«Իրատես». Դավիթ Տոնոյան. «Հիմա գերադասում եմ արտակարգ իրավիճակներով զբաղվել»
Նմանատիպ
Օրերս մամուլը գրել էր, որ գեներալները հավաքվել ու որոշել են, որ պաշտպանության նախարար Վիգեն Սարգսյանին պետք է փոխարինի արտակարգ իրավիճակների նախարար Դավիթ Տոնոյանը:
«Իրատեսը» թեմայի շուրջ մի քանի հարց է ուղղել Տոնոյանին:
-Պարոն Տոնոյան, նորից ցանկություն ունե՞ք վերադառնալու պաշտպանության նախարարություն, այն էլ՝ նախարարի կարգավիճակով:
-Ես նախկին զինծառայող եմ և միշտ պատրաստ եմ կրելու ուսադիր: Բայց, խնդրում եմ, ինձ արտակարգ իրավիճակների հետ կապված հարցեր տվեք:
-Հենց այնպես չէ, որ նման տեղեկություններ են շրջանառվում:
-Մամուլը շատ բան կարող է գրել, բայց հիմա ի պաշտոնե գերադասում եմ արտակարգ իրավիճակներով զբաղվել:
-Այդուհանդերձ, նման հավաք եղե՞լ է:
-Չէ, ես տեղյակ չեմ: Իրականում արտակարգ իրավիճակ չի ստեղծվել, ոչինչ չի կատարվում, ամեն ինչ նորմալ է: Տվյալ միջոցառման իբր մասնակիցները ևս հերքումով են հանդես եկել:
-Ինչո՞վ է պայմանավորված Ձեր հանդեպ գեներալների համակրանքը:
-Ես ընդհանրապես բարձրաստիճան սպայական կազմին մեծ հարգանքով եմ վերաբերվում և կարծում եմ, դա փոխադարձ է:
-Վիգեն Սարգսյանի աշխատանքն ինչպե՞ս եք գնահատում:
-Բարձր:
Հետևեք մեզ նաև Telegram-ում