AM | RU
USD
EUR
RUB

Թուրքիայի ՆԳ նախարարը Պոլսո Հայոց պատրիարքի ընտրության մասին կխոսի Էրդողանի և Յըլդըրըմի հետ

 
 

Թուրքիայի ներքին գործերի նախարար Սուլեյման Սոյլուն փետրվարի 7-ին հանդիպել է հայ համայնքի ղեկավարների հետ՝ լսելով Պոլսո Հայոց պատրիարքի ընտրության վերաբերյալ հայկական կողմի պահանջները: Ինչպես հաղորդում է «Արմենպրես»-ը, Ստամբուլի հայկական «Ակոս» պարբերականը նշում է, որ հանդիպմանը ներկա է եղել նաև Ստամբուլի նահանգապետ Վասիփ Շահինը:

Հանդիպմանը բացման խոսքով հանդես եկած ՆԳ նախարար Սոյլուն անդրադարձել է այն իրադրությանը, որում ներկայում գտնվում է Թուրքիան՝ կարևորելով ժողովրդավարության անհրաժեշտությունը: Այնուհետև նա խոսքը փոխանցել է հայկական համայնքի ղեկավարներին:

Խոսքի իրավունքից օգտված փաստաբան Սեբուհ Ասլանգիլը, դիմելով Սոյլուին, շնորհակալություն է նրան հայտնել ժողովրդավարության անհրաժեշտության մասին շեշտադրելու համար: Անդրադառնալով պատրիարքարան ուղարկված ՆԳՆ նամակին՝ որպես փաստաբան Ասլանգիլն ընդգծել է, որ դա անփույթ գրված փաստաթուղթ է, ինչը ցավալի փաստ է: Նա նշել է, որ Արամ արքեպիսկոպոս Աթեշյանը, ով պատրիարքարանի Հոգևոր խորհրդի կողմից նշանակվել էր պատրիարքական փոխանորդի պաշտոնում, նույն խորհրդի որոշմամբ դադարել է պաշտոնավարել այդ պաշտոնում: Բացի այդ, Հոգևոր խորհուրդը որոշել է Պոլսո Հայոց պատրիարք Մեսրոպ Մութաֆյանին համարել «հանգստյան կոչված», ինչից հետո, համաձայն եկեղեցական կանոնների, Աթեշյանն այլևս չի կարող լինել պատրիարքական փոխանորդ: Փաստաբանը շեշտել է, որ բոլոր գործողություններն արվել են եկեղեցական կանոնների համաձայն, մինչդեռ ՆԳՆ ուղարկած նամակով կրկին իրենց է պարտադրվում Աթեշյանը՝ որպես փոխանորդ:

Ասլանգիլը նշել է նաև, որ նամակում եկեղեցական խորհրդի կողմից ընտրված պատրիարքական տեղապահին «այսպես կոչված» անվանելը ճիշտ չէ:

Նրանից հետո ելույթ են ունեցել համայնքի մյուս ներկայացուցիչները՝ ասելով, որ պատրիարքական ընտրություններն անհապաղ պետք է կայանան:

Հայկական կողմի ելույթներից հետո նախարարը նշել է, որ պետությունը շարժվում է օրենքներով և նրա պարտականությունն է ճանաչել պատրիարքական փոխանորդին: «Տեղյակ եմ ձեր մտահոգություններին, այդ ամենն ի նկատի կունենամ»,- ասել է Սոյլուն՝ հայտնելով, որ տեղի ունեցած քննարկումների լույսի ներքո հանդիպումներ կունենա վարչապետ Բինալի Յըլդըրըմի և նախագահ Ռեջեփ Թայիփ Էրդողանի հետ: «Մոտ մեկ ամիս անց կրկին պետք է հանդիպենք»,- ասել է նա:

Ստամբուլի նահանգապետարանը ՆԳՆ անունից ուշացած պատասխանել էր Պոլսո Հայոց պատրիարքի ընտրության վերաբերյալ ամիսներ առաջ հայկական կողմի ուղարկած դիմումին՝ հայտնելով, որ չի ճանաչում Գարեգին արքեպիսկոպոս Բեքչյանին որպես պատրիարքական տեղապահ: Ստամբուլի փոխնահանգապետ Իսմայիլ Գյուլթեքինի կողմից ստորագրված նամակում նշվել է, որ Պոլսո Հայոց պատրիարք Մեսրոպ Մութաֆյանը դեռևս ողջ է, և հետևաբար չկան անհրաժեշտ պայմաններ նոր պատրիարքի ընտրության համար:

Լրահոս
Վաղը ցերեկը մայրաքաղաքում ջերմաստիճանը կհասնի +11-ի Թումանյանի թողած ժառանգությունը համամարդկային է. Գարեգին Բ Արցախի ԱԳ նախարար Մասիս Մայիլյանին ընդունել է Հարավային Օսիայի նախագահը Հայաստանում ալյուրի արտադրությունը զգալի նվազել է Ռուս սահմանապահը հայտնաբերել է անհետ կորած քաղաքացու դին ԱՄՆ սենատոր Բերնի Սանդերսը 2020թ-ին կրկին կպայքարի ԱՄՆ նախագահի պաշտոնի համար ԵԱՀԿ գործող նախագահը կայցելի Երևան և Բաքու՝ ղարաբաղյան կարգավորման հարցը քննարկելու համար Պարոնայք, իսկ երբեմն էլ` տիկնայք ավելի լավ է ոչինչ մի ձեռնարկեք Հայաստանի նոր իշխանությունները չունեն երկրի զարգացման և ոչ մի ռազմավարական ծրագիր Գարեգին Բ և Արամ Ա կաթողիկոսները միասնական աղոթք են հնչեցրել Էջմիածնում Կիսանախագահական համակարգի անցնելու առաջարկությունը նման է կրկեսի. Սահմանադրագետ ՌԴ-ում քաղաքական մակարդակով որոշում կա հայկական վարորդական վկայականով ավտոմեքենա վարելու արգելքը հանելու. Մելքումյան Ամենայն հայոց բանաստեղծի ծննդավայրում հնչում են նրա ստեղծագործությունները Ռամիլ Սաֆարովին Հունգարիա վերադարձնելու պահանջով ՄԻԵԴ ներկայացված գանգատով որոշումն ակնկալվում է այս տարի ՊԵԿ-ը կանխել է մաքսային կանոնների խախտմամբ Հայաստան ոսկյա զարդեր ներկրելու փորձը ԻՊ-ն Աֆղանստանում ստեղծել է ահաբեկչական նոր «ցանց» Արարատ Միրզոյանը հայտնում է սահմանադրական փոփոխությունների օրակարգի առկայության մասին Թուրքիայի Մեջլիսի նախագահը հրաժարական է տվել «Քարվաճառի դիվերսանտները». Ադրբեջան՝ պետություն, որտեղ հայ սպանելը հերոսություն է ԱԺ խմբակցությունները Կալաշնիկովի հետ հանդիպմանը քննարկել են նաև Վերին Լարսի այլընտրանքային ճանապարհի հարցը Կնոջ պաշտպանված ու բարձր գնահատված դերը թե՛ առողջ հասարակության, թե՛ ամուր պետության պարտադիր երաշխիք է.ՄԻՊ Իսրայելական տխրահռչակ Aeronautics ընկերությունը հայտարարել է Ադրբեջանի հետ նոր գործարքի մասին Հնդկաստանում ՌՕՈՒ երկու ինքնաթիռ է բախվել ԱԱԾ-ն հաստատում է Սեդրակ Քոչարյանին մեղադրանք առաջադրելու լուրը Սպանությունից 15 տարի անց ԵԱՀԿ ԽՎ ձմեռային նստաշրջանին մասնակցելու համար ՀՀ ԱԺ պատվիրակությունը կմեկնի Վիեննա ԵՄ-ն Ռուսաստանին ընդգրկել է մարդու իրավունքները համակարգային խախտողների ցանկում Սբ. Գևորգ եկեղեցում ադրբեջանցու նկարահանած տեսանյութը նոր չէ. Վիրահայոց թեմը պարզաբանում է Հայաստանը որևէ կերպ չարձագանքեց ռուսական առաջատար ԶԼՄ-ներին Ստեփանծմինդա-Լարս ավտոճանապարհը բաց է տրանսպորտային բոլոր միջոցների համար Կարեն Սարգսյանն ազատվել է հատուկ հանձնարարությունների գծով Արցախի նախագահի ներկայացուցչի պաշտոնից Արամ Առաջինը եկել է Հայաստան Նախարարի տիկնոջ ընկերությունը 2.5 անգամ, իսկ «Աստղիկ» ԲԿ-ն մեկ միլիարդ դրամով ավելի պետական ֆինանսավորում կստանա Կալանավորը փախել է Հանրապետական հիվանդանոցից Ապարանի և Արագածի ավտաճանապարհներին բուք է Հայաստանի մշակութային օրացույցում փետրվարի 19-ը տոն է. նշվում է Թումանյանի 150-ամյակը «Փաստ». Խորհրդարանակա՞ն, թե՞ կիսանախագահական «Ժամանակ». Ինչու է Փաշինյանը ԿԲ ղեկավարի պաշտոնում ցանկանում իր մարդուն տեսնել «Ժողովուրդ». Օպտիմալացման ենթակա գերատեսչությունները կշարունակեն աշխատանքը շունչները պահած «Հրապարակ». Վարչապետի՞, թե՞ քաղաքապետի օգնական
Խմբագրի ընտրություն
website by Sargssyan