Ռուսաստանը մեծ տերություն Է, որին պետք Է հարգել. Ֆրանսիայի ԱԳ նախարար
Նմանատիպ
Ֆրանսիան Ռուսաստանը համարում Է մեծ տերություն, որին պետք Է հարգել, սակայն Փարիզը հարցեր ունի կապված արտաքին քաղաքականության բնագավառում Մոսկվայի գործողությունների հետ: Այդ մասին հայտարարել Է Ֆրանսիայի արտաքին գործերի նախարար Ժան-Իվ լը Դրիանը՝ ելույթ ունենալով CNews հեռուստաալիքի եթերում:
«Ռուսաստանը մեծ հզորությամբ օժտված մեծ տերություն Է, որին պետք Է հարգել, բայց միաժամանակ Ռուսաստանի արտաքին քաղաքականությունն անհանգստացնում Է մեզ»,- ասել Է նա:
Ինչպես նշել Է ԱԳ նախարարը, Ռուսաստանի արտաքին քաղաքական գործողությունների կապակցությամբ Ֆրանսիայի անհանգստությունը վերաբերում Է նախեւառաջ ուկրաինական եւ սիրիական ուղղություններին: «Դա վերաբերում Է ինչպես Ուկրաինային, այնպես Էլ այն բանին, որ ՌԴ-ն, մեր տեսակետից, պատասխանատվություն չի ստանձնում Սիրիայի հարցում: Մենք Ռուսաստանից ակնկալում ենք, որ նա իր պատասխանատվության բարձրության վրա գտնվի սիրական ճգնաժամի կարգավորման գործում»,- հայտարարել Է նախարարը, հաղորդել Է ՏԱՍՍ-ը:
Հետևեք մեզ նաև Telegram-ում