«Ժողովուրդ». Կոլերով. Սերժ Սարգսյանն է լինելու ՀՀ վարչապետը

Ռուս քաղաքագետ Մոդեստ Կոլերովը «Ժողովուրդ» օրաթերթի հետ զրույցում ուշագրավ բացահայտում է արել՝ պնդելով, որ այս տարվա ապրիլից ՀՀ վարչապետը լինելու է հենց Սերժ Սարգսյանը:

Քաղաքագետի խոսքով՝ սա հստակ է, Ռուսաստանն այսպիսի ազդակներ ստացել է ՀՀ-ից: «Եթե Սերժ Սարգսյանը չհամաձայնի լինել վարչապետ, ես շատ կզարմանամ: Դա հավասար կլինի Սերժ Սարգսյանի հրաժարականին և իշխանությունից հեռանալուն, ինչին հավատալ ես չեմ կարող»:

Ինչ վերաբերում է Հայաստանի ապագա նախագահին, Կոլերովը հայտարարել է. «Սա արդեն կարևոր չէ, քանի որ Սահմանադրությամբ նրան ձևական ֆունկցիաներ են տրված: ՌԴ-ի համար լրիվ միևնույն է, քանի որ նախագահի ֆունկցիան ձևական է: Նրա դերը զրոյական է»:

Կոլերովը, թերթի զրույցում, անդրադարձել է նաև գործող վարչապետ Կարեն Կարապետյանին` ասելով. «Նրան որպես ռուսամետ գործիչ կամ Ռուսաստանի մարդ համարել են հենց Երևանում: Պաշտոնական դեմքերից ոչ մեկ այդ մասին ՌԴ-ում չի ասել»:

Մանրամասները թերթի այսօրվա համարում