Ստամբուլում ԱՄՆ հյուպատոսության դիմաց խոշոր ցույց է կազմակերպվել
08/12/2017 11:04
Նմանատիպ
Ստամբուլում Միացյալ Նահանգների գլխավոր հյուպատոսության առջև բողոքի ցույց է կազմակերպվել՝ ընդդեմ Երուսաղեմն Իսրայելի մայրաքաղաք ճանաչելու ԱՄՆ նախագահ Դոնալդ Թրամփի որոշման: Այս մասին հայտնում է թուրքական Diken պարբերականը:
Հյուպատոսարանի աշխատակիցներն անվտանգության խստացված միջոցներ են ձեռնարկել: ԱՄՆ դիվանագիտական ներկայացուցչության մոտ հավաքվածները Միացյալ Նահանգների ու Իսրայելի դեմ հայտարարություններ ու կոչեր են արել: Հայտարարություններից մեկի մեջ, մասնավորապես, ասվում էր. «Երուսաղեմը լինելու է ոչ թե Իսրայելի մայրաքաղաքը, այլ գերեզմանը»:
Ակցիայից հետո հավաքվածներն առանց որևէ միջադեպի հեռացել են հյուպատոսարանի դիմացից:
Հետևեք մեզ նաև Telegram-ում