«Փաստ». էներգիա արտադրող սարքավորումներն էժանացել են

Կտրուկ իջել են արևային էներգիա արտադրող սարքավորումների գները: Վերջին մեկ ամսում, կարելի է ասել, գների ռեկորդային իջեցում է արձանագրվել: «Փաստ»-ի տեղեկացմամբ՝ մեկ կիլովատ հզորությամբ սարքավորումը, որն արժեր 1000–1200 դոլար, այսօր վաճառվում է 700–850 դոլարով: Արևային էներգիայից օգտվել ցանկացող կազմակերպությունների թիվն անհամեմատ աճել է:

«Էժանացումը բացատրվում է այն հանգամանքով, որ վերջին եռամսյակում արևային էներգիա արտադրող սարքավորումներ են պատրաստում արդեն երեք խոշոր արտադրողներ: Ըստ մասնագետների հաշվարկի, եթե նույնիսկ մեկ կիլովատ հզորություն ունեցող սարքավորման գինը դառնա 500 դոլար, արտադրողն առնվազն 15% շահույթ կունենա»,-գրել է թերթը: