«Հրապարակ». «Ծառուկյան դաշինքը» միաձայն կողմ քվեարկեց «Անվտանգության խորհրդի մասին» օրենքին
Նմանատիպ
«Չնայած քննադատական ելույթներին, երեկ «Ծառուկյան դաշինքը» միաձայն կողմ քվեարկեց «Անվտանգության խորհրդի մասին» օրենքին։
Խորհուրդը, հիշեցնենք, գործելու է վարչապետի ենթակայության ներքո, և, ինչպես «Ելք»-ի պատգամավորները քվեարկությունից առաջ հիշեցրին, սա սուպերվարչապետական մոդելի ևս մեկ երաշխիք է։ Սակայն Միքայել Մելքումյանն էլ իր ելույթում շատ «հիմնավոր» պատճառ ներկայացրեց, թե ինչու են կողմ քվեարկելու․ «Գտնում ենք, որ անհրաժեշտ է, որ երկիրն ունենա Անվտանգության խորհուրդ»։
Դաշինքը «Ներման մասին» օրենքի նախագծին էլ խառը քվեարկությամբ մասնակցեց. ծառուկյանական գործարար թևը՝ Մելիք Մանուկյան, Դավիթ Մանուկյան, Տիգրան Ստեփանյան, Հրանտ Մադաթյան, Վանիկ Ասատրյան և այլք, կողմ քվեարկեցին։
Փոխարենը՝ նրանք ընդդիմադիր են «անշառ» հարցերում, օրինակ՝ «Հանրային խորհրդի մասին» օրենքին խրոխտ դեմ քվեարկեցին»,- գրում է թերթը:
Հետևեք մեզ նաև Telegram-ում