«Հրապարակ». Ապրիլին կառավարությունում գրեթե փոփոխություններ չեն լինելու

Չնայած բոլորն անհանգիստ ու անհամբեր սպասում են ապրիլին՝ ենթադրելով, որ խոշոր փոփոխություններ են լինելու կառավարման համակարգում, սակայն «Հրապարակ»-ը տեղեկացել է, որ գրեթե ոչ մի փոփոխություն չի լինելու։

«Բանն այն է, որ մինիմում-ծրագիրը մեկն է՝ Սերժ Սարգսյանի անցնցում, հարթ, վստահության մեծ ռեսուրսով վարչապետ նշանակվելը։ Ուստի բոլոր խնդիրների լուծումը հետաձգվել է մինչև տարեվերջ՝ ոչ մի առանցքային պաշտոնյա այս փուլում չի փոխվելու։ Բոլորով հաշտ-համերաշխ, ուրախ-զվարթ, առանց ավելորդ դժգոհների ու դժգոհությունների լուծելու են թիվ մեկ խնդիրը։ Բոլոր կառուցվածքային, կադրային, բովանդակային փոփոխությունները, տեղափոխությունները կկատարվեն տարեվերջին, երբ իշխանության հավերժացման հետ կապված կրքերը հանդարտված կլինեն, մանր-մունր բողոքի ակցիաները՝ ճնշված, և երկիրը կմտնի երկարատև թմբիրի շրջան»,-գրել է թերթը։