AM | RU
USD
EUR
RUB

Մակրոնը բացում է Հայոց ցեղասպանության թղթապանակը. Ֆրանսիայի նախագահի ելույթը թուրքական ԶԼՄ-ների ուշադրության կենտրոնում

 
 

Ֆրանսիայի հայկական կազմակերպությունների համակարգող խորհրդի կազմակերպած ամենամյա ընթրիքին նախագահ Էմանուել Մակրոնի մասնակցությունը և դրա ընթացքում Հայոց ցեղասպանության ու Լեռնային Ղարաբաղի վերաբերյալ արված հայտարարությունները հայտնվել են թուրքական լրատվամիջոցների ուշադրության կենտրոնում: «Արմենպրես»-ի փոխանցմամբ՝ թուրքական ԶԼՄ-ները տագնապով արձանագրել են, որ Մակրոնը «բացում է Հայոց ցեղասպանության թղթապանակը»:

Թուրքական ամենաընթերցվող պարբերականներից մեկը՝ «Միլլիեթ»-ը, գրում է, որ Մակրոնը մասնակցել է ընթրիքին, որին ներկա են եղել հայկական լոբբիի հայտնի դեմքեր: «Ինչպես և խոստացել էր նախընտրական քարոզարշավի ընթացքում՝ Մակրոնն ասել է, որ այսպես կոչված Հայոց ցեղասպանության հիշատակի օրը ներառելու է օրացույցում: Նա լսել է հայկական լոբբի պահանջները»,- գրում է պարբերականը:

«Սաբահ» պարբերականը հրապարակել է լուրը «Մակրոնի երկրորդ ամբարտավան ելույթը» վերնագրով՝ հիշատակելով, որ նախօրեին նա իր դժգոհությունն էր հայտնել սիրիական Աֆրին շրջանում Թուրքիայի գործողությունների առնչությամբ: «Այս անգամ օրակարգ բերելով 1915 թվականի դեպքերը՝ նա շարունակեց իր սադրիչ վերաբերմունքը»,- գրում է լրատվամիջոցը:

Լրատվամիջոցներից մյուսը՝ «Սթար»-ը, մեջբերել է Մակրոնի խոսքերը, որտեղ Ֆրանսիայի նախագահն ասել էր. «Հայոց ցեղասպանության ճանաչման և արդարության համար պայքարը բոլորիս պայքարն է: Մենք միանում ենք այդ պայքարին՝ աջակցելով ցեղասպանության հիշատակի օրն օրացույցում ամրագրելու նախաձեռնությանը»:

Haber7-ը գրում է. «Անկարային զայրացրած Ֆրանսիայի նախագահ Էմանուել Մակրոնը, ով «Ձիթենու ճյուղ» գործողության վերաբերյալ ասել էր, թե դա չպետք է վերածվի Սիրիայի հյուսիսը օկուպացնելու գործողության, հայտարարել է, որ Ֆրանսիայում այսպես կոչված «Հայոց ցեղասպանության հիշատակի օր» է հայտարարվելու»:

Թուրքական NTV-ն մեջբերել է Մակրոնի խոսքերը՝ նշելով. «Հայկական պնդումները կրկին կարող են խորհրդարանի օրակարգ բերվել»: «Ֆրանսիայի նախագահ Էմանուել Մակրոնը ուղերձ է տվել այն մասին, որ Ֆրանսիայի խորհրդարանն առաջիկա ամիսների ընթացքում կարող է կրկին օրակարգում ներառել 1915 թվականի դեպքերը»,- գրում է լրատվամիջոցը:

Խորհրդարանում Հայոց ցեղասպանության հարցը կրկին ներառելու մասին Մակրոնի հայտարարությունն է շեշտադրել նաև «Աքշամ» պարբերականը՝ նշելով, որ ընթրիքին մասնակցել է նաև Թուրքիայի հայ պատգամավոր Գարո Փայլանը:

Թուրքական «Իհլաս» գործակալությունը լուրը հրապարակել է «Սկանդալային որոշում Ֆրանսիայում» խորագրով՝ նշելով, որ այդ երկրում Հայոց ցեղասպանության հիշատակի օրը կարող է պաշտոնապես ամրագրվել ֆրանսիական օրացույցում:

Ազգայնական «Yeniçağ» («Յենիչաղ») պարբերականն էլ նշել է, թե «Մակրոնը շարունակում է հակաթուրքական նախաձեռնությունները»: Միաժամանակ այն անդրադարձել է Լեռնային Ղարաբաղի հակամարտության վերաբերյալ Ֆրանսիայի նախագահի հայտարարությանը, որում Մակրոնը նշել էր, թե ներկայում ԼՂ այցելությունը կարող է բացասաբար անդրադառնալ բանակցային գործընթացին:

Իսկ BirGün պարբերականը լուրը հրապարակել է «Ժողովուրդների դեմոկրատական կուսակցության անդամ Փայլանը հանդիպել է Ֆրանսիայի նախագահ Մակրոնի հետ» խորագրով՝ գրելով, որ մեջլիսի պատգամավորը հորդորել է աչալուրջ լինել Աֆրինում տեղի ունեցող գործողությունների առնչությամբ:

Ֆրանսիայի հայկական կազմակերպությունների համակարգող խորհրդի կազմակերպած ամենամյա ընթրիքին մանրամասնորեն լայնածավալ հոդվածով անդրադարձել են գերմանական Deutsche Welle-ի և ռուսական Sputnik-ի թուրքական ծառայությունները:

«Մակրոնը բացում է հայկական թղթապանակը». նման խորագրով է նյութը հրապարակել Deutsche Welle-ն՝ նշելով, որ թուրք-ֆրանսիական հարաբերությունները առաջիկա ամիսներին Հայոց ցեղասպանության հարցի պատճառով կարող են կրկին ճգնաժամ ապրել, քանի որ Մակրոնն ուղերձ է հղել այն մասին, որ հարցը կարող է ներառվել խորհրդարանի օրակարգ: Լրատվամիջոցը հայտնում է, որ Ֆրանսիայի նախագահը հատուկ ողջունել է մեջլիսի պատգամավոր Փայլանին՝ նշելով, որ նրա պես անձինք, ովքեր պայքարում են մարդու իրավունքների համար, պետք է աջակցություն ստանան: Deutsche Welle-ն հայտնել է նաև, որ ընթրիքի ժամանակ պատգամավորն արժանացել է Փարիզի քաղաքապետի պատվո մեդալի:

Ֆրանսիայի հայկական կազմակերպությունների համակարգող խորհրդի կազմակերպած ամենամյա ընթրիքին Մակրոնի հայտարարությունները տեղ են գտել մի քանի տասնյակ այլ թուրքական լրատվամիջոցներում ևս:

Լրահոս
Հայաստանի և Իրանի ԱԳ նախարարները քննարկել են տարածաշրջանային և միջազգային մի շարք հարցեր Կառավարությունը մեր պատուհանից. ՀԴՄ-ից կարմրախայտ Պրովակացիաներից զերծ մնալու նկատառումով մարդկանց պարզապես աջակցել են, որ տեղահանվեն և մեկնեն Ադրբեջան Հայաստանի և Նիդերլանդների համար հեռանկարային է համագործակցությունը ՏՏ ոլորտում Սուրբ Սարգիս տոնի ժողովրդական սովորությունները Արցախի գումարտակներից մեկը ծառայությունը կկազմակերպի ժամանակակից պայմաններով կառույցում Զոհրաբ Մնացականանը ՄԹ պետնախարարին ներկայացրեց ԼՂ հակամարտության կարգավորման ուղղությամբ Հայաաստանի մոտեցումները «Հրապարակ». Կահույքի բիզնեսով զբաղվող ընկերությունը շահել է դիալիզի բուժսպասարկման մրցույթը «Հրապարակ». Վաղեմության ժամկետը լրացել է և Վանոն կվերադառնա Հայաստան «Ժամանակ». Ինչ նպատակով է Աննա Հակոբյանը իր գրասնեյակը տեղափոխել է կառավարության շենք «Ժողովուրդ». ՀՀ պետական պարտքն ավելացել է «Հրապարակ». ԱԺ նախագահը իր վարորդ ընկերոջն էլ աշխատանքի տեղավորեց խորհրդարանում ՀՔԾ-ն ավարտել է քրեական գործերի նախաքննությունը Արարատյան Հայրապետական թեմը Սուրբ Սարգսի տոնին անցկացնելու է հետաքրքիր միջոցառումներ Վարչապետը և Հայաստանում Շվեյցարիայի դեսպանը քննարկել են համագործակցության զարգացման հարցեր Հայաստանը և Լատվիան կարող են միմյանց օգնել և միմյանցից սովորել Զոհրաբ Մնացականյանն ու Յոհաննես Հանը քննարկել են Հայաստան-Եվրոպական Միություն համաձայնագրի կիրարկումը 2019-ին պետբյուջեից որպես աջակցություն սահմանամերձ համայնքներին հատկացվել է ավելի քան 928 մլն դրամ Հայաստանի Զինված ուժերը համալրվել են հայրենական ԱՐՄԻ-55Մ անօդաչու թռչող սարքերով Կառավարությունը բացասական եզրակացություն տվեց Էդմոն Մարուքյանի օրենսդրական նախաձեռնությանը Կառավարությունը չի առարկում, որ ուսանողներն ուսման վարձը վճարեն ամսական կտրվածքով Եկեղեցու դեմ անհասկանալի ուժերի պայքարն ահագնանում է Ներում ստանալու համար դիմել է 250 դատապարտյալ. Ովքեր են ներում ստացած դատապարտյալները Երևանի տրանսպորտային ցանցը հաջորդ տարվանից կազատվի միրոավտոբուսների կեսից Մեկնարկում է երկու և ավելի անչափահաս երեխա ունեցող ուսանողների փաստաթղթերի ընդունելությունը ուսման վարձի զեղչի նպատակով Արարատ Միրզոյանն ու Հայաստանում Գերմանիայի դեսպանը քննարկել են երկկողմ համագործակցության օրակարգը «Երևանի ավտոբուս» ՓԲԸ-ն 70 նոր ավտոբուս կշահագործի Դիլիջանի ոլորանները և Վարդենյաց լեռնանցքը կցորդիչով տրանսպորտային միջոցների համար դժվարանցանելի են Սաթիկ Սեյրանյան. Այս պայմաններում մամուլի ու լրագրողների համար չափազանց դժվար է աշխատելը Մի շարք ոլորտներում նշանակալի ներդրում ունեցած անձինք կազատվեն պարտադիր զինվորական ծառայությունից Ահաբեկչություն՝ Հնդկաստանում Հալեպում և Համայում գրոհայինները կրակել են բնակավայրերի ուղղությամբ ՀՀ ԱԺ մշտական հանձնաժողովում ընդունել են ՌԴ ԴԺ Պետական դումայի պատվիրակությանը Լեռնային Ղարաբաղի հակամարտությունը կարող է շատ վտանգավոր լինել, եթե ճիշտ չկառավարվի. ՀՀ նախագահ Ամենայն Հայոց Կաթողիկոսը ցավակցագիր է հղել Իրանի նախագահին Ժաննա Անդրեասյանը նշանակվել է Աշխատանքի և սոցիալական հարցերի նախարարի տեղակալ Արման Թաթոյան. «Բրյուսելում ձեռք բերեցինք համատեղ աշխատանքի լրացուցիչ պայմանավորվածություններ» Սեյրան Օհանյան. «0038 հրամանը դնել մարտիմեկյան ողբերգության հիմքում ծայրահեղական մոտեցում է» Զախարովան պատասխանել է Բոլթոնի սպառնալիքներին Արցախի նախագահն ու ՀՀ անվտանգության խորհրդի քարտուղարը քննարկել են անվտանգության ոլորտում փոխգործակցությանը վերաբերող հարցեր
Խմբագրի ընտրություն
website by Sargssyan