AM | RU
USD
EUR
RUB

Հասարակությունը ի դեմս «Ելք»-ի կտեսնի քաղաքականապես կենսունակ ու արդի ուժ

 
 

Այն, ինչ անում է «Ելք» դաշինքը ու հատկապես Նիկոլ Փաշինյանը, ամբողջովին տեղավորվում է դասական քաղաքական գործունեության շրջանակներում: Անկախ արդյունքից, անկախ քայլերի արդյունավետության վերաբերյալ մեր պատկերացումներից, «Ելք»-ը այսօրվանից իսկ անում է քայլեր, որոնք հաջորդ ընտրություններում անպայման տալու են իրենց արդյունքը, եթե իհարկե ներկա տեմպը պահպանվի մինչև վերջ:

Իսկ թե ինչով է զբաղված հատկապես արտախորհրդարանական ընդդիմությունը, մեղմ ասած անհասկանալի է: Անհասկանալի է ոչ միայն այն պատճառով, որ կարելի է համարել ոչինչ չեն անում, այլև ընդունելի չեն քննադատության այն նետերը, որոնք ուղղված են խորհրդարանական ընդդիմության գործունեությանը:

Իհարկե կարելի է չմասնակցել առաջարկվող նախաձեռնությանը, ի վերջո ցանկացած քաղաքական միավոր ինքն է որոշում ոչ միայն իր քաղաքական օրակարգը, այլև որևէ գործընթացին մասնակցության չափն ու նպատակահարմարությունը: Սակայն քննադատությունն ու ծաղրը անհասկանալի է ու ապաքաղաքական: Այնպիսի տպավորություն է, որ արտախորհրդարանական ընդդիմությունը հրաժարվում է քաղաքական գործունեություն ծավալելուց, հույսը դնելով ֆոստ-մաժորային իրավիճակների վրա: Իսկ քաղաքական գործունեությունը միայն ընտրություններից մեկ ամիս առաջ ակտիվանալով ու տարվա մեջ մի երկու հարցազրույց տալով չէ:

Նույնիսկ այդ հարցազրույցները մեծամասամբ կախված են լրատվամիջոցների «բարի կամքից»: Եթե լրատվամիջոցները տևական ժամանակ «մոռանան» երբեմնի ակտիվ գործիչներին, ապա մեր ընդդիմության մի զգալի հատվածն առհասարակ կհեռանա քաղաքական դաշտից ու լիովին կմոռացվի հանրության կողմից: Որքան էլ որևէ քաղաքական միավորի կամ որևէ առանձին գործչի դերակատարումը անցյալում մեծ լինի, դա դեռևս պահանջված լինելու գրավական չէ: Հասարակությունը հիշում է միայն նրան, ով գործում է ներկա պահին և ոչ թե նրան ով գործել է ժամանակին կամ պատրաստվում է գործել ապագայում: Ի տարբերություն շատերի, «Ելք» դաշինքը գործում է «հիմա» ու դրանով իսկ փորձում ամրապնդել իր դերն առաջիկայում:

«Ելքը» այսօր անկախ ոմանց գնահատականներից ստեղծում է կամ փորձում է ստեղծել քաղաքական օրակարգ: Առաջիկայում սպասվող նախագահի ընտրություններին փորձում է հաղորդել քաղաքական բովանդակություն ու ապահովել մրցակցություն: Կրկնում եմ անկախ արդյունքներից, դա է քաղաքական պայքարի ու գործունության տրամաբանությունը:

Ամսի 19-ի բողոքի ակցիան գնանկման կամ գնաճի կասեցման մեխանիզմ չէ: Դրանք պետք է կարգավորվեն օրենսդրական փոփոխություններով ու կառավարման պատկան մարմինների միջամտությամբ: Բնականաբար խոսքը սուբյեկտիվ գործոններից բխող գնաճի մասին է:

Բայց այդ երթը կարող է հանդիսանալ լուրջ հակակշիռ, կարտոֆիլ ուտելու, թանկացումները որպես աղքատության վտանգ չդիտարկելու, կամ ցանկությունները զսպելու իշխանության որոշ ներկայացուցիչների կոչերին: Այլ խոսքով, եթե այդ կոչերը միտված են մարդկանց մոտ առկա դժգոհությունները բթացնելու, ապա «Ելք»-ի նախաձեռնությունը կարող է տալ միանգամայն այլ էֆեկտ, ինչն էլ հնարավոր է փութացնի պատկան մարմինների աշխատանքը:

Իհարկե, կարծում եմ սոցիալական բնույթ ունեցող բողոքի երթը, ներկա պահին չի վերածվի քաղաքական լուրջ հավակնություններ ունեցող գործընթացի: Սակայն մի կողմից այն իշխանությունների համար կդառնա որպես ահազանգ, որ կա քաղաքական այն միավորը, ով պատրաստ է ցանկացած պահի դուրս գալ փողոց, չսահմանափակվելով միայն խորհրդարանական պայքարով, մյուս կողմից էլ հասարակությունը ի դեմս «Ելքի» կտեսնի քաղաքականապես կենսունակ, արդի ուժ, ով անհրաժեշտ պահին պատրաստ է դառնալ այլընտրանք թե՛ իշխանությանը և թե՛ ընդդիմությանը միաժամանակ :

Եթե խորհրդարանական մյուս ընդդիմությունը այս հարցում իրեն ապահով է զգում ու կարող է առաջարկել իր սեփական մոտեցումները գնաճի հետ կապված, ապա արտախորհրդարանական ընդդիմության ծաղրանքներն ու քննադատությունը «Ելք»-ի նախաձեռնության առումով, որևէ կերպ արդարացված չեն: Նման պահվածքը աստիճանաբար կարող է այդ քաղաքական միավորներին վերջնականապես մղել լուսանցք:

Մնացած կարծիքները շինծու թե անկեղծ, պայմանավորված թե սեփական նախաձեռնությամբ, ընդդիմադիր թե կեղծ ընդդիմադիր...ընդամենը սուբյեկտիվ գնահատականներ են ու քաղաքական գործոն չեն:

Կարեն ԿԱՐԱՊԵՏՅԱՆ

Լրահոս
Արարատ Միրզոյանի խորհրդականն ԱԺ աշխատակազմի ղեկավար նշանակվեց Ցավոք, Հայաստանը որպես հարևան՝ չկա Ադրբեջանի բնակչության մեծամասնության պլաններում ՄԻԵԴ-ը վարույթ է ընդունել Լապշինի հաղորդումը. Ադրբեջանը 3 ամիս ունի բողոքարկելու համար Չավուշօղլուն հայկական լոբբիին մեղադրել է «սև քարոզչություն» իրականացնելու համար Նիկոլ Փաշինյանը Մոսկվայում կմասնակցի ԵԱՏՄ նախագահության՝ Հայաստանին փոխանցման արարողությանը Խնդիրն այն է, թե ինչ հասարակություն ենք ուզում կրթել... Ալեքսանդր Լապշինը ցանկանում է իր բլոգում պատմել Ադրբեջանի կողմից գնդակոծվող հայկական գյուղերի մասին Մանվել Գրիգորյանը կրկին կկալանավորվի Օդի ջերմաստիճանը կբարձրանա 5-7 աստիճանով Բակո Սահակյանը երախտագիտություն է հայտնել Ժան-Միշել Էքերյանին Արցախում առողջապահական ծրագրերի համար Արմեն Աշոտյան.«Հայկական զորախումբ Սիրիայում. Փաշինյանի արկածախնդրությունը՝ օրենքի խախտումով» Էդուարդ Շարմազանով.«Ինչպե՞ս կարել է տնտեսական հեղափոխության հասնել, երբ տնտեսությունը գնալով գահավիժում է» Մարտին տեղի կունենա ԵՄ-Թուրքիա գագաթնաժողովը՝ 3 տարվա դադարից հետո Գևորգ Մուրադյանը միաձայն ընտրվեց ԵՊՀ հոգաբարձուների խորհրդի նախագահ Աճել են Պաշտպանին հասցեագրվող բողոքները պետական մարմինների կողմից քաղաքացիների դիմումներին չպատասխանելու վերաբերյալ Գորիս-Սիսիան ճանապարհահատվածում տեղ-տեղ մերկասառույց է ԵԽԽՎ-ն մտահոգություն հայտնեց ՀՀ ընտրություններում տեղ գտած ատելության հռետորաբանության վերաբերյալ Մեղրիի մաքսակետում կանխվել է թմրամիջոցների ներկրման հերթական փորձը «168 Ժամ». «Թաթան մերն ա, Թաթային ձեռք չտաք…» «Փաստ». Ի՞նչ անել «Հայոց եկեղեցու պատմություն» առարկայի հետ «Ժամանակ». Ահազանգ. Սևանա լիճը շարունակում է դատարկվել «Ժողովուրդ». Առողջապահության նախարարի՝ ԵՊԲՀ խորհրդի նախագահի թեկնածուն 7 կողմ ձայնով չի ընտրվել «Ժամանակ». Պարգևատրումները հրահանգավորված է եղել կառավարությունից «Իրատես». Փոփոխություններ տեղի կունենան ոստիկանությունում, ԱԱԽ կառույցի և ԿԸՀ համակարգերում «Ժողովուրդ». Որոնք են լինելու առաջիկայում օպտիմալացվող նախարարությունները «Հրապարակ». Հետաքրքիր զարգացումներ են սպասվում ԵԽԽՎ առաջիկա նստաշրջանում «Ժամանակ». Ո՞վ կնշանակվի ՀՀ ոստիկանապետ «Հրապարակ». Վանեցյանի քենակալը նոր կառավարության անդամ չնշանակվեց ՕՐՎԱ ԽՈՐՀՈՒՐԴԸ: Հունվարի 22 Երևանի քաղաքապետը հրաժարականի դիմում չի գրել Ազգային անվտանգության ծառայությունը բացահայտել է ՀՀ ՊԵԿ պաշտոնատար անձի օժանդակությամբ կազմակերպված հանցավոր մեխանիզմ Զոհրաբ Մնացականյանը դիվանագիտական առաքելության ավարտի կապակցությամբ ընդունել է ԱՄԷ-ի դեսպանին Հայաստանի դեսպանը հավատարմագրերն է հանձնել Բելառուսի նախագահին Եթե պատրաստ եք ձեր քայլը կատարել, եկեք Հայաստան, հարստացեք և հարստացրեք ուրիշներին. Փաշինյան Միացյալ Թագավորությունը վավերացրել է ՀՀ-ԵՄ Համապարփակ և ընդլայնված գործընկերության համաձայնագիրը Արմեն Սարգսյանը ցավակցական հեռագիր է հղել Մեքսիկայի նախագահին Գերմանիան ռեկորդային թվով միգրանտների է արտաքսել ԵՄ այլ երկրներ Արթուր Գրիգորյանն ազատվել է բնապահպանության և ընդերքի տեսչական մարմնի ղեկավարի պաշտոնից Հայաստանում հեղուկ գազի դեֆիցիտ է ԵԽԽՎ-ն փոխնախագահներ է ընտրել
Խմբագրի ընտրություն
website by Sargssyan