«Հրապարակ». Գագիկ Ծառուկյանի մուտքը ֆուտբոլ բավականին «տպավորիչ» կլինի

«Հրապարակ». Գագիկ Ծառուկյանի մուտքը ֆուտբոլ բավականին «տպավորիչ» կլինի

«Հրապարակ»-ը գրում է, թե տեղեկություն կար, որ նա պատրաստվում է վերցնել Բաղդասարովի երբեմնի «Միկա» ակումբը, որը սնանկանալուց հետո դարձել է սպորտի նախարարության ՊՈԱԿ։

Հարցին, թե կարողանո՞ւմ եք հոգալ «Միկայի» ծախսերը, սպորտի նախարարության պաշտոնյան պատասխանեց. «Ծառուկյանի ցավը տանենք»։ Իսկ Ծառուկյանը ֆուտբոլ կմտնի Աբովյանի «Կոտայքո՞վ», «Լոկոմոտիվ Երևանո՞վ»։ «Մի թիմը բարձրագույն լիգայում է, մյուսը` առաջին խմբում: Այս պահին բանակցում ենք միջազգային մակարդակի` յոթից ավելի հայտնի մարզիչների, հիսունից ավելի հայտնի ֆուտբոլիստների, այդ թվում և՝ ազգային հավաքականի որոշ խաղացողների հետ»: Նաև Հենրիկ Մխիթարյանի՞: «Անուններ չենք տալիս»,- ասաց գործի «կազմակերպիչը»:

Իսկ ինչպիսի՞ն է ֆեդերացիայի նախագահ Ռուբեն Հայրապետյանի ռեակցիան այդ ամենին. չէ՞ որ Ծառուկյանի ու Հայրապետյանի միջև հավերժ անտագոնիզմ կա։ «Դե, էն չեն. մենք թղթերն արդեն հանձնել ենք, Հայրապետյանը կարող է ուշ տալ-շուտ տալ թղթերը, «մալինկիե պակոստի» անել, բայց հավատանք, որ ֆուտբոլը, ի վերջո, կմիավորի նրանց»:

Մանրամասները թերթի այսօրվա համարում:

Հետևեք մեզ նաև Telegram-ում