաստանի խորհրդարանը վավերացրեց 100 միլիոն դոլարի վարկային համաձայնագրի շրջանակներում Ռուսաստանի Դաշնությունից ժամանակակից սպառազինություն ձեռք բերելու մասին համաձայնագիրը: Համաձայնագիրը վավերացնելու հարցին միաձայն կողմ քվեարկեց 92 պատգամավոր: Համաձայնագրով ՌԴ-ն մինչև 100 միլիոն դոլարի պետական արտահանման վարկ է տրամադրելու Հայաստանի կառավարությանը՝ ռուսական արտադրության ռազմական նշանակության տեխնիկայի մատակարարումների ֆինանսավորման համար:

Զինատեսակների ցանկը կարող է փոփոխվել ՀՀ ՊՆ և ՌԴ ռազմատեխնիկական համագործակցության դաշնային ծառայության փոխադարձ գրավոր համաձայնությամբ, քանի որ վարկը իրականացվելու է 5 տարում, իսկ այդ ընթացքում կարող է նոր զինտեխնիկա արտադրվել և վարկի շրջանակում նոր զինատեսակների ձեռքբերման վերաբերյալ համաձայնություն լինել: Վարկը Հայաստանին տրամադրվում է 5 տարի ժամկետով՝ 3 տոկոս տոկոսադրույքով: ՀՀ-ն ՌԴ-ից ժամանակակից սպառազինություն է ձեռք բերելու ներքին գներով:

Հետևեք մեզ նաև Telegram-ում