Բոլորիս համար մեծ պատիվ է Հայաստանի 10-ը լավագույնների մարզիկների շարքում լինելը. Գրիգոր Մխիթարյան

Բոլորիս համար մեծ պատիվ է Հայաստանի 10-ը լավագույնների մարզիկների շարքում լինելը. Գրիգոր Մխիթարյան

Հայաստանի սամբոյի հավաքականի անդամ, 2017 թվականի Հայաստանի 10 լավագույն մարզիկներից մեկի՝ Գրիգոր Մխիթարյանի համար կրկնակի պատիվ է լավագույնների շարքում հայտնվելը:

«Իհարկե, 10 լավագույնների շարքում ընդգրկվելը ոչ միայն նոր խթան է նոր արդյունքների ձգտելու, այլ նպատակներս ավելացնելու շարժառիթ: Պետք է նորից ու նորից ապացուցեմ իմ բարձր կարգը աշխարհում և Եվրոպայում: Ուզում եմ բոլորին շնորհավորել, ովքեր ընդգրկվել են 10-յակում: Բոլորիս համար մեծ պատիվ է Հայաստանի 10-ը լավագույն մարզիկների շարքում լինելը: Քանի որ Հայաստանը համարվում է սպորտում մեծ ավանդույթներ ունեցող երկիր»,-ասաց Մխիթարյանը:

Առաջին անգամ 2017 թվականի տարվա լավագույն մարզիկների տասնյակը ձևավորվել է մարզասերների sms-հաղորդագրությունների և ՀՀ սպորտի և երիտասարդության հարցերի նախարարությունում հավատարմագրված մարզական լրագրողների քվեարկության արդյունքների 50։50 համադրությամբ: Ի տարբերություն մյուս տարիների՝ 2017 թվականին Հայաստանի Հանրապետության 10 լավագույն մարզիկների դասակարգում ըստ տեղերի չկա: Տասնյակում ընդգրկված բոլոր մարզիկները համարվում են 2017 թվականի «Հայաստանի լավագույն մարզիկ» և արժանանալու են միանման խորհրդանշական մրցանակների: Ահա 2017 թվականի 10 լավագույն մարզիկները. Հենրիխ Մխիթարյան (ֆուտբոլ)՝ 9897.62, Արթուր Ալեքսանյան (հունա-հռոմեական ոճի ըմբշամարտ)՝ 7686.50, Լևոն Արոնյան (շախմատ)՝ 6148.59, Գրիգոր Մխիթարյան (սամբո)՝ 4568,93, Մաքսիմ Մանուկյան (հունա-հռոմեական ոճի ըմբշամարտ)՝ 4377.62, Հովհաննես Բաչկով (բռնցքամարտ)՝ 3953.65, Սիմոն Մարտիրոսյան (ծանրամարտ)՝ 3683.72, Էդգար Ստեփանյան (հեծանվասպորտ)՝ 2503.92, Արթուր Թովմասյան (մարմնամարզություն)՝ 2485.95, Տիգրան Կիրակոսյան (սամբո)՝ 2196.90:

Հետևեք մեզ նաև Telegram-ում