AM | RU
USD
EUR
RUB

Հայաստանի նկատմամբ Ադրբեջանի նախագահի նկրտումներն արժանացան միջազգային բացասական արձագանքի. Eurasianet

 
 

Ադրբեջանի նախագահ Իլհամ Ալիևի կողմից իբր իր «պատմական հողերը» վերադարձնելու մասին հայտարարությունը պաշտոնական Բաքվի կողմի համար վերածվեց լուրջ դիվանագիտական սկանդալի. Ռուսաստանը և Ֆրանսիան բացահայտ կերպով հորդորեցին Բաքվին դադարեցնել սադրիչ հայտարարությունները: Այս մասին Eurasianet տեղեկատվական հարթակում գրում է Բրեդլի Ջարդինը «Հայաստանի նկատմամբ Ադրբեջանի նախագահի պնդումներն արժանացան միջազգային բացասական արձագանքի» խորագրով հոդվածում:

Հեղինակը նշում է, որ Ադրբեջանի նախագահն իր ղեկավարած «Յենի Ազերբայջան» («Նոր Ադրբեջան») կուսակցության համագումարի ժամանակ փետրվարի 9-ին Հայաստանի մայրաքաղաք Երևանն անվանեց Ադրբեջանի «պատմական հող»՝ նշելով, թե այն իրենց «քաղաքական և ռազմավարական նպատակն է» և որ իրենք «պետք է քայլ առ քայլ աշխատեն դրան հասնելու համար»:

ՀՀ Նախագահ Սերժ Սարգսյանի պատասխանն այս հայտարարությանը չուշացավ. փետրվարի 12-ին նա մամուլի ասուլիսի ժամանակ հայտարարեց. «Մինչև նրանք դրանից չհրաժարվեն, այլ շարունակեն մնալ անուրջների գրկում ու զառանցեն Երևանը կամ Զանգեզուրը գրավելու մասին, որևէ հույս մենք չենք կարող տածել, որ խնդիրը կարող է լուծվել»:

Հեղինակը նշում է, որ շատ արագ խնդրին արձագանքեց նաև միջազգային հանրությունը: Մասնավորապես Ռուսաստանի Դաշնության ԱԳՆ խոսնակ Մարիա Զախարովան հիշեցրեց, որ ներկայում Ադրբեջանը խիստ լարված հարաբերությունների մեջ է հարևան Հայաստանի հետ, ուստի Ալիևի նմանօրինակ հայտարարությունները «բացահայտ կերպով չենք օգնի նպաստելու լարվածության թուլացմանը»:

Բրեդլի Ջարդինը գրում է, որ Ռուսաստանից հետո խնդրին անդրադարձավ նաև Ֆրանսիայի արտաքին քաղաքական գերատեսչությունը՝ նախազգուշացնելով Ադրբեջանի ղեկավարությանը զերծ մնալու այնպիսի հայտարարություններից, որոնք կբորբոքեն նոր լարվածություն երկու երկրի միջև և այդպիսով կվնասեն նաև ԼՂ խնդրի խաղաղ կարգավորման գործընթացին:

Eurasianet-ի հեղինակը փաստում է, որ հայկական կողմը, սակայն, անբավարար համարեց միջազգային նման արձագանքը պաշտոնական Բաքվի հայտարարություններին: Հայաստանի ԱԳՆ խոսնակ Տիգրան Բալայանը, մասնավորապես, հայտարարեց, որ «Հայաստանի նկատմամբ նախագահ Իլհամ Ալիևի տարածքային նկրտումներին միջազգային հանրության կողմից ադեկվատ պատասխանի բացակայությունը քաջալերել են Ադրբեջանի պաշտպանության նախարար Հասանովին կրկնել ուժի կիրառման սպառնալիքը»:

Բալայանի հայտարարությունը վերաբերում էր Զաքիր Հասանովի կողմից արված այն հայտարարությանը, թե «պատերազմը կարող է բռնկվել ամեն պահի»:

Բրեդլի Ջարդինը նշում է, որ Ալիևը նմանօրինակ հայտարարություններով հանդես է եկել նաև անցյալում: Հեղինակն ընդգծում է, որ որոշ մեկնաբաններ նրա վերջին թշնամական հռետորաբանությունը պայմանավորում են արտահերթ նախագահական ընտրություններով, որոնք կայանալու են ապրիլի 11-ին:

Նա ուշադրություն է հրավիրում այն հանգամանքի վրա, որ Ադրբեջանում նոր նախագահի քվեարկությունը տեղի կունենա ՀՀ Նախագահ Սերժ Սարգսյանի պաշտոնավարման ժամկետի ավարտից երկու օր անց: Ջարդինը նշում է նաև, որ Հայաստանի առաջնորդն ակնկալվում է, որ կզբաղեցնի երկրի վարչապետի պաշտոնը խորհրդարանական կառավարման համակարգի անցնելուց հետո:

«Երկու առաջնորդներն էլ պարտավորվել են ակտիվացնել ղարաբաղյան խաղաղության գործընթացը»,- եզրափակել է Ջարդինը:

Լրահոս
Նիկոլ Փաշինյանն ընդունել է Անջեյ Կասպրչիկին Պուտինը թույլ է տվել արգելափակել երեխաների համար վտանգավոր կայքերը Նշվել է ականավոր պետական և հասարակական գործիչ Ֆերդինանդ Ղազարյանի ծննդյան 80-ամյա հոբելյանը ՀՀ պաշտպանության նախարարությունը պարզաբանում է վիրավոր զինծառայողների վերաբերյալ լուրերը Թուրք վերլուծաբան. «Այսքան սպառնացող և վիրավորող նախագահ Թուրքիան դեռ չէր տեսել» Ստեփանծմինդա – Լարս ավտոճանապարհը բաց է տրանսպորտային բոլոր միջոցների համար Հարուցվել է քրգործ՝ պայմանագրային զինծառայողին անզգուշությամբ հրազենային վնասվածք պատճառելու դեպքի առթիվ Կոպերկին. ՀԱՊԿ գլխավոր քարտուղարի հարցը պետք է լուծվի՝ հօգուտ կազմակերպության ամրապնդման ՌԴ դեսպան․ Երևանն ու Մոսկվան կոնստրուկտիվ երկխոսություն են վարում կենսաբանական լաբորատորիաների հետ կապված Կարեն Կարապետյանը ՀՀԿ-ն լքելու դիմում է գրել «Իրատես». Քաղաքապետարանում «հեղափոխություն» է «168 Ժամ». Ինչ է առաջարկվելու կողմերին և ինչ է դրվելու բանակցային սեղանին «Ժողովուրդ». Քաղաքական պատերազմում բոլորը դիտորդ են ՕՐՎԱ ԽՈՐՀՈՒՐԴԸ: Դեկտեմբերի 18 Հայաստանում ՌԴ ԶՈՒ Հարավային ռազմական օկրուգի զորավարժարաններում օգտագործվում են անօդաչու սարքեր Երևանի կենտրոնական կլինիկական հոսպիտալ տեղափոխված 4 զինծառայողն էլ խիստ հսկողության տակ են, 3-ի վիճակը կայուն ծանր է Լավրովը չի համաձայնել, որ ՌԴ-ն Հայաստանում երբեք ընդդիմության հետ չի աշխատել Ուկրաինայի վարչապետը մեկնաբանել է սադրանքի վերաբերյալ Լավրովի հայտարարությունը 5 մլն դրամ 100 օր անտոկոս ժամանակահատվածով Հայաստանի նախագահն ու Վրաստանի վարչապետը մտքեր են փոխանակել հայ- վրացական հարաբերությունների ներկա օրակարգի շուրջ Զեյնալյանն այցելել է Նաիրի Հունանյանին Քոչարյանն ընդդեմ Փաշինյանի գործով վերաքննիչը մերժել է հայցվոր կողմի միջնորդությունը Հայաստանն ու Ռուսաստանը ՀՀ-ում գործող կենսալաբորատորիաների աշխատանքի թափանցիկությունը երաշխավորող փաստաթուղթ են նախապատրաստում Բոլոր ՔԿՀ-ներում ներդրվել է դատապարտյալների համար տեսակապի հնարավորություն ԱՄՆ-ում ՀՀ դեսպանը հանդիպել է ԱՄՆ Կոնգրեսի հայկական հարցերի հանձնախմբի համանախագահ Ֆրենք Փըլոնի հետ Փաշինյանը նոր խորհրդական է նշանակել Թուրքիան մտադիր է ԱՄՆ-ից ավելի քան 100 F-35 կործանիչ գնել Բակո Սահակյանն Արցախի ԱԻՆ պետական ծառայության աշխատակազմին է ներկայացրել նորանշանակ տնօրեն Լևոն Մնացականյանին Արցախում զինծառայող է վիրավորվել ՀՀ տարածքում կան դժվարանցանելի ավտոճանապարհներ. տեղ-տեղ առկա է մերկասառույց Այս տարի պետական կայքերի վրա հաքերային հարձակումները կտրուկ աճել են. ԱԱԾ Էջմիածնում Կաթողիկոսի հրաժարականը պահանջողների և քաղաքացիների միջև ընդհարում է տեղի ունեցել Փարիզում բախումներ են «դեղին բաճկոնավորներ»-ի և ոստիկանության միջև Արթուր Բաղդասարյանը հեռանում է ակտիվ քաղաքականությունից. ՕԵԿ-ն ունի նոր նախագահ Անցնող շաբաթ հակառակորդը հրադադարի ռեժիմը խախտել է շուրջ 250 անգամ «Դեղին բաճկոնավորները» պատրաստվում են նոր ցույցեր անցկացնել Ֆրանսիայի ողջ տարածքում ՀՀ տարածքում կան դժվարանցանելի ավտոճանապարհներ. Վարդենյաց լեռնանցքը փակ է «Հրապարակ». Փաշինյանի խորհրդականը սոցցանցերում զբաղված է տնտեսական քաղաքականության ակտիվ քարոզով «Ժամանակ». Ամանորյա տոներից հետո Հայաստանը կարող է բախվել լուրջ ֆինանսական խնդիրների «Ժողովուրդ». Նախաքննական մարմինն արդեն հայտնաբերել է քրեական գործով հետախուզվողին
Խմբագրի ընտրություն
website by Sargssyan