ՄԱԿ-ը լուրջ անհանգստություն է հայտնել Աֆրինում բնակվող քաղաքացիների վերաբերյալ

ՄԱԿ-ը լուրջ անհանգստություն է հայտնել Աֆրինում բնակվող քաղաքացիների վերաբերյալ

ՄԱԿ-ի գլխավոր քարտուղարի խոսնակ Ֆարհան Հաքը մտահոգություն է հայտնել Թուրքիայի ԶՈՒ կողմից Աֆրինում իրականացվող «Ձիթենու ճյուղ» ռազմական գործողության հետևանքով տեղի խաղաղ բնակչությանը սպառնացող վտանգի վերաբերյալ:

Այս մասին հայտնում է թուրքական Diken պարբերականը:

Ֆահրան Հաքը նշել է, որ իրենց հատկապես անհանգստություն են պատճառում թուրքական ԶՈՒ հրթիռակոծության հետևանքով խաղաղ բնակիչների, այդ թվում՝ կանանց և երեխաների մահերը, որոնց մասին խոսվում է մամուլում:

«Երեկ տեղեկացանք Աֆրինի շրջանի Սեյհ, ալ Հադիդ և Քոբալի գյուղերի վրա իրականացված հարձակումների մասին, որտեղ զոհեր էին գրանցվել»,-նշել է Հաքը:

Ֆահրան Հաքը ՄԱԿ-ի անունից հակամարտող կողմերին կոչ է արել խնայել և պահպանել խաղաղ բնակչությանը, հարգել նրանց ազատ տեղաշարժի իրավունքը:

«ՄԱԿ-ը կոչ է անում կողմերին պահպանել խաղաղ բնակչությանը, նրանց ցուցաբերել անհրաժեշտ մարդասիրական օգնություն և հարգել նրանց ազատ տեղաշարժվելու իրավունքը»,-հավելել է ՄԱԿ գլխավոր քարտուղարի խոսնակը:

Հետևեք մեզ նաև Telegram-ում