Հայաստանը Եվրամիություն ձուկ կարտահանի
Նմանատիպ
Հայաստանը Եվրամիություն ձուկ կարտահանի: ՍԱՊԾ ամփոփիչ ասուլիսին ՀՀ ԳՆ սննդամթերքի անվտանգության պետական ծառայության պետ Իշխան Կարապետյանն ասաց, որ Եվրամիության հետ ձկան արտահանման գործընթացը երեք կարեւոր փուլերն արդեն անցել է եւ հասել աուդիտի փուլին:
«Մենք վերջնական աուդիտի փուլին ենք հասել, որի արդյունքում ակնկալում ենք, որ հայկական արտադրության ձուկը կհասնի Եվրամիություն»,-ասաց նա: ՍԱՊԾ պետի խոսքով`Հայաստանից-Չինաստան մեղր արտահանելու ուղղությամբ եւս հաջողություններ կան:
«Մենք կարող ենք փաստել, որ վերջնական փուլին ենք մոտեցել: Արդեն իսկ նախաստորագրվել են մի շարք փաստաթղթեր, եւ մենք մոտ ժամանակներս հնարավորություն կունենանք այդ մասին հայտարարություն անել»,-նշեց Կարապետյանը՝ հավելելով, որ բանակցություններ են ընթանում նաեւ ԱՄԷ-ի հետ կենդանիների եւ սառեցված մսի արտահանման ուղղությամբ: Անդրադառնալով սահմանային վերահսկողությանը՝ ՍԱՊԾ պետը նշեց, որ անցնող տարում սահմանին 60 հազար կիլոգրամ սննդամթերք է ոչնչացվել, 120 ներմուծում էլ կասեցվել է:
Հետևեք մեզ նաև Telegram-ում