Էրդողանը Երուսաղեմի կարգավիճակի հարցով հեռախոսազրույցներ է ունեցել Պուտինի և Հռոմի պապի հետ
08/12/2017 16:01
Նմանատիպ
Թուրքիայի նախագահ Ռեջեփ Թայիփ Էրդողանը Երուսաղեմն Իսրայելի մայրաքաղաք ճանաչելու մասին ԱՄՆ նախագահ Դոնալդ Թրամփի որոշման հարցով հեռախոսազրույցներ է ունեցել Ռուսաստանի Դաշնության նախագահ Վլադիմիր Պուտինի և կաթոլիկ աշխարհի հոգևոր առաջնորդ Հռոմի Ֆրանցիսկոս պապի հետ: Ինչպես հաղորդում է «Արմենպրես»-ը, այս մասին հայտնում է թուրքական Diken պարբերականը:
Պուտինի հետ հեռախոսազրույցում Էրդողանն ընդգծել է, որ Թրամփի որոշումը բացասաբար կազդի տարածաշրջանի խաղաղության և կայունության վրա:
Թուրքիայի նախագահը Հռոմի Ֆրանցիսկոս պապին շնորհակալություն է հայտնել Երուսաղեմի կարգավիճակն անփոփոխ թողնելու մասին հայտարարության համար: Նա ևս մեկ անգամ ընդգծել է քաղաքի կարգավիճակի փոփոխությանն ուղղված ցանկացած նախաձեռնությունից հեռու մնալու անհրաժեշտությունը:
Հետևեք մեզ նաև Telegram-ում