AM | RU
USD
EUR
RUB

Հայաստանը ՏՏ ոլորտում աճի մեծ պոտենցիալ ունի. Վահան Մարտիրոսյանի հարցազրույցը անգլիական լրատվամիջոցին

 
 

ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը հարցազրույց է տվել անգլիական emerging-europe.com-ին: Այս մասին տեղեկացրին ՀՀ տրանսպորտի, կապի և տեղեկատվական տեխնոլոգիաների նախարարության լրատվական ծառայությունից:

Անգլիական emerging-europe.com-ը փետրվարի 8-ին անդրադարձել է Հայաստանում ՏՏ ոլորտի զարգացմանը` «Armenia Makes Global ICT Push» խորագրով ծավալուն հոդվածի ներքո։ Հղում անելով ՀՀ վարչապետ Կարեն Կարապետյանի` փետրվարին Ալմաթիում անցկացված «Թվային օրակարգը գլոբալիզացիայի դարաշրջանում» համաժողովում հնչեցրած ելույթին, հեղինակը նշում է, որ վերջին մի քանի տարիներին Հայաստանում ՏՏ ոլորտը 25 տոկոսանոց աճ է գրանցել։

Այնուհետև ներկայացվում են ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանի հետ հարցազրույցից որոշ ուշագրավ հատվածներ։

Նախարարը պարբերականի հետ զրույցում նշել է, որ ոլորտի զարգացման ներկա միտումները իսկապես շատ տպավորիչ են, և կառավարությունը պատրաստ է աջակցել այդ թրենդի շարունակությանը։ Վահան Մարտիրոսյանի խոսքով` Հայաստանը աճի մեծ պոտենցիալ ունի, և ներկայում մենք պետք է աշխատենք բարձրարժեք տեխնոլոգիական լուծումների վրա. այդպես է հնարավոր հավելյալ արժեք ստեղծել։

«Որպես արդյունք` մեր նպատակը պիտի լինի բարձրացնել արդյունավետությունը և մատակարարել հաճախորդներին թիրախավորված լուծումներ. սա առաջիկա տարիների համար պիտի լինի մեր հիմնական ռազմավարությունը։ Դա այնքան էլ հեշտ չէ` հաշվի առնելով, որ ՏՏ շրջանառության 70 տոկոսը գոյանում է գլոբալ շուկային ծառայություններ մատուցելու արդյունքում, ինչն էլ նշանակում է, որ մակրոտնտեսական գործոնները շատ կարևոր են հայաստանյան ՏՏ ոլորտի համար»,- ասել է նախարարը։

Հոդվածում նաև նշվում է, որ 2010- 2016 թթ-ի ընթացքում ՏՏ ոլորտի շրջանառությունն աճել է 5 անգամ և հասել 510 միլիոն ԱՄՆ դոլարի։ Միաժամանակ, ՏՏ ընկերությունների թիվը նույն ժամանակահատվածի ընթացքում աճել է 3 անգամ։

«Երկրում, որտեղ ապրում է 2.9 միլիոն մարդ, կա 60 համալսարան, որից 15-ի տեխնոլոգիական ֆակուլտետներն ու բաժինները բավական ուժեղ են։ 2014-2015 ակադեմիական տարում տեղեկատվական և բարձր տեխնոլոգիական մասնագիտացումներով 10.000 ուսանող է եղել, որը ընդհանուր ուսանողների թվի 11.7 տոկոսն է»,- նշվում է հոդվածում։

«Մենք գլոբալ հասարակության մաս ենք կազմում և գլոբալ փոփոխություններն անդրադառնում են մեզ վրա նույն ձևով, ինչպես մյուսների»,- իր խոսքում նշել է Վահան Մարտիրոսյանը։

«Միջինում յուրաքանչյուր ազգում 6-8 տոկոսն են տեխնիկական մտածողությամբ ու ունակություններով ծնվում, մենք պիտի կարողանանք օգտագործել այդ պոտենցիալն ամբողջությամբ։ Պիտի կարողանանք մեր կրթության որակը դարձնել ավելի լավը, քան երբևէ, որովհետև միայն կրթված մարդիկ են կարող խթանել հավակնոտ նախագծերն ու ծրագրերը։ Պիտի կարողանանք օգտագործել հայկական սփյուռքի պոտենցիալը»,- ասել է նախարարը։

«Հիմնական ծրագրերից մեկն արդեն իրականություն է դարձել. մենք ունենք «Արմաթ» ռոբոտաշինության և ճարտարագիտության լաբորատորիաները, որոնք արագ աճում են հանրապետության բոլոր մարզերի դպրոցներում։ Ավագ դպրոցներում և տեխնիկական քոլեջներում միկրոէլեկտրոնիկա և հեռահաղորդակցություն է ուսուցանվում, առաջատար հեռահաղորդակցական ընկերությունների աջակցությամբ մենք ստեղծել ենք գերազանցության կենտրոններ, որոնք շարունակում են Պոլիտեխնիկական համալսարանի 100 տարվա ավանդույթները, ինֆորմատիկա է դասավանդվում հայաստանյան բոլոր դպրոցներում։ Այս ամենը կա, սակայն դեռ շատ անելիքներ ունենք»,- նշել է նախարարը։

Վահան Մարտիրոսյանը համոզված է, որ ՏՏ ոլորտում չկան սահմանափակումներ և կարծրատիպեր, այստեղ միջսահմանային համագործակցությունն ավելի հեշտ է:

 

Լրահոս
Վաղը ցերեկը մայրաքաղաքում ջերմաստիճանը կհասնի +11-ի Թումանյանի թողած ժառանգությունը համամարդկային է. Գարեգին Բ Արցախի ԱԳ նախարար Մասիս Մայիլյանին ընդունել է Հարավային Օսիայի նախագահը Հայաստանում ալյուրի արտադրությունը զգալի նվազել է Ռուս սահմանապահը հայտնաբերել է անհետ կորած քաղաքացու դին ԱՄՆ սենատոր Բերնի Սանդերսը 2020թ-ին կրկին կպայքարի ԱՄՆ նախագահի պաշտոնի համար ԵԱՀԿ գործող նախագահը կայցելի Երևան և Բաքու՝ ղարաբաղյան կարգավորման հարցը քննարկելու համար Պարոնայք, իսկ երբեմն էլ` տիկնայք ավելի լավ է ոչինչ մի ձեռնարկեք Հայաստանի նոր իշխանությունները չունեն երկրի զարգացման և ոչ մի ռազմավարական ծրագիր Գարեգին Բ և Արամ Ա կաթողիկոսները միասնական աղոթք են հնչեցրել Էջմիածնում Կիսանախագահական համակարգի անցնելու առաջարկությունը նման է կրկեսի. Սահմանադրագետ ՌԴ-ում քաղաքական մակարդակով որոշում կա հայկական վարորդական վկայականով ավտոմեքենա վարելու արգելքը հանելու. Մելքումյան Ամենայն հայոց բանաստեղծի ծննդավայրում հնչում են նրա ստեղծագործությունները Ռամիլ Սաֆարովին Հունգարիա վերադարձնելու պահանջով ՄԻԵԴ ներկայացված գանգատով որոշումն ակնկալվում է այս տարի ՊԵԿ-ը կանխել է մաքսային կանոնների խախտմամբ Հայաստան ոսկյա զարդեր ներկրելու փորձը ԻՊ-ն Աֆղանստանում ստեղծել է ահաբեկչական նոր «ցանց» Արարատ Միրզոյանը հայտնում է սահմանադրական փոփոխությունների օրակարգի առկայության մասին Թուրքիայի Մեջլիսի նախագահը հրաժարական է տվել «Քարվաճառի դիվերսանտները». Ադրբեջան՝ պետություն, որտեղ հայ սպանելը հերոսություն է ԱԺ խմբակցությունները Կալաշնիկովի հետ հանդիպմանը քննարկել են նաև Վերին Լարսի այլընտրանքային ճանապարհի հարցը Կնոջ պաշտպանված ու բարձր գնահատված դերը թե՛ առողջ հասարակության, թե՛ ամուր պետության պարտադիր երաշխիք է.ՄԻՊ Իսրայելական տխրահռչակ Aeronautics ընկերությունը հայտարարել է Ադրբեջանի հետ նոր գործարքի մասին Հնդկաստանում ՌՕՈՒ երկու ինքնաթիռ է բախվել ԱԱԾ-ն հաստատում է Սեդրակ Քոչարյանին մեղադրանք առաջադրելու լուրը Սպանությունից 15 տարի անց ԵԱՀԿ ԽՎ ձմեռային նստաշրջանին մասնակցելու համար ՀՀ ԱԺ պատվիրակությունը կմեկնի Վիեննա ԵՄ-ն Ռուսաստանին ընդգրկել է մարդու իրավունքները համակարգային խախտողների ցանկում Սբ. Գևորգ եկեղեցում ադրբեջանցու նկարահանած տեսանյութը նոր չէ. Վիրահայոց թեմը պարզաբանում է Հայաստանը որևէ կերպ չարձագանքեց ռուսական առաջատար ԶԼՄ-ներին Ստեփանծմինդա-Լարս ավտոճանապարհը բաց է տրանսպորտային բոլոր միջոցների համար Կարեն Սարգսյանն ազատվել է հատուկ հանձնարարությունների գծով Արցախի նախագահի ներկայացուցչի պաշտոնից Արամ Առաջինը եկել է Հայաստան Նախարարի տիկնոջ ընկերությունը 2.5 անգամ, իսկ «Աստղիկ» ԲԿ-ն մեկ միլիարդ դրամով ավելի պետական ֆինանսավորում կստանա Կալանավորը փախել է Հանրապետական հիվանդանոցից Ապարանի և Արագածի ավտաճանապարհներին բուք է Հայաստանի մշակութային օրացույցում փետրվարի 19-ը տոն է. նշվում է Թումանյանի 150-ամյակը «Փաստ». Խորհրդարանակա՞ն, թե՞ կիսանախագահական «Ժամանակ». Ինչու է Փաշինյանը ԿԲ ղեկավարի պաշտոնում ցանկանում իր մարդուն տեսնել «Ժողովուրդ». Օպտիմալացման ենթակա գերատեսչությունները կշարունակեն աշխատանքը շունչները պահած «Հրապարակ». Վարչապետի՞, թե՞ քաղաքապետի օգնական
Խմբագրի ընտրություն
website by Sargssyan