AM | RU
USD
EUR
RUB

ՀՀ ԱԳ նախարարն ամփոփել է Հունաստանի իր գործընկերոջ հետ հանդիպման արդյունքները

Հայաստանի ԱԳ նախարար Էդվարդ Նալբանդյանը Հունաստանի արտաքին գործերի նախարարությունում իր հույն գործընկերոջ՝ Նիկոս Կոձիասի հետ համատեղ մամուլի ասուլիսին ամփոփել է երկկողմ հանդիպման արդյունքները: 

Ինչպես տեղեկացրին ՀՀ արտգործնախարարության մամուլի, տեղեկատվության և հասարակայնության հետ կապի վարչությունից, նախարարն իր ելույթում ասել է.

«Հարգելի Նիկոս,
Տիկնայք և պարոնայք,

Նախ, ցանկանում եմ շնորհակալություն հայտնել իմ բարեկամ և գործընկեր Նիկոս Կոձիասին հրավերի և բացառիկ ջերմ ընդունելության համար:

Հայաստանը և Հունաստանը, մեր եղբայրական ժողովուրդները կապված են դարավոր ջերմ հարաբերություններով, ավանդաբար խորը փոխադարձ համակրանքով, փոխաջակցությամբ և համերաշխությամբ:

Մենք հաճախ հանդիպում ենք նախարար Կոձիասի հետ միջազգային տարբեր հարթակներում: Վերջերս ես հյուրընկալել էի նրան Երևանում և այժմ ուրախ եմ գտնվել Աթենքում՝ շարունակելու մեր քննարկումները:

Այսօր ավելի վաղ ես պատիվ ունեցա հանդիպել Հունաստանի Հանրապետության Նախագահ Պրոկոպիս Պավլոպուլոսին և մտքեր փոխանակել հայ-հունական հարաբերությունների շուրջ:

Իմ այցը մեկնարկեց Արտաքին գործերի նախարարությունում երեկ ունեցած դասախոսությամբ: Ուզում եմ ևս մեկ անգամ շնորհակալություն հայտնել ընձեռված հնարավորության համար՝ ներկայացնելու տարածաշրջանային խնդիրների և Հայաստանի արտաքին քաղաքականության մի շարք առաջնահերությունների շուրջ մեր մոտեցումները:

Հանդիպման ընթացքում գործընկերոջս հետ անդրադարձանք անցյալ տարի Հայաստանի Նախագահի՝ Աթենք կատարած այցի ժամանակ ձեռք բերված պայմանավորվածությունների կատարման ընթացքին:

Ինչպես նշեց նախարար Կոձիասը, մենք քննարկեցինք երկկողմ և բազմակողմ օրակարգին առնչվող հարցերի լայն շրջանակ:

Անդրադարձանք քաղաքական երկխոսության հետագա խորացման, տնտեսական համագործակցության ամրապնդման, երկկողմ առևտրի, պաշտպանության, կրթության, գիտության, մշակույթի, զբոսաշրջության և բազմաթիվ այլ բնագավառներում գործընկերության ակտիվացման ուղիներին:

Մտքեր փոխանակեցինք մեր տնտեսական հարաբերությունների ներուժի վերաբերյալ, որոնք կարող են ընդլայնվել միջկառավարական հանձնաժողովի աշխատանքների և գործարար ֆորումների կազմակերպման միջոցով: Քննարկվեցին նաև Հայաստանի ազատ առևտրի գոտիներում հունական ընկերությունների հնարավոր ներգրավմանը, Հայաստան-ԵՄ հարաբերությունների շրջանակում առկա ներուժի օգտագործմանը, Հունաստանի և Եվրասիական տնտեսական միության միջև համագործակցության զարգացման հեռանկարներին առնչվող հարցեր:

Ընդգծեցինք, որ երկու երկրների միջև առկա ամուր իրավական դաշտը, որը կարող է հիմք հանդիսանալ մեր կապերի հետագա ամրապնդման համար: Այս համատեքստում, Երևանում կայացած մեր հանդիպման ընթացքում մենք պայմանավորվել էինք նախարար Կոձիասի հետ Հայաստանի և Հունաստանի արտգործնախարարությունների միջև ստեղծել հատուկ աշխատանքային խումբ, որպեսզի ամփոփվի կատարված աշխատանքը և ուսումնասիրենք նոր ուղիներ: Ուրախ եմ, որ այդ խումբն արդեն իսկ ստեղծվել է և անգամ այս տարի հոկտեմբերին Աթենքում անցկացրել առաջին հանդիպումը՝ Հայաստանի արտաքին գործերի նախարարության գլխավոր քարտուղարի և Հունաստանի արտգործնախարարի տեղակալի գլխավորությամբ:

Երևանում գործընկերոջս հետ նաև քննարկեցինք մեծաթիվ հայկական և հունական սփյուռքների միջև համագործակցության հնարավորությունները: Այսօր մենք շարունակեցին այս թեմայով մտքերի փոխանակությունը: Ուրախ եմ, որ մեր երկու նախարարությունները ակտիվորեն ներգրավված են այս կապերի ամբողջական ներուժն բացահայտելու գործում:

Կարևորեցինք մեր խորհրդարանների միջև համագործակցության ընդլայնումը: Մենք հավատացած ենք, որ խորհրդարանական պատվիրակությունների երկկողմ այցերը կարող են խորացնել մեր խորհրդարանների միջև երկխոսությունը, ինչպես նաև ամրապնդել համագործակցությունը միջազգային խորհրդարանական վեհաժողովների շրջանակներում:


Բանակցությունների ընթացքում մեր ուշադրության կենտրոնում էին միջազգային հարթակներում երկկողմ փոխգործակցության ակտիվացումը, մասնավորապես ՄԱԿ, ԵԱՀԿ, Եվորպայի Խորհրդի շրջանակներում:

Ինչպես հավանաբար տեղյակ եք, հաջորդ տարի Հայաստանը կհյուընկալի Ֆրանկոֆոնիայի միջազգային կազմակերպության գագաթաժողովը, որը միավորում է 84 երկրներ, այդ թվում և Հունաստանը: Ես ներկայացրի գործընկերոջս գագաթաժողովի նախապատրաստական աշխատանքները:

Մի քանի օրից Հայաստանը կստանձնի Սևծովյան տնտեսական համագործակցության կազմակերպության նախագահությունը, և այս համատեքստում անդրադարձ կատարեցինք Կիևում կայանալիք ՍԾՏՀԿ նախարարական հանդիպմանը:

Հայաստան-Եվրամիություն Համապարփակ և ընդլայնված գործընկերության համաձայնագրի համատեքստում, մտքեր փոխանակեցինք Հայաստանի և Եվրամիության միջև համագործացկության զարգացման հեռանկարների վերաբերյալ:

Քննարկեցինք նաև տարածաշրջանային և միջազգային հրատապ խնդիրներ: Անդրադարձանք Կիպրոսի հիմնախնդրին: Նախարար Կոձիասը ներկայացրեց այս ուղղությամբ վերջին զարգացումները: Հայաստանը աջակցում է այս հարցում Հունաստանի և Կիպրոսի ջանքերին:

Ես ներկայացրեցի իմ գործընկերոջը Լեռնային Ղարաբաղի հիմնախնդրի կարգավորման գործընթացը, հիմնախնդրի խաղաղ կարգավորման առաջ մղման ուղղությամբ Հայաստանի և ԵԱՀԿ Մինսկի խմբի համանախագահների համատեղ ջանքերը:

Իհարկե մտքեր փոխանակեցին նաև տարածաշրջանային և միջազգային օրակարգի հրատապ հարցերի շուրջ:

Հարգելի Նիկոս,

Կրկին շնորհակալություն ջերմ ընդունելության և արդյունավետ քննարկումների համար»:

 

Լրահոս
Մխիթարյանը վերջնական համաձայնության է եկել «Արսենալ»-ի հետ Էդվարդ Նալբանդյանը ՀԲԸՄ նախագահի հետ քննարկել է համահայկական օրակարգին առնչվող հարցեր Վրաստանում ճանապարհին արգելափակված ՀՀ քաղաքացիներ չկան. դեսպանատուն Լավագույն դիրքապահը. Սարմեն Բլբուլյան Օբամայի գլխավոր խորհրդականները ներողություն են խնդրել Հայոց ցեղասպանությունը չճանաչելու համար ՍԱՊԾ-ն պարտավոր է իր աշխատանքով երաշխավորել քաղաքացու շահերի պաշտպանությունը. վարչապետին է ներկայացվել ծառայության հաշվետվությունը ՀՀ ԱԻ նախարարի հրամանով՝ գազաբալոնի պայթյունի առնչությամբ կիրականացվի փորձաքննություն Արագության գերազանցումն ու անսթափ վիճակում ավտոմեքենա վարելը ծանր հետևանքով ավտովթարների հիմնական պատճառներն են Գարդասիլ՝ փրկության օղա՞կ, թե՞ տրոյական ձի (մաս2) Ազնավուրը հայտարարել է, որ Ջոնի Հալիդեյի մահը սգացել է «հայկական ձևով» Հայաստանի լեռներում անցկացվում է դահուկային մրցավազք ՀՀ-ի և ՌԴ-ի ուժային կառույցների միջև Խոսրով Հարությունյանի կարծիքով՝ միջազգային շրջանակում Արմեն Սարգսյանի նկատմամբ գործընկերային մեծ վստահությունը կարող է փոխանցվել նաև Հայաստանին Թռիչքից րոպեներ առաջ Լոնդոնի ոստիկանությունը ձերբակալել է ալկոհոլի ազդեցության տակ գտնված օդաչուին Զինծառայող Ալբերտ Դալլաքյանի վիրահատության համար անհրաժեշտ գումարը հանգանակությամբ հավաքվել է Նախագահը խորհրդակցություն է անցկացրել Կենտրոնական բանկի ղեկավար կազմի հետ Առաջիկա հինգ օրերին օդի ջերմաստիճանը էապես չի փոխվի, արևային եղանակը կպահպանվի ԱՄՆ կողմից Սիրիայում անվտանգության ուժերի ստեղծումը Թուրքիայի դեմ ուղղված վտանգ չի պարունակում Դավիթ Բաբայանը կարեւորում է Հայաստանի եւ Ադրբեջանի ԱԳ նախարարների հանդիպումը խաղաղ բանակցային գործընթացը շարունակելու համատեքստում Նախագահ Սերժ Սարգսյանն աշխատանքային այցով կմեկնի Ֆրանսիայի Հանրապետություն Թուրք-սիրիական սահմանին սպանվել է 4 թուրք զինվոր Արմեն Սարգսյանը բարձր մակարդակի քաղաքական գործիչ է. Kommersant-ն անդրադարձել է ՀՀ 4-րդ նախագահի թեկնածուին Մխիթարյանը բուժզննում կանցնի Լոնդոնում հանգստյան օրերին. Independent Թուրքիայում զբոսաշրջիկների ավտոբուս է վթարվել. կա 13 զոհ Գերմանական մամուլն անդրադարձել է իսրայելական Aueronautics ռազմարդյունաբերական ընկերության ադրբեջանական սկանդալին Բակո Սահակյանը շնորհավորական ուղերձ է հղել Դատական համակարգի աշխատողի օրվա առթիվ Պայթել է գազաբալոն. կա մեկ տուժած «Հայկական ժամանակ». Ալբերտ Դալլաքյանի վիրահատության գումարը հավաքվել է «Հրապարակ». Գագիկ Ծառուկյանը բիզնեսների կառավարումը հանձնել է իր երեխաներին «Փաստ». էներգիա արտադրող սարքավորումներն էժանացել են «Առավոտ». Սվիտալսկի. ԵՄ-ն ողջունում է կառավարության՝ կոռուպցիայի դեմ նախաձեռնվող քայլերը «Հայկական ժամանակի». Արմեն Ջիգարխանյանն իրեն լավ է զգում «Ժամանակ». Վարչապետի թիմակիցները կառավարության քննադատների հետ փորձում են «լեզու գտնել» «Ժողովուրդ». Արմեն Սարգսյանի թեկնածությունն ընդունելի է Արցախի համար «Փաստ». Քրեական հեղինակությունները դուրս են եկել միմյանց դեմ «Ժամանակ». Նախկին վարչապետ. Սարգսյանը նկատի է ունեցել, որ ապագա նախագահը չպետք է ներգրավված լինի տվյալ քաղաքական իրավիճակում ՕՐՎԱ ԽՈՐՀՈՒՐԴԸ: Հունվարի 20 Դանիայի արդյունաբերության, բիզնեսի ու ֆինանսական հարցերի նախարարը Հայաստան այցելելու պատրաստակամություն է հայտնել Բքի և անբավարար տեսանելիության պատճառով Վարդենյաց լեռնանցքը փակ է Բրիտանական պարբերականը հայտնում է Հենրիխ Մխիթարյանի «Արսենալ» տեղափոխվելու գործարքի ավարտի մասին Չինաստանը վստահում է Հայաստանին
Խմբագրի ընտրություն
website by Sargssyan