«Ժողովուրդ». «Դա բավարար չէ երկրի առաջին դեմք լինելու համար». ՀՀԿ-ականը՝ Կարեն Կարապետյանի մասին
Նմանատիպ
2018 թվականին սպասվող ներքաղաքական զարգացումների մասին «Ժողովուրդ»-ը զրուցել է Հանրապետական կուսակցության անդամ, նախկին պատգամավոր Վազգեն Կարախանյանի հետ:
– Գալուստ Սահակյանը նշել է, թե Կարեն Կարապետյանը քաղաքական հենարան չունի։ Համակարծի՞ք եք։
– Ես այդպես շատ կոշտ չէի ասի, որովհետև նույն թիմը նաև Կարեն Կարապետյանի թիմում է, և մենք իրար հետ համագործակցում ենք։ Ես անձամբ իր նկատմամբ հարգանք ունեմ, բայց դա բավարար չէ երկրի առաջին դեմք լինելու համար։
– Երբ Կարեն Կարապետյանը նշանակվեց, շատ խոստումներ տրվեցին։ Ըստ Ձեզ՝ դրանք իրականացվե՞լ են։
– Ես միգուցե տնտեսական հարցերից լավ չեմ հասկանում, սակայն ինչ-որ բան գուշակում եմ, որ ինքը երկարատև ծրագրերի խնդիր է դրել և ուզում է, որ րոպեական լուծումներ չլինեն, այլ այդ խոստումներին հետևի։ Այսպես կարող եմ ասել, որ պետք է ունենաք լավ ապագա և հույսով ապրենք։
– Դրան միտված քայլեր տեսնո՞ւմ եք։
– Էլի եմ ուզում կրկնեմ, որ դա րոպեական չի, այսօրվա չի։ Կարծես թե իր խոստումներից գալիս են ծրագրեր, որոնք վաղը, մյուս օրը, մեկ, երկու, երեք տարի հետո իրողություն են դառնալու։ Բայց այսօր՝ ոչ։
Հետևեք մեզ նաև Telegram-ում