AM | RU
USD
EUR
RUB

Մարինա Գրիգորյանը Սումգայիթի դեպքերի ավելի խորը և հանգամանալից ուսումնասիրության անհրաժեշտություն է տեսնում

 
 

«Սովորական ցեղասպանություն» նախագծի ղեկավար Մարինա Գրիգորյանը գտնում է, որ Սումգայիթի ողբերգության վերաբերյալ ուսումնասիրությունները պետք է շարունակվեն և լինեն ավելի խորը ու հանգամանալից: «Արմենպրես» լրատվական գործակալության մամուլի սրահում լրագրողների հետ հանդիպմանը Մարինա Գրիգորյանն ընդգծեց, որ Սումգայիթում տեղի ունեցած վայրագությունները փաստաթղթավորված են` շեշտելով, այդ փաստաթղթերը ոչ միայն ականատեսների վկայություններն են, որ իրենք շարունակում են հավաքագրել, այլ նաև պաշտոնական փաստաթղթեր, այսինքն` քննչական նյութեր, դատական նյութեր, տեսագրություններ, ջարդերի ժամանակ արված տեսանյութեր և լուսանկարներ:

«Այս ուսումնասիրությունների արդյունքում մենք եկել ենք շատ հստակ եզրակացությունների, որոնցից առաջինն այն էր, որ Սումգայիթում առաջին անգամ դրսևորվեցին մի շարք օրինաչափություններ, որոնք այս երեսուն տարիների ընթացքում կրկին ի հայտ եկան և ցույց տվեցին, որ Ադրբեջանում անցած 3 տասնամյակների ընթացքում հայերի նկատմամբ իրականացվել է ցեղասպան քաղաքականություն` առաջին հերթին խաղաղ բնակչության նկատմամբ»,- ասաց Գրիգորյանը:

Նա շեշտեց` փաստերը հստակ ցույց են տալիս, որ Սումգայիթի հանցագործությունը կազմակերպված է եղել Ադրբեջանի իշխանությունների կողմից` Խորհրդային իշխանության սպասողական վիճակի պայմաններում: «Մենք ունենք բազմաթիվ վկայություններ: Մենք վերցնում ենք ոչ միայն Սումգայիթի ազգությամբ հայ բնակիչների, այլ առաջին հերթին ադրբեջանցի վկաների ցուցմունքները, դատական և քննչական նյութերը: Այսօր Ադրբեջանում կան հասարակական կամ քաղաքական գործիչներ, ովքեր իրենց երկրի մասին ժամանակ առ ժամանակ բացահայտումներ են անում, վերցնում ենք նաև այդ նյութերը»,- նշեց «Սովորական ցեղասպանություն» նախագծի ղեկավարը:

Նա մանրամասնեց, որ Ադրբեջանում Զարդուշտ Ալիզադե անունով քաղաքական գործիչ կա, ով իր «Երկրորդ հանրապետության վերջը» գրքում գրում է, որ փետրվարի 26-ին Սումգայիթ են ժամանել Ադրբեջանի առաջին դեմքերը. նրանք անցկացրել են խորհրդակցություններ, որից հետո փետրվարի 27-ին ցույց է եղել Սումգայիթի գլխավոր հրապարակում, իսկ դրանից հետո սկսվել են ջարդերը: «Այսինքն` Ադրբեջանի իշխանությունների ներկայության պայմաններում Սումգայիթում սկսվել են հայերի դեմ ուղղված այդ ցեղասպան գործողությունները: Սումգայիթի այն ժամանակվա գործկոմի ղեկավար Էմիլ Բելին խոստովանել է, որ նույնիսկ փետրվարի 28-ին առավոտյան անց են կացվել հանրահավաքներ, որոնց մասնակցել է քաղաքի ղեկավարությունը, այնտեղ հնչել են հակահայկական կոչեր, իսկ դրանից հետո ջարդերը կրկին շարունակվել են»,- ասաց Մարինա Գրիգորյանը:

Նա հավելեց, որ կան բազմաթիվ տեսագրություններ, որտեղ երևում է, թե ինչպես են Ադրբեջանի հատուկ ծառայությունները ղեկավարում ջարդերը: Դրանք շատ բաց ցույց են տալիս, թե ինչպես են Ադրբեջանի հատուկ ծառայության աշխատակիցները մեքենայում նստած տեսագրում այդ ջարդերը և ցուցումներ են տալիս, թե ցուցարարներն ուր գնան և ինչ անեն: «Սումգայիթի ջարդերն Ադրբեջանի իշխանությունների կողմից կազմակերպված լինելու ևս մեկ ապացույց է այն, որ գործադիր մարմնի աշխատակիցների խոստովանությունն է, որ Բաքվից ջարդերի հետևանքները ոչնչացնելու հրահանգ են ստացել»,- ընդգծեց Գրիգորյանը:

Եզրափակելով խոսքը` Մարինա Գրիգորյանը հիշեցրեց, որ Սումգայիթի կոտորածներին զոհ գնացած հայերի թիվը պաշտոնապես 27 է, սակայն շեշտեց, որ իրենց ունեցած տվյալներով այդ վայրագությունների հետևանքով զոհված հայերի թիվն ավելի մեծ է: Նա նշեց, որ ունեն լուսանկարներ Բաքվի և Սումգայիթի դիահերձարաններից, որտեղ կան սպանվածների մարմիններ, որոնց անունները պաշտոնական ցուցակում նշված չեն: Նաև այդ օրերին իրենց հարազատներին դիահերձարաններ տարած հայերն են վկայել, որ դիահերձարաններում տեսել են բազմաթիվ անճանաչելի դիակներ, որոնք խոշտանգված և վառված են եղել:

Լրահոս
Պաշտպանության նախարարի պաշտոնակատարը հաջողված է համարում «1000 դրամների նախագիծը» ՊՆ-ն բնակարան կտրամադրի շուրջ 1400 զորացրված զինծառայողի ՊՆ-ն կատարել է ՀՀ զինված ուժերի համար կործանիչների գնման ընտրությունը. Դավիթ Տոնոյան ՀԱՊԿ գլխավոր քարտուղարի նշանակման հարցով նեղ ֆորմատով քննարկումներ են տեղի ունեցել. Տոնոյան Սամբիստները երեք մեդալ նվաճեցին աշխարհի առաջնությունում Այս պահին Ժիրայր Սեֆիլյանը Հայաստանի քաղաքացի չէ, հետևաբար չի մասնակցի ընտրություններին. խոսնակ Սեւան համայնքի ղեկավարի գործունեության 2 տարին գնահատվել է արդյունավետ Արցախում առաջին անգամ պետբյուջեի եկամուտները կգերազանցեն ծախսերին. Ֆինանսների նախարար Արմեն Աշոտյանի կածիքով՝ ՀՀԿ-ի ներկայությունը հաջորդ խորհրդարանում անհրաժեշտ է երկրի քաղաքական համակարգին ԱԺ արտահերթ ընտրություններում «Լուսավոր Հայաստան» կուսակցության համամասնական ցուցակի երկրորդ համարը կլինի Մանե Թանդիլյանը Սիմոն Մարտիրոսյանի հաջորդ նպատակը Տոկիոյի Օլիմպիական խաղերն են Բակո Սահակյանն աշխատանքային խորհրդակցություն է հրավիրել Ծանրամարտի Հայաստանի թիմերը ժամանեցին հայրենիք ԱԺ փոխնախագահի խորհրդականը՝ թեկնածու ՀՀԿ-ից Ստեփանծմինդա-Լարս ավտոճանապարհը բաց է ԱԺ-ն կքննարկի հանքարդյունաբերության ոլորտի թափանցիկության հարցը Պեսկովը հաստատել է Պուտինի ու Թրամփի հանդիպումը Գագիկ Ղալաչյանը նշանակվել է Ղազախստանում ՀՀ արտակարգ և լիազոր դեսպան ԱԺ տնտեսական հարցերի մշտական հանձնաժողովը դրական եզրակացություն տվեց 2019թ. պետական բյուջեի նախագծին Արմեն Աշոտյանը ռեյտինգային ընտրակարգով կառաջադրվի Էրեբունի, Կենտրոն, Նուբարաշեն և Նորք-Մարաշ վարչական շրջաններում ՕՐՎԱ ԽՈՐՀՈՒՐԴԸ: Նոյեմբերի 12 Ծանրորդ Գոռ Մինասյանը դարձավ աշխարհի առաջնության փոխչեմպիոն Անցնող շաբաթվա ընթացքում հակառակորդը հրադադարի ռեժիմը խախտել է ավելի քան 120 անգամ Արոնյանը շարունակում է առաջատար մնալ Կալկաթայում Բակո Սահակյանը հետևել է մի շարք զորամասերի ներգրավմամբ մարտավարական զորավարժությունների ընթացքին «Մենք» դաշինքը հավակնում է լինել իշխանությունների գլխավոր ընդդիմախոսը Արտակ Զեյնալյանը ԱԺ արտահերթ ընտրություններին կառաջադրվի ռեյտինգային ընտրակարգով ԵԱՀԿ մշտական խորհրդի նիստին ներկայացվել է ԼՂ հակամարտության կարգավորման հարցում ՀՀ դիրքորոշման կարևոր կետերը Ադրբեջանը կփակի Շվեդիայում, Նորվեգիայում և Ֆինլանդիայում իր դեսպանությունը Երևանում կկառուցվի 250 մեգավատ հզորությամբ և ամենաէժան էլեկտրաէներգիան տրամադրող նոր ՋԷԿ «Մենք» դաշինք՝ խորհրդարանական ընտրություններին ընդառաջ (Տեսանյութ) Զանգակատուն գյուղի ուղղությամբ ադրբեջանական զինված ուժերը որևէ նոր տեղաշարժ չեն ունեցել. Արծրուն Հովհաննիսյան Նորվեգիան կփակի Բաքվում իր դեսպանատունը ու նորը կբացի Թբիլիսիում Մակրոնն ու Թրամփը քննարկել են եվրոպական տարածաշրջանի անվտանգությանն առնչվող հարցեր Սիրիայում գրոհայինները սպանել են կառավարական բանակի զինծառայողների Թրամփը Կալիֆորնիան ընդգրկած հրդեհների համար մեղադրել է տեղական իշխանություններին «Ադրբեջանական լրատվամիջոցը խեղաթյուրում է իմ խոսքերը». «Bellingcat»-ի հոդվածագիր Չեմպիոնությունս նվիրում եմ հայերին և Հայաստանին. Սիմոն Մարտիրոսյան Արցախի նախագահը ոստիկանության պետի տեղակալ է նշանակել Թուրքական ռազմաբազայում պայթյուն է տեղի ունեցել
Խմբագրի ընտրություն
website by Sargssyan