AM | RU
USD
EUR
RUB

Ալավերդցի Վահագնի ձերբակալությամբ քանդվում է հետընտրական սպանությունների մի ողջ կծիկ

Այսօր առավոտյան՝ ժամը 07.00-ի սահմաններում, ձերբակալվել է 2017 թ. սեպտեմբերին Թուֆենկյան հյուրանոցի մոտ հրազենային վիրավորում ստացած քրեական հեղինակություն Ալավերդցի Վահագն Աբգարյանը, գրում է armtimes.com-ը:

Հիշեցնենք, որ Թուֆենկյանի մոտ հնչած կրակոցներից սպանվել էր Վահագն Աբգարյանի թիկնապահը՝ Գարիկ Մոսինյանը:

Մեր տեղեկություններով՝ Վահագն Աբգարյանը ձերբակալվել է Կամո Փիրուզյանի սպանությունը կազմակերպելու կասկածանքով: Մեզ հայտնի դարձավ, որ այսօր ձերբակալվել է նաեւ Վահագն Աբգարյանի «աջ ձեռքը» համարվող Արկո մականունով հայտնի Արթուր Մնացականյանը: Նրան ձերբակալելու համար իրավապահները գնացել են ընկերուհու տուն, ջարդել տան դուռը: Նա կասկածվում է Կամո Փիրուզյանի սպանությունը օժանդակելու մեջ: Ձերբակալվել է նաեւ Վահագն Աբգարյանի թիմից եւս մեկը:

Հիշեցնենք, որ Վահագն Աբգարյանի անունը կապվում է Ալավերդիում մի շարք աղմկահարույց դեպքերի հետ: Մասնավորապես, 2015 թվականի հունիսի 7-ին Ալավերդիում կայացան քաղաքապետի ընտրություններ։ Քաղաքապետի աթոռի համար պայքարում էին երկու անկուսակցականներ՝ Լոռիիում հայտնի «Լալվար» քարի արտադրամասի տնօրեն Արթուր Աբգարյանը եւ Սանահինի մեքենայացված գծային ուղեմասի պետ, անկուսակցական, բայց իշխող Հանրապետականի կողմից առաջադրված, այժմ գործող քաղաքապետ Կարեն Փարեմուզյանը։ Ընտրություններից հետո ամռանը իր շքամուտքում հարձակման է ենթարկվել քաղաքապետի թեկնածու Արթուր Աբգարյանի ընկերներից Վարդան Անտոնյանը. գործող քաղաքապետի թիմակից Վահագն Աբգարյանի թիկնապահները մետաղյա ձողով մի քանի հարվածներ են հասցրել նրա գլխին։ Ինչից հետո էլ 2015 թվականի հոկտեմբերի 11-ին Ախթալայի կամրջի վրա Անտոնյանը կրակահերթեր է արձակել Վահագն Աբգարյանի զրահապատ ավտոմեքենայի ուղղությամբ՝ իր ասելով կրակել է՝ վախեցնելու համար, քանի որ իմացել է ավտոմեքենայի զրահապատ լինելու մասին։ Սակայն այժմ Վարդան Անտոնյանը մեղադրվում է Վահագն Աբգարյանին սպանելու փորձի մեջ։ Աբգարյանի ավտոմեքենայի մեջ եղել են չորս ընկերը, այդ թվում՝ մեկ տարի անց սպանված Վարդան Ավագյանը: Սակայն այդքանով եւս ոչինչ չավարտվեց: Վարդան Անտոնյանը հետագայում հայտնել է, որ իր վրա հարձակված անձինք եղել են Աբգարյանի թիկանապահներ Վարդան Ավագյանը եւ Էդուարդ Պողոսյանը:

Մեկ տարի անց՝ 2016 թվականի մայիսի 19-ի լույս 20-ի գիշերը՝ ժամը 03:00-ի սահմաններում, սպանվեցին 41-ամյա Վարդան Ավագյանը եւ 34-ամյա Էդուարդ Պողոսյանը: Ըստ որոշ տեղեկությունների՝ սպանվածները Ալավերդցի Վահագնի թիկնապահներն են եղել: Սպանությունը տեղի է ունեցել քաղաքապետի թեկնածու Արթուր Աբգարյանի թիմակցի՝ Վարդան Փիրուզյանի տան մոտ: Փիրուզյանն այս գործով մինչեւ հիմա հետախուզվում է: Դեպքը, ըստ նախնական տեղեկությունների, տեղի է ունեցել հետեւյալ կերպ. մայիսի 19-ին, երբ Վարդան Փիրուզյանն իր ավտոմեքենայից իջնելիս է եղել դեպի տուն, Վարդան Ավագյանը, Էդուարդ Պողոսյանը եւ եւս մի քանի հոգի հարձակվել են Փիրուզյանի վրա. հարձակվողների ձեռքում եղել է առնվազն մեկ ատրճանակ եւ մեկ ինքնաձիգ: Նրանց ու Փիրուզյանի միջեւ քաշքշուկ է սկսվել՝ հենց ավտոմեքենայի մեջ: Գործով արդեն որպես մեղադրյալ ներգրավված Վարդան Փիրուզյանն էլ կրակոցներ է արձակել հենց հարձակվողներից մեկի ատրճանակով, ինչի հետեանքով էլ Վարդան Ավագյանն ու Էդուարդ Պողոսյանը ստացել են հրազենային վիրավորում եւ մահացել:

Ալավերդցի Վահագնի թիկնապահների սպանությունից մեկ տարի անց՝ 2017 թվականին սպանվեց Վարդան Փիրուզյանի եղբայրը՝ Կամո Փիրուզյանը: Նրա սպանությունը գնահատվեց որպես վենդետա. Ալավերդիում պտտվող տեղեկությունների համաձայն՝ նրան սպանել են եղբոր կատարած սպանությունների վրեժը լուծելու համար:

Կամո Փիրուզյանը սպանվել է 2017 թվականի հունիսի 13-ին, օրը ցերեկով: Անհայտ անձը Ալավերդի քաղաքում՝ «Կատա» սուպերմարկետի հարեւանությամբ, կրակոցներ էր արձակել նրա ուղղությամբ։ Նախաքննության սկզբում փաստական տվյալներ են ձեռք բերվել, որ Կամո Փիրուզյանի ուղղությամբ Ալավերդի քաղաքի Թումանյան 20 հասցեում գտնվող խանութի մոտ «Մակարով» տեսակի ատրճանակից կրակոցներ է արձակել նույն քաղաքի մեկ այլ բնակիչ՝ ծնված 1991 թ.։ Դեպքի պահին վերջինս գտնվել է նույն հասցեում գտնվող ծաղկի վաճառքի սրահում, որտեղից էլ սկսել է կրակոցներ արձակել դրսում գտնվող Կ. Փիրուզյանի ուղղությամբ, ինչը շարունակել է ծաղկի սրահից դուրս գալուց հետո, ապա նաև՝ ոտքերով հարվածել տուժողի մարմնի տարբեր մասերին: Երիտասարդը՝ 26-ամյա Վլադիմիր Դավթյանն է, որն այս գործով կալանավորված է: Մեզ հայտնի դարձավ, որ ի սկզբանե որպես այս սպանությանն օժանդակող կասկածվել է նաեւ այսօր ձերբակալված Վահագն Աբգարյանի «աջ ձեռքը»՝ Արկո մականունով հայտնի Արթուր Մնացականյանը:

2017թ. սեպտեմբերի 20-ին Փիրուզյանի սպանության քրեական գործը քննիչի կողմից մեղադրական եզրակացությամբ ուղարկվել է Լոռու մարզի դատախազություն՝ մեղադրական եզրակացությունը հաստատելու եւ գործն, ըստ էության քննելու համար առաջին ատյանի դատարան ուղարկելու միջնորդությամբ: Սակայն երեք օր անց՝ սեպտեմբերի 23-ին քրեական գործի նախաքննության նկատմամբ դատավարական ղեկավարում իրականացնող՝ Լոռու մարզի դատախազի տեղակալի կողմից որոշում է կայացվել լրացուցիչ քննություն կատարելու համար քրեական գործը քննիչին վերադարձնելու մասին՝ նկատի ունենալով, որ նախաքննության մարմնի կողմից կատարվել է թերի քննություն: Մասնավորապես, չէր կատարվել գործի հանգամանքների բազմակողմանի, լրիվ եւ օբյեկտիվ հետազոտություն՝ մեղադրյալի կատարած արարքը ճիշտ որակելու, հանցագործության իրական դրդապատճառը պարզելու, ինչպես նաեւ հանցագործությանը մասնակցած բոլոր անձանց որպես մեղադրյալ ներգրավելու ուղղությամբ:

Գործի նոր բազմակողմանի քննության արդյունքում էլ ահա այսօր Կամո Փիրուզյանի սպանությունը կազմակերպելու կասկածանքով ձերբակալվեց Վահագն Աբգարյանը, իսկ նրա երկու թիմակիցները՝ այդ սպանությանն օժանդակելու համար: Այս ձերբակալությամբ, ըստ էության, քանդվում է Ալավերդում տարիներ շարունակ տեղի ունեցած սպանությունների կծիկը:

Լրահոս
Բեռլինի պատի անկումից գրեթե 30 տարի անց Թուրքիան շարունակում է փակ պահել Հայաստանի հետ իր սահմանը. ՀՀ ԱԳ նախարար Հայաստանը և համանախագահները բազմիցս ընդգծել են գագաթաժողովների հանձնառությունները հարգելու անհրաժեշտությունը. Նալբանդյան ՀՀ ՊՆ պատվիրակությունը կմասնակցի Կարմիր բանակի 100-ամյա տարեդարձին նվիրված տոնակատարություններին Ընտրություններին ընդառաջ Իլհամ Ալիևը ամեն կերպ փորձում է ժողովրդավարության իմիտացիա ստեղծել Հայոց եկեղեցուն բարգավաճում, հայ-լիբանանյան կապերին՝ էլ ավելի ամրապնդում. Միշել Աունը հյուրընկալվեց Մայր Աթոռում Զինվորական հոսպիտալում զինծառայող է մահացել Լիբանանի նախագահը Ծիծեռնակաբերդում հարգանքի տուրք մատուցեց Հայոց ցեղասպանության զոհերի հիշատակին ՀՀ վարչապետը կառուցապատող ընկերությունների ներկայացուցիչների հետ քննարկել է շինարարության ոլորտի զարգացման հեռանկարները Նալբանդյանը և Մոգերինին ստորագրել են Հայաստան-ԵՄ գործընկերության առաջնահերթությունների իրագործման մասին փաստաթուղթը Քաղաքագետն Արմեն Սարգսյանի թեկնածության շուրջ լայն կոնսենսուս է տեսնում Թրամփն աշակերտների եւ ուսուցիչների հետ կքննարկի դպրոցներում անվտանգության ապահովման հարցը ՀՀ Ազգային ժողովի եւ Իսրայելի Կնեսեթի աշխատակազմերը կխորացնեն փոխգործակցությունը Լիբանանի նախագահը ժամանեց Հայաստան Ինովացիոն կենտրոնում նախագծվող ու արտադրվող սարքերով ծղոտից էներգիա են ստանում, արհեստական անձրև առաջացնում ու չեզոքացնում կարկուտը Գևորգ Կոստանյանն առաջնահերթ է համարում մարտի 1-ի դեպքերի առաջացման պատճառների և հիմքերի վերացումը 20 համայնքում ՏԻՄ ընտրություններ են սպասվում. ամենաշատ թեկնածուներ առաջադրել է իշխող ՀՀԿ-ն Երևանում կանխվել է ձիու և ավանակի մսեղիքի վաճառքը Պիտի վերանան լիկվիդ, վերաքննություն, կրկին հանձնելու թույլտվություն հասկացությունները. Լեւոն Մկրտչյան Սուրեն Կարայանը ՀՀ Նախագահին է զեկուցել հանձնարարականների կատարման ուղղությամբ իրականացված աշխատանքները Արա Բաբլոյանն ընդունել է Հայաստանում Բրազիլիայի նորանշանակ դեսպանին Կրթական ոլորտում ցանկացած քայլ պետք է հեռանկարային լինի Գեւորգ Կոստանյանն առաջադրվել է ՀՀ ԱԺ մշտական հանձնաժողովի նախագահի թեկնածու Միջին ամսական աշխատավարձը պետական հատվածում աճել է 7.1, մասնավորում` 11.3 տոկոսով Առաջիկա օրերին արևային եղանակը կպահպանվի ԱԺ հանձնաժողովը բացասական եզրակացություն տվեց ռեյտինգային ընտրակարգը վերացնելու մասին նախագծին ԱԺ հանձնաժողովը քննարկում է ռեյտինգային ընտրակարգը վերացնելու «Ծառուկյան» խմբակցության նախագիծը Արցախի նախագահը մասնակցել է ոստիկանության գործունեության արդյունքների ամփոփման նիստին Նիդերլանդների խորհրդարանում Հայոց ցեղասպանության մասին օրենքի նախագծերը կքննարկվեն փետրվարի 22-ին Ապրիլյան քառօրյա պատերազմի մասնակցի նախաձեռնությամբ սահմանամերձ գյուղերում բարեգործություն կիրականացվի Որևէ կարգավորում չի կարող հանգեցնել լրագրողի աշխատանքի խոչընդոտման. ՄԻՊ արձագանքը քաղաքապետարանում լրագրողների աշխատանքի նոր կարգին Ջորջ Քլունին 500 հազ. դոլար կտրամադրի ԱՄՆ-ում զենքի շրջանառության վերահսկողության խստացման ակցիաների համար Մադագասկարի արտաքին գործերի նախարարը պաշտոնական այց կկատարի Հայաստան ՀՀ էներգետիկայի նախարարության աշխատակազմի ղեկավարը կազատվի պաշտոնից Արա Սաղաթելյանը Երուսաղեմում մասնակցում է խորհրդարանների աշխատակազմերի ղեկավարների միջազգային համաժողովին Աղասի Դարբինյանը նշանակվել է ՀՀ վարչական դատարանի նախագահ Վոլգոգրադից Երևան ուղիղ չվերթ կգործի Տարոն Մարգարյանը Սաթիկ Սեյրանյանի հետ քննարկել է քաղաքապետարանում լրագրողների աշխատանքը կանոնակարգելու նոր որոշումը Երևանի Պուշկինի փողոցի Սարյան-Մաշտոց հատվածում երթևեկության կազմակերպման փոփոխություն կլինի ՀՀ միջպետական և հանրապետական նշանակության բոլոր ավտոճանապարհները բաց են «Հրապարակ». Լոսանջելեսահայերը խնդրում են ԱՄՆ մուտքի արտոնագրից զրկել ավագանու ՀՀԿ անդամներին
Խմբագրի ընտրություն
website by Sargssyan