AM | RU
USD
EUR
RUB

Էդուարդ Շարմազանովի կարծիքով՝ Հայաստանը հաջողությամբ է վարում դիվերսիֆիկացված արտաքին քաղաքականությունը

 
 

Եվս մեկ անգամ վերահաստատվեց, որ Հայաստանը հաջողությամբ վարում է դիվերսիֆիկացված արտաքին քաղաքականությունը: «Արմենպրես»-ի մամուլի սրահում հրավիրված ասուլիսում ՀՀ ԱԺ նախագահի տեղակալ Էդուարդ Շարմազանովը նշեց, որ ինչպես ԵԽԽՎ-ում ՀՀ նախագահ Սերժ Սարգսյանը նշեց, Հայաստանը ԵԱՏՄ, ՀԱՊԿ անդամ է, ՌԴ-ի դաշնակիցն է, բայց միևնույն ժամանակ հաջողվել է շատ լավ հարաբերություններ պահպանել ԵՄ-ի երկրների, մասնավորապես, Ֆրանսիայի հետ:

«Ֆրանսիան Հայաստանի համար բարեկամ երկիր է և հայ-ֆրանսիական հարաբերությունները բոլոր ուղղություններով դինամիկ զարգանում են քաղաքական, տնտեսական, մշակութային, միջխորհրդարանական ուղղություններով: Տեղյակ եք, որ հոկտեմբերին Հայաստանն ընդունելու է ֆրանկոֆոնիայի գագաթնաժողովը և Հայաստանը դառնալու է աշխարհի քաղաքական կենտրոններից մեկն այդ ժամանակաշրջանում»,-ասաց նա:

Նախագահներ Սարգսյանն ու Մակրոնը հստակ նշեցին, որ ամեն ինչ արվելու է հայ-ֆրանսիական հարաբերությունների զարգացման համար: Էդուարդ Շարմազանովը նկատեց, որ սա Սարգսյան-Մակրոն առաջին հադիպումն էր, սակայն հստակ երևում էր առկա փոխըմբռնումը:

«Ի՞նչ ասվեց մեր կողմից: Հայաստանը շարունակելու է ժողովրդավարության զարգացումը, ինստիտուցիոնալ բարեփոխումները: Մակրոնը նշեց, որ Ֆրանսիան մշտապես լինելու է Հայաստանի կողքին: Նրանք շատ են կարևորում Արևմուտքի և Արևելքի մշակույթների խաչմերուկում գտնվող Հայաստանի ժողովրդավարացման ջանքերը»,-ասաց նա:

Արցախյան հիմնահարցի հետ կապված, Էդուարդ Շարմազանովը կարևոր համարեց այն, որ ԵԱՀԿ Մինսկի խմբի համանախագահ երկրներից մեկի` Ֆրանսիայի, նախագահի հետ համատեղ հայտարարության ժամանակ, Սերժ Սարգսյանը ևս մեկ անգամ ուղիղ նշեց, որ Լեռնային Ղարաբաղի պայքարը ազատության, մարդու իրավունքների պաշտպանության պայքար է և այն չի կարող չպսակվել հաջողությամբ: Դրանից բացի, հայկական կողմը խնդրի բացառապես խաղաղ կարգավորման կողմնակից է:

«Իր կողմից Ֆրանսիայի նախագահը հստակ նշեց, որ խնդիրը պետք է լուծվի բացառապես խաղաղ, փոխզիջումների ճանապարհով և դրան պետք է հետևեն կոնկրետ քայլեր: Այդ կոնկրետ քայլերը Ժնևի, Սանկտ Պետերբուրգի, Վիեննայի պայմանավորվածությունների իրականացումն է: Ո՞վ է տորպեդահարում այդ պայմանավորվածությունները, ոչ Հայաստանն է, ոչ էլ Արցախը, այլ Ադրբեջանն է»,-ասաց Էդուարդ Շարմազանովը:

Անդրադառնալով ԵԽԽՎ-ում ՀՀ նախագահի ելույթին` Էդուարդ Շարմազանովը նշեց, որ երբ խոսվում է շոշափելի բարեփոխումների մասին, ու թե երբ պետք է քաղաքացին դրանք զգա, այսօր դա շատ հստակ երևաց:

«Եթե մի քանի տարի հետ գնանք, ապա կտեսնենք, թե եվրոպացի բարեկամներն ինչպիսի բառամթերք էին օգտագործում Հայաստանում տիրող ներքաղաքական իրավիճակի վերաբերյալ և ինչպիսի բառամթերք են օգտագործում այսօր: Պարոն Յագլանդը հստակ ասաց, որ Հայաստանի Հանրապետությունը գնում է ճիշտ ուղղությամբ»,-ասաց նա:

Էդուարդ Շարմազանովը հիշեցրեց, որ ԵԽԽՎ-ում ՀՀ նախագահն իր ելույթում նշեց, որ 2008 թվականին Հայաստանում ներքաղաքական ժողովրդավարական խնդիրներն անհանգստացնող էին հենց եվրոպացի պատգամավորների տեսանկյունից և այո, այն ժամանակ տարբեր բանաձևեր էին ընդունում, վտանգ կար, որ Հայաստանը կենթարկվեր որոշ պատժամիջոցների: Այսօր այդ դահլիճում նույնիսկ որևէ հարց տվող հարցականի տակ չդրեց Հայաստանում ժողովրդավարական պրոցեսների, մարդու իրավունքների պաշտպանության անշրջելիությունը, Հայաստանում կոռուպցիայի դեմ պայքարի քաղաքական կամքի առկայությունը:

«Սա օդի՞ց է եկել, ոչ, սա մեր և ձեր, քաղաքացիական հասարակության, իշխանության ընդդիմության, բայց, նախ և առաջ, պետության առաջնորդի քաղաքական կամքի ու հստակ քաղաքական գծի իրականացման հետևանք է: Ստրասբուրգում ՀՀ նախագահը մի շատ կարևոր սկզբունք նշեց, Հայաստանը իր արժեհամակարգով Եվրոպա է: Հայաստանի ներքաղաքական օրակարգի գլխավոր գերակայություններից մեկը կոռուպցիայի դեմ պայքարն է: Կոռուպցիան ախտ է և մարտահրավեր է նաև մեր պետությանը: Միևնույն ժամանակ կոռուպցիան հատուկ չէ միայն մեր նման զարգացող երկրներին, այն հատուկ է նաև այնպիսի հեղինակավոր կազմակերպության, ինչպիսին է ԵԽԽՎ-ն: Ստրասբուրգյան բարձր ամբիոնից ՀՀ նախագահն ափսոսանքով նշեց, որ մենք ականատես ենք եղել ԵԽԽՎ-ում արժեքային ճգնաժամին, երբ խավիարը կամ նավթադոլարները շատ ավելի համոզիչ էին, քան ժողովրդավարական արժեքներն ու մարդու իրավունքների պաշտպանությունը»,-հավելեց նա:

Լրահոս
Կառավարությունը կայացրեց դատավորներին և ԲԴԽ անդամներին սոցիալական փաթեթի շահառուների շրջանակում ներառելու որոշում Երբ այցելուն ավելին է, քան պարզապես գնորդը. Երևան Մոլը 5 տարեկան է Հայաստանն ու Վրաստանը ստորագրեցին 2019թ. ռազմական համագործակցության ծրագիրը Հայաստանում օգտատերերի համակարգիչների գրեթե կեսը ենթարկվել է տեղային սպառնալիքների Արմինե Մարգարյանը նշանակվել է անվտանգության խորհրդի գրասենյակի ղեկավար Կառավարությունն Ազատամուտում համայնքի ղեկավարի արտահերթ ընտրություններ անցկացնելու որոշում ընդունեց Կառավարությունը ֆինանսական աջակցություն կտրամադրի «Իմ քայլը» դաշինքին, ԲՀԿ-ին, «Լուսավոր Հայաստան»-ին, ՀՀԿ-ին և ՀՅԴ-ին Ստեփանծմինդա-Լարս ավտոճանապարհը բաց է Հանրապետությունում մի շարք միջհամայնքային ավտոճանապարհներ փակ են Զախարովան ծաղրել է Պուտինի ուղերձին ՆԱՏՕ-ի արձագանքը «Ժողովուրդ». Պատգամավորները հարցախեղդ են արել Թորոսյանին և գոհ չեն մնացել հանդիպումից «Հրապարակ». Վաշինգտոնը չեղարկե՞լ է Մնացականյանի նախատեսվող այցը ԱՄՆ «Փաստ». Հարցաքննությունների կուլիսային «կուրատորը» «Ժամանակ». Եզրակացություն. լավ կլիներ, եթե Կարեն Կարապետյանը մնար վարչապետ «Հրապարակ». Բժիշկները խիստ քննադատության են ենթարկել քաղցկեղի անվճար բուժման ծրագիրը «168 Ժամ». Հերթը Հայաստանի իշխանություններինն է, ԵՄ-ն իր գործն իրականացրել է «Ժամանակ». Բենզինի գները Հայաստանում թանկանալու են «Ժողովուրդ». ՌԴ դեսպանի հանդիպումները կարելի է համարել ռուս խորհրդարանականների այցի շարունակությունը «Ժամանակ». Բոլոր իշխանությունների ժամանակ ճիշտ կողմնորոշվում են՝ ժամանակին հայտնվելով ճիշտ տեղում «Հրապարակ». Կառուցվածքային փոփոխության անվան տակ պաշտոնից ազատվել է Արտաշես Բեգլարյանը ՕՐՎԱ ԽՈՐՀՈՒՐԴԸ: Փետրվարի 21 Եվրամիությունը պատրաստ է շարունակել և ընդլայնել իր աջակցությունը Հայաստանին. Սվիտալսկի ԵԱՀԿ ՄԽ համանախագահների այցի նպատակը Փաշինյան-Ալիև վերջին հանդիպման մանրամասներին ծանոթանալն է. Մնացականյան Նաթանյահուն չեղյալ է հայտարարել Մոսկվա նախատեսված այցը ԱԳԲԱ Լիզինգը ՎԶԵԲ-ից մրցանակ է ստացել վերականգնվող էներգետիկայի ոլորտում իրականացրած ներդրումների համար Հայաստանի եւ Վրաստանի պաշտպանության նախարարները համագործակցության համաձայնագիր կստորագրեն Հոլանդիայի հայ համայնքը բողոքի ցույց կանցկացնի Հաագայում Ի՞նչ անհնազանդություն, ո՞ւմ համար, ինչի՞ համար. Դավիթ Բաբայանը՝ Սեֆիլյանի կոչի մասին Պուտինը նշել է՝ ինչպիսին կլինի Եվրոպայում ԱՄՆ-ի հրթիռների տեղակայման պատասխանը Երևանի խանութներից մեկի օտարալեզու ցուցանակի գրությունը վերանայելու համար Լեզվի կոմիտեն դիմում է դատարան Հավանաբար, միջնորդները վտանգ են տեսնում. Հրանտ Մելիք-Շահնազարյան «Մաեստրո Մանսուրյան». երևանյան պրեմիերա Մահացել է Էլմիրա Հեքեքյան-Աբրահամյանը Գեղարքունիքի, Լոռու և Տավուշի փոխմարզպետներն ազատվել են պաշտոնից Երևանի ավագանու «Իմ քայլը» դաշինքի անդամ Սուրեն Գալստյանի լիազորությունները դադարեցվել են Էրդողանը խոսել է Թուրքիայի հայերի մասին Բակո Սահակյանը ցավակցական հեռագիր է հղել Լուիզ Սիմոն Մանուկյանի ընտանիքին ՀՀ ԱԳ նախարարը հանդիպել է ԵԱՀԿ ՄԽ համանախագահների հետ Վախճանվել է բարերար Լուիզ Մանուկյան-Սիմոնը Ռոբերտ Քոչարյան. Այսօր մենք պարզապես պարտավոր ենք սթափվել
Խմբագրի ընտրություն
website by Sargssyan