AM | RU
USD
EUR
RUB

Ճիշտ արձագանք, ճիշտ տեղում. Դավիթ Բաբայանը՝ Մյունխենում ՀՀ Նախագահի ելույթի մասին

 

Ճիշտ արձագանք, ճիշտ տեղում. այսպես բնորոշեց Մյունխենում ընթացող անվտանգության համաժողովում ՀՀ Նախագահ Սերժ Սարգսյանի ելույթը Արցախի Հանրապետության Նախագահի մամուլի քարտուղար Դավիթ Բաբայանը՝ անդրադառնալով վերջին շրջանում Ադրբեջանից հնչող հայտարարություններին, այդ երկրի վարած քաղաքականությանը վերաբերող Սերժ Սարգսյանի ելույթի շեշտադրումներին:

«Այն քաղաքականությունը, որը վարում է Ադրբեջանը, ահաբեկչություն է, նացիզմ: Այդպիսի քաղաքականությունը վտանգ է ամբողջ քաղաքակիրթ մարդկությանը: Ադրբեջանը հայ ժողովրդին համարում է թշնամի, նպատակ ունի ոչնչացնել հայ ժողովրդին և հայոց պետականությունը: Հաշվի առնելով, որ տարածաշրջանն ունի կարևոր աշխարհաքաղաքական և զգայուն նշանակություն, այստեղ ցանկացած պատերազմ ուզած թե չուզած ներգրավելու է նաև գերտերություններին, տարածաշրջանային պետություններին: Այդ ամենը համաշխարհային անվտանգության համար լուրջ մարտահրավեր է: Հետևաբար, պետք է անընդհատ Ադրբեջանի այս քաղաքականության մասին մատնանշել»,- «Արմենպրես»-ի հետ զրույցում ասաց Դավիթ Բաբայանը:

Նրա խոսքով, այս պահին խոսվում է այն մասին, թե ինչու չի ստացվում ղարաբաղյան հակամարտության կարգավորումը: Փաստերը վկայում են, որ այստեղ կա միայն մեկ խոչընդոտ՝ Ադրբեջանի ֆաշիստական քաղաքականությունը:

«Եթե երկիրն այսպիսի քաղաքականությամբ է առաջնորդվում, ապա պարզապես անհնարին է ակնկալել որևէ նորմալ կամ կառուցողական քայլ: Որպեսզի տարածաշրջանում կայունությունը, խաղաղությունը պահպանվի, որպեսզի բոլոր հարցերը կարգավորվեն, պետք է Ադրբեջանը դառնա ժողովրդվարական, Ադրբեջանը հրաժարվի այդ նացիզմից: Քանի դա չկա, որևէ բան ակնկալել ճիշտ չէ: Պետք է ամեն տեղ դրա մասին ասել, բարձրաձայնել»,-ասաց նա:

Դավիթ Բաբայանը կարևորեց ՀՀ Նախագահի այն շեշտադրումը, որ Լեռնային Ղարաբաղի հիմնահարցի հանգուցալուծմանն ուղղված ջանքերը կարող են օրինակ ծառայել, թե ինչպես Ռուսաստանը, ԵՄ-ն և ԱՄՆ-ն կարող են դրականորեն համադրել իրենց դիրքորոշումները՝ հանուն միջազգային խաղաղության ու անվտանգության:

«Մենք ներկա փուլում տեսնում ենք ռուս-ամերիկյան հարաբերությունների բարդությունը: Նման բարդ հարաբերություն երևի չի եղել սառը պատերազմից հետո: Կարելի է ասել միակ հարթակը, որտեղ նրանք համագործակցում են, ադրբեջանա-ղարաբաղյան հակամարտության կարգավորումն է: Նրանք այստեղ ունեն միասնական մոտեցում, տեսլական, աշխատում են մեկը մյուսի հետ՝ որպես գործընկերներ: Այս հարթակը միգուցե ինչ-որ մի հիմք հանդիսանա հետագայում ևս այլ ուղղություններով այդ երկու գերտերությունների հարաբերությունները բարելավելու ուղղությամբ: Երկուսն էլ մեզ համար կարևոր գործընկերն են: Երկու երկրներում էլ կենտրոնացած է Սփյուռքի գերակշիռ մեծամասնությունը: Հետևաբար, մեզ համար շատ լավ կլիներ, եթե երկու երկրներն ունենային նորմալ, կայուն հարաբերություններ»,- հավելեց Դավիթ Բաբայանը:

Լրահոս
Մանսուրյան. Մեր երաժշտության մեջ բաց կար՝ բարձրագույն պոեզիան երգելու առումով Վերաքննիչ դատարանը մերժեց ԱԱԾ տնօրենի և ՀՔԾ պետի գաղտնալսման գործով Քոչարյանին տուժող ճանաչելը Տնտեսական հեղափոխությունն ու Հայաստանի բանկային ոլորտը Շվեդիայում հուշարձան կկանգնեցվի՝ ի հիշատակ հայերի ու ասորիների ցեղասպանության Կարեւոր ենք համարում ԵՄ-ի հետ մեր հարաբերությունների խորացումը Նախագահ Սարգսյանն ընդունել է Ամերիկայի հայկական համագումարի համանախագահին Վերաքննիչ դատարանը մերժել է Քոչարյանի պաշտպանների ներկայացրած բողոքը Ստամբուլում վերջին հրաժեշտը տվեցին Պոլսի Հայոց պատրիարք Մեսրոպ Մութաֆյանին C-400 համակարգերի գնման շուրջ կնքված գործարքը Թուրքիայի համար կարող է աշխարհաքաղաքական նշանակություն ստանալ. թուրքագետ Արցախի հարցն այս փուլում խաղաղ լուծում չունի Արտասահմանյան ջինսերին փոխարինելու կգա հայկականը. Գյումրիում մեկնարկել է «Made in Armenia» ջինսերի արտադրությունը Արցախի պետնախարարն աշխատանքային այցով Լիբանանում է Ուկրաինական լոուքոսթերը կանոնավոր չվերթներ կիրականացնի Օդեսա-Երևան ուղղությամբ Օդի ջերմաստիճանը մարտի 18-ի ցերեկը և 19-ին կնվազի ևս 3-4 աստիճանով, Բողոքի ակցիա. «Կառավարություն, մի սպանեք ՓՄՁ-ները» Պորոշենկոն խոստացել է ընտրություններից հետո վերադարձնել Ղրիմը Երթուղայինների մասնակցությամբ շղթայական ավտովթար է տեղից ունեցել Ավանի կամրջի վրա. Երկու անձ դիմել է բուժօգնության Հանրապետությունում կան փակ և դժվարանցանելի ճանապարհներ. Որոշ հատվածներում մերկասառույց է ՕՐՎԱ ԽՈՐՀՈՒՐԴԸ: Մարտի 18 Իմ ազգի պատմությունը կռիվ է հանուն բարու, լուսավորի, վսեմի... Վաղը «Անառակի կիրակին» է ՀՔԾ-ն համագործակցության պայմանագիր է ստորագրել մի շարք ԶԼՄ-ների հետ Բաքվում հայտարարել են՝ Հայաստանի սահմանը հատած ադրբեջանցին հոգեկան խնդիրներ ունի Երուսաղեմի Հայոց պատրիարքը ներկա կլինի Մեսրոպ արքեպիսկոպոս Մութաֆյանի հուղարկավորությանը Հայաստանում օդի ջերմաստիճանը 3-4 աստիճանով կնվազի Վարդենյաց լեռնանցքը փակ է կցորդիչով բեռնատարների համար Դինքի սպանության գործով ազատ արձակված երկու կասկածյալները կրկին կձերբակալվեն Սիրիայում վիրավորում ստացած հայ սակրավորին տեղափոխել են Մոսկվա Ամերիկյան հեռուստաարտադրող ընկերությունը նախատեսում է Հայաստանը գովազդող հոլովակներ նկարահանել Փարիզի ոստիկանությունն արցունքաբեր գազ է կիրառել «դեղին բաճկոնների» ակցիայի մասնակիցների նկատմամբ ՀՀ ՍԴ դատավորի թափուր պաշտոնին ՀՀ նախագահի կողմից թեկնածու առաջադրելու ընթացակարգի վերաբերյալ Օպերայի տարածքում ապամոնտաժման աշխատանքները շարունակվում են Արցախի ՊԲ. Հակառակորդը 60 մմ-ոց ականանետերից արձակել է 9 արկ Լևոն Գալստյան. Մրցութային հանձնաժողովը հանդիպել է Հանրային ռադիոյի տնօրենի թեկնածուներից 14-ի հետ Նոր Զելանդիայի ահաբեկչության զոհերի թիվն ավելացել է Իրանի քաղաքացիները փորձել են թմրանյութ պարունակող դեղահաբեր տեղափոխել Հայաստան ԲՀԿ-ն օրինագիծ է ներկայացրել առաջնագծում պայմանագրայինների հերթապահության մասին Վնասազերծվել է ՀՀ պետական սահմանը խախտած Ադրբեջանի բնակիչ. Արծրուն Հովահաննիսյան Նոր Զելանդիայում մզկիթի վրա հարձակում գործած անձը մինչև ապրիլի 5-ը թողել է կալանքի տակ Վարդենյաց լեռնանցքը ծանրաքաշ և կցորդիչով մեքենաների համար փակ է
Խմբագրի ընտրություն
website by Sargssyan