«Հրապարակ». Բողոքի ցույց ի զորակցություն Հայ առաքելական եկեղեցու
Նմանատիպ
«Հրապարակ»-ը տեղեկացնում է, որ այսօր՝ փետրվարի 20-ին, Մայր Աթոռ Սուրբ Էջմիածնում գումարվելու է Գերագույն հոգևոր խորհրդի հերթական ժողովը, որը քննարկելու է նաև Կոստանդնուպոլսի Հայոց պատրիարքության շուրջ ստեղծված կացությունը:
Այս առնչությամբ «Ֆեյսբուք» սոցցանցում սկսվել է Մայր Աթոռում բողոքի ակցիա իրականացնելու նախաձեռնություն՝ ի զորակցություն Հայ առաքելական եկեղեցու և հանուն այն բանի, որ պատժվի «Եկեղեցու և ազգի արժանապատվությունն անարգող սքեմավոր թուրքական խամաճիկ Արամ Աթեշյանը», ինչպես ակցիայի ազդագրում նշել է նախաձեռնողներից մեկը՝ Մացակ Փոլադյանը:
Ըստ հայտարարության՝ առավոտյան ժամը 10-ից ոչ ուշ Երևանի Ալ. Թամանյանի արձանի մոտից (Կասկադ) ավտոբուսները կմեկնեն դեպի Մայր Աթոռ։
«Հայտարարությունում նաև ասված է, որ իրենց նպատակը նշված պահանջները քաղաքակիրթ ձևով արտահայտելն է, որից հետո նույն փոխադրամիջոցներով մասնակիցները կվերադառնան Երևան ոչ ուշ, քան ժամը 13-ին»,- գրում է թերթը:
Հետևեք մեզ նաև Telegram-ում