AM | RU
USD
EUR
RUB

Արվեստն ու նորաձևությունը համադրած «Արտույտը» Հայաստանում նոր ուղղություն է զարգացնում

 
 

Աշխարհի տարբեր թանգարաններում ամեն անգամ կտավից կտոր տեղափոխված արվեստի գործ տեսնելիս` Արևիկ Առաքելյանը հիանում և երազում էր դրանց փոխարեն հայկական արվեստը տեսնելու մասին: Մանկուց կերպարվեստի հանդեպ ունեցած սերն ու «Hermes» ընկերության շնորհիվ նորաձևության հանդեպ աճող հետաքրքրությունը գումարվելով` տարիներ անց ծնունդ տվեցին «Արտույտ» ապրանքանիշին:

Արվեստի գործերը շարֆերի վրա արտապատկերելու միջոցով ճանաչելի դարձնելու` արտասահմանում ընդունված պրակտիկան Հայաստան բերելու ուղղությամբ Արևիկը լրջորեն սկսեց մտածել, երբ գաղափարին հավանություն տվեցին ընկերները, առանձնապես` Հովհաննես Պետրոսյանը: Մտքից գործի անցնելու փուլը դժվար էր, բայց հաղթահարելի. «Դժվար էր, քանի որ պետք է զրոյից ապրանք ստանայինք: Երկար ուսումնասիրություններից հետո միայն ստացանք մեր առաջին շարֆը. դա անցած տարվա սեպտեմբերին էր: Շարֆը կոչվում է «Խոստովանություն», քանի որ ստեղծվել է աբստրակցիոնիստ Միհրան Ավետիսյանի համանուն նկարի հիման վրա: Սկզբում շատերը չէին հավատում, որ որևէ հաջողության կհասնենք, բայց, ինչպես տեսնում եք, մեր գաղափարը ողջունվեց, և այսօր «Արտույտ»-ի հավատարիմ հաճախորդների թիվը գնալով աճում է»:

Միհրան Ավետիսյանը դարձավ առաջին ժամանակակից նկարիչը, ում գործերը տեղ գտան «Արտույտ»-ի շարֆերի վրա: Հեղինակի ընտրությունը պատահական չի արվել: Արևիկն ի սկզբանե որոշել էր` իրենց արտադրած շարֆերը Հայաստանում և Հայաստանից դուրս պետք է ներկայացնեն հայկական ժամանակակից արվեստը. արտասահմանցի արվեստագետներին ոչնչով չզիջող հայ արվեստագետներին գոնե այդպես կճանաչեին. «Մեր կողքին այսօր էլ ապրում ու ստեղծագործում են շնորհալի արվեստագետներ, որոնց մասին, ցավոք, շատերը չգիտեն, չեն ճանաչում: Այդ բացը ինչ-որ կերպ պետք է լրացվի…Միհրանի բազմաթիվ նկարներ տեսել էի Հովհաննեսենց տանն ու հավանել»:

Շուկա մտնելով Միհրան Ավետիսյանի յոթ նկարների արտապատկերմամբ ստեղծված շարֆերով` «Արտույտն» աստիճանաբար հարստացրեց տեսականին: Շուտով հայկական արտադրության շարֆերի վրա հայտնվեցին նաև Կարեն Սմբատյանի ու Տաթև Ղամբարյանի հեղինակած նկարները ու ` ոչ միայն: Ժամանակակից հայկական արվեստով հագեցած գործերի կողքին կամաց-կամաց իրենց տեղը զբաղեցրին թանգարանային նմուշները` կտորի վրա: Հայաստանում թանգարանային-հուշանվերային խանութ-սրահների զարգացման համար նախադրյալներ կային, նախաձեռնող չկար, Արևիկ Առաքելյանն էլ որոշեց`  «Արտույտ»-ն օրինակ կծառայի. «Առաջինը Մատենադարանի հետ սկսեցինք աշխատել: Դիմեցինք Հրաչյա Թամրազյանին, և նա մեծ ոգևությամբ ընդունեց առաջարկը: Բնականաբար ներկայացված գործերը վերաբերում են միայն այնտեղ պահվող ձեռագրերին: Մեր շարֆերի վրա արտապատկերում ենք 12-16-րդ դարերից մնացած մատյանների պատյաններին քանդակված զարդանախշերն ու թռչնատառերը»:

«Արտույտ»-ի թանգարանային ուղղության երկրորդ հանգրվանը դարձավ Երվանդ Քոչարի թանգարանը, երրորդը` Սերգեյ Փարաջանովի: Հենց այս` վերջին համագործացությունը «Արտույտ»-ի համար շատ նշանակալի դարձավ: Փարաջանովյան շնչով հագեցած «Արտույտ»-ը «հասավ» Իտալիա: Սերգեյ Փարաջանովի նախապես ընտրված հինգ կոլաժներով հայկական արտադրության շարֆերն ամիսներ առաջ ցուցադրվեցին Միլանում կայացած 2018թ. գարուն-ամառ նորաձևության շաբաթվա շրջանակում: «Մենք պետք է բարձրագույն որակի ապրանք ներկայացնեինք, ուստի և որոշեցինք ցուցադրության ներկայացվելիք շարֆերի համար ընտրել լավագույն մետաքսը` «silk-twill», որն օգտագործում է «Hermes» ընկերությունը և հենց այնտեղ` Իտալիայում էլ, կազմակերպեցինք արտադրությունը: Ցուցադրված բոլոր նմուշներն արտադրվել են «Moschino» ընկերության մատակարար ընկերություններից մեկում»,-նորաձևության աշխարհի կարևոր իրադարձություններից մեկին իրենց մասնակցության մասին ոգևությամբ է պատմում «Արտույտ»-ի հիմնադիր -տնօրենը:

Կոլեկցիոն շարֆերը սահմանափակ քանակությամբ հասանելի են ինչպես Երևանում ու Միլանում, այնպես էլ` աշխարհի տարբեր ծայրերում ապրող արվեստասերներին: Վերջերս գործարկված artuyt.com կայքում տեղադրված բոլոր նմուշները, հիմնադիր-տնօրենի խոսքով, կարող են առաքվել աշխարհի ցանկացած կետ: Թեկուզ արտաքին շուկա դուրս գալու ավանդական եղանակը մի քանի երկրներում` Ավստրիա, Չեխիա և այլն, գործում է, բայց 21-րդ դարում օնլայն վաճառքն ավելի լայն հնարավորություններ է ընձեռում թե´ վաճառողին, թե´ գնորդին:

Լիլիթ ՊՈՂՈՍՅԱՆ

Լրահոս
Սերգեյ Լավրովն ու Տիգրան Սարգսյանը մտքեր են փոխանակել ԵԱՏՄ-ի միջազգային օրակարգի վերաբերյալ Իրանում հայտնել են սեփական հրթիռների հեռահարության ավելացման հնարավորության մասին Ցավոք, շատ հաճախ ենք արտաբերում «այլևս երբեք» բառերը. Զոհրաբ Մնացականյան Պարսկալեզու ԶԼՄ-ներն արձագանքել են Հայաստանում կայացած ԱԺ արտահերթ ընտրություններին Ռուս փորձագետը Հայաստանում տեխնոկրատների ազդեցության աճ է կանխատեսում Պորոշենկոն օրենք է ստորագրել՝ Ռուսաստանի հետ բարեկամության պայմանագրի չեղարկման մասին Նախագահ Սարգսյանը շնորհավորել է Բակո Սահակյանին՝ ԼՂՀ պետական անկախության մասին հանրաքվեի և Սահմանադրության օրվա առթիվ Գարեգին Բ ամենայն հայոց կաթողիկոսն ուղերձ է հղել ՀՀ Ազգային ժողովի ընտրությունների առիթով Դոդոնը ժամանակավորապես հեռացվել է Մոլդովայի նախագահի պաշտոնից Սկսվել է Մակրոնի և արհմիությունների ու կուսակցությունների ներկայացուցիչների հանդիպումը ՀՀԿ-ն հաջողություն է մաղթում խորհրդարան անցած ուժերին և հայտարարում ժողովրդի խնդիրների լուծմանը հանձնառու լինելու մասին Հայ-ռուսական զինված ուժերի միացյալ խմբավորման հրամանատարի գլխավորած պատվիրակությունը ՌԴ-ում կմասնակցի ռազմագիտական համաժողովի Թող Աստված ամուր պահի ու պահպանի մեր հայրենիքը. Արամ Ա կաթողիկոսը նամակ է հղել ՀՀ նախագահին Բակո Սահակյանը շնորհավորել է Նիկոլ Փաշինյանին ԱԺ արտահերթ ընտրություններում տարած համոզիչ հաղթանակի կապակցությամբ Խորհրդարան անցած քաղաքական ուժերի ամենաշատ ձայներ հավաքած ռեյտինգային թեկնածուները՝ ըստ ընտրատարածքների Քվեների առքուվաճառք տեղի չի ունեցել, ընտրություններն անցել են ազատ պայմաններում. Միջազգային դիտորդներ Մահացել է Զանգեգուրի պղնձամոլիբդենային կոմբինատի տնօրենների խորհրդի նախագահ Մաքսիմ Հակոբյանը Փորձ է արվում խոչընդոտել ՄԻԵԴ հնարավորինս շուտ դիմելը. Ռոբերտ Քոչարյանի պաշտպանական թիմ Նոր Ազգային ժողովն ու կառավարությունն աշխատելու են պատասխանատվության մեծ տիրույթում. ՀՀ նախագահ ԿԸՀ-ն հաստատեց ԱԺ արտահերթ ընտրությունների նախնական արդյունքների արձանագրությունը ԿԸՀ-ն դեռ չի հաշվարկել, թե որ ուժը որքան մանդատ կունենա խորհրդարանում Բակո Սահակյանը շնորհավորական ուղերձ է հղել ԼՂՀ պետական անկախության մասին հանրաքվեի եւ Սահմանադրության օրվա առթիվ Հանրապետության որոշ ավտոճանապարհներին ձյուն և մառախուղ է Մի քանի բառով «ընտրությունների» մասին և ոչ միայն։ ՕՐՎԱ ԽՈՐՀՈՒՐԴԸ: Դեկտեմբերի 10 Բոլոր ընտրատեղամասերի նախնական արդյունքներով «Իմ քայլը» ստացել է ձայների 70,43 տոկոսը Նախնական տվյալներ՝ 134 ընտրատեղամասից Հայտնի են 34 տեղամասերի քվեարկության արդյունքները. ուղիղ Արդյունքներ՝ 29 ընտրատեղամասից. առջևում «Իմ քայլն» է, 2-րդը՝ ԲՀԿ-ն Առերևույթ ընտրախախտումների վերաբերյալ ՀՀ քննչական կոմիտեն 20:00-ի դրությամբ ստացել է 38 հաղորդում Էլեկտրոնային եղանակով քվեարկության արդյունքներով առջևում «Իմ քայլը» դաշինքն է, 2-րդը՝ ԼՀ-ն ԱԺ արտահերթ ընտրություններին մասնակցել է ընտրողների 48,63%-ը. ԿԸՀ-ն հայտնել է նախնական տվյալները Հայաստանում ավարտվեց արտահերթ խորհրդարանական ընտրությունների քվեարկությունը Ժամը 17:00-ի դրությամբ քվեարկությանը մասնակցել է ընտրողների 39,54 տոկոսը էլեկտրոնային քվեարկության արդյունքները կամփոփվեն դեկտեմբերի 9-ին` ժամը 20:00-ից հետո ԱԺ ընտրությունների քվեարկության օրը գրանցված իրավախախտումները կրկնակի նվազել են Գեղարքունիքի մարզում ժամը 11-ի դրությամբ քվեարկել է ընտրողների 7,8 տոկոսը Ամենայն Հայոց Կաթողիկոսը քվեարկեց երկրի կայունության, խաղաղության և առաջընթացի համար ՀՀ երրորդ նախագահը կատարեց իր քաղաքացիական պարտքը Ոստիկանությունն ամփոփ տվյալներ է ներկայացրել քարոզարշավի ընթացքում տեղի ունեցած խախտումների վերաբերյալ
Խմբագրի ընտրություն
website by Sargssyan