Շինարարության ծավալների աճ է արձանագրվել
23/02/2018 16:39
Նմանատիպ
Շինարարության ծավալների աճ է արձանագրվել Հայաստանում 2017-ին:
«Արմենպրես»-ի հաղորդմամբ՝ փետրվարի 23-ին լրագրողների հետ զրույցում այս մասին ասաց Քաղաքաշինության պետական կոմիտեի նախագահ Նարեկ Սարգսյանը:
«2016-ի համեմատ նախորդ տարի շինմոնտաժային աշխատանքներն ավելացել են 3 տոկոսով: Իսկ այս տարվա հունվարին անցյալ տարվա նույն ժամանակի համեմատ թիվը աճել է 20 տոկոսով»,-ասաց Սարգսյանն ու հավելեց, որ աճը հիմնականում պայմանավորված է շինարարությունում ներդրումների նկատմամբ հետաքրքրության մեծացմամբ:
Կոմիտեի նախագահի խոսքով՝ իրենք մյուս գործընկերների հետ հիմնականում համակարգում են ներդրումային ծրագրերը, և բոլոր խնդիրները, որոնք առաջանում են, ընթացքում բարձրացվում ու լուծում են ստանում:
Հետևեք մեզ նաև Telegram-ում