ԵԱՀԿ ԽՎ նախագահը մտահոգություն է հայտնել ԼՂ-ում լարվածության առնչությամբ
Նմանատիպ
ԵԱՀԿ խորհրդարանական վեհաժողովի նախագահ Գեորգի Ծերեթելին մտահոգիչ է համարում Լեռնային Ղարաբաղում լարվածության աճը: Այս մասին նա հայտարարեց Վիեննայում ԵԱՀԿ արտաքին գործերի նախարարների խորհրդի նիստի բացման արարողությանը:
«Ես հավասարապես մտահոգված եմ ԵԱՀԿ տարածքում բոլոր հակամարտությունների առկայության փաստով: Լարվածության և թշնամանքի աճը Լեռնային Ղարաբաղում լուրջ մտահոգության առիթ է»,- հայտարարել է Ծերեթելին: Նա հիշատակել է նաև ուկրաինական ու վրացական խնդիրները:
«Այս հակամարտությունների հետևանքով շատ մարդկային կյանքեր են խեղվել: Խախտվել են մարդկանց հիմնարար իրավունքները: ԵԱՀԿ-ն երբեք չպետք է նորմալ և հանդուրժող լինի նման գործողությունների նկատմամբ: Հուսով եմ, որ այս սեղանի շուրջ մենք կգտնենք քաղաքական կամք՝ առաջ մղելու մեր ջանքերը խաղաղության և վստահության կառուցման հարցում»,- ասաց ԵԱՀԿ ԽՎ նախագահը:
Նա ընդգծեց, որ ԵԱՀԿ-ն յուրահատուկ հարթակ է, որը ծառայում է մեր հավաքական անվտանգությանը:
Հետևեք մեզ նաև Telegram-ում