«Ժողովուրդ». ՔԿՀ պետերի շրջանում լուրջ իրարանցում է սկսվել

«Ժողովուրդ». ՔԿՀ պետերի շրջանում լուրջ իրարանցում է սկսվել

ՀՀ արդարադատության նախարարության ՔԿ վարչության պետի նշանակումը լուրջ իրարանցում է ստեղծել նաև ՔԿՀ պետերի շրջանում: Ենթադրվում է, որ նոր պետի նշանակումով մի շարք փոփոխություններ են սպասվում նաև ՔԿՀ-ների պետերի շրջանում:

«Ժողովուրդ» օրաթերթի տեղեկություններով` Ռաֆայել Հովհաննիսյանի տեղակալ է նշանակվելու «Աբովյան» ՔԿՀ պետ Արսեն Աֆրիկյանը:

«Հիշեցնենք, որ Արսեն Աֆրիկյանը 2017թ. հունիսի 20-ին ազատվեց «Դատապարտյալների հիվանդանոց» ՔԿՀ պետի պաշտոնից, երբ իրավապահները այնտեղ բացահայտել էին, որ պաշտոնատար անձանց միջամտության արդյունքում դատապարտյալներին պարբերաբար մարմնավաճառներ էին տրամադրվել, սակայն այս ամենի արդյունքում ՔԿՀ «մանր ձկները» հայտնվեցին ամբաստանյալի աթոռին, իսկ ահա ՔԿՀ պետ Աֆրիկյանի մասով իշխանությունները բավարարվեցին միայն` նրան պետի պաշտոնից ազատելով և «Աբովյան» ՔԿՀ պետի պաշտոնին նշանակելով: Ինչևէ, այս պաշտոնին նա մնաց 7 ամիս և հիմա էլ կտեղափոխվի և կնշանակվի վարչության պետի տեղակալ: Իսկ թե ով կլինի կանանց գաղութի պետ, դեռևս պարզ չէ:

Մեզ հասած լուրերի համաձայն` նաև մյուս ՔԿՀ պետերի մասով են փոփոխություններ սպասվում: Մասնավորապես «Արմավիր» ՔԿՀ պետի տեղափոխման հարցը մեկ այլ ՔԿՀ ևս քննարկվում է: Ինչ կտան այս փոփոխությունները` ՔԿՀ-ներում առկա վիճակը կարգավորելու համար, դժվար է ասել: Մեզ մնում է սպասել զարգացումներին»,- գրել է թերթը:

Հետևեք մեզ նաև Telegram-ում