AM | RU
USD
EUR
RUB

ՀՀ քրեական նոր օրենսգրքի մշակման համար Հայաստանը ԵՄ-ից ստացել է 900 հազար եվրոյի աջակցություն

 

Եվրոպական միության համար կարևոր է անցումային փուլում գտնող Հայաստանին աջակցելը: Մարտի 14-ին ՀՀ քրեական օրենսգրքի նախագծի վերաբերյալ կլոր սեղան-քննարկման ժամանակ նշեց ՀՀ-ում Եվրոպական միության պատվիրակության ղեկավար Պյոտր Սվիտալսկին:

«Եվրամիությունը ֆինանսական աջակցություն է տրամադրում այս ծրագրին` 900 հազար եվրոյի չափով: Այսօրվա միջոցառումը կարևոր է Եվրամիության համար: Հայաստանին աջակցելը մեզ համար բացարձակապես առաջնահերթ խնդիր է: Հայաստանը շատ կարևոր անցումային փուլում է գտնվում, որը կապված է մի շարք կարևոր նախաձեռնությունների հետ, մասնավորապես`Հայաստանում բարեփոխումները խորացնելու ուղղությամբ:

Արդարադատության նախարարությունը շատ կարճ ժամանակահատվածում մի շարք կարևոր նախագծեր է մշակել և, կարծում եմ, նրանք իրենց գործը արդյունավետ կատարել են: Եվրամիության ներկայացուցիչների և անդամ պետությունների դեսպանների հետ հանդիպումների ժամանակ մենք միշտ շեշտում ենք, որ դատաիրավական բարեփոխումները առաջնային են բարեփոխումների ցանկում, և մենք ամեն ինչ անում ենք այդ հարցում Հայաստանի իշխանություններին աջակցելու համար»,- ընդգծեց Սվիտալսկին:

Երևանում Եվրոպայի խորհրդի գրասենյակի ղեկավար Նատալյա Վուտովայի խոսքով` ՀՀ Քրեական նոր օրենսգրքի ընդունումը Հայաստանի պարտավորությունների շարքում է Եվրախորհրդի անդամ դառնալուց ի վեր:

«Այդ ընթացքում բազմաթիվ փոփոխություններ են կատարվել գործող Քրեական օրենսգրքում: Եվրախորհուրդը տարբեր դրույթների վերաբերյալ բազմաթիվ խորհդակցություններ է անցկացրել Քրեական օրենսգրքի նախագծի հետ աշխատող խմբի հետ»,- ասաց Վուտովան:

Մարտի 14-ին կազմակերպվել էր կլոր սեղան-քննարկում, որի ընթացքում շահառուների լայն շրջանակներ հնարավորություն ունեցան քննարկել ՀՀ Քրեական օրենսգրքի նախագծին առնչվող մի շարք հարցեր, ինչպես նաև հանդես գալ առաջարկներով: Այս կարևոր նախաձեռնության շնորհիվ միջոցառման մասնակիցները և ՀՀ քրեական օրենսգրքի նախագծի մշակմամբ զբաղվող աշխատանքային խմբի անդամները արդյունավետ քննարկումներ ծավալեցին ԵԽ միջազգային փորձագետների հետ: Քննարկման մասնակիցները բարձրացրեցին կարևորագույն հարցեր և հանդես եկան կոնկրետ առաջարկներով` ՀՀ Քրեական օրենսգրքի նախագծի որոշ հակասական դրույթները Մարդու իրավունքների եվրոպական դատարանի նախադեպային իրավունքին համապատասխանեցնելու նպատակով: Այսպիսով , կնվազեցվի տարաբնույթ մեկնաբանությունների հավանականությունը, ինչը կարող է հանգեցնել Մարդու իրավունքների եվրոպական կոնվենցիայով նախատեսված իրավունքների ոտնահարման:

Կլոր սեղան-քննարկումը կազմակերպվել էր «Աջակցություն Հայաստանում քրեական արդարադատության համակարգի բարեփոխումներին և պայքար վատ վերաբերմունքի և անպատժելիության դեմ» ծրագրի կողմից, որը ֆինանսավորվում է Եվրոպական միության և Եվրոպայի խորհրդի Գործընկերության հանուն լավ կառավարման կառուցակարգի շրջանակներում:

Լրահոս
Տնտեսի կիրակին՝ վաղը Սիրիայի դեմոկրտական ուժերը հայտարարել են ԻՊ-ի դեմ վերջնական հաղթանակի մասին Ստեփանծմինդա–Լարս ավտոճանապարհը բաց է տրանսպորտային բոլոր միջոցների համար Վարդենյաց լեռնանցքը ծանրաքաշ և կցորդիչով մեքենաների համար փակ է Դավիթ Տոնոյանը հանդիպել է Ադրբեջանում ազատազրկման դատապարտված Կարեն Ղազարյանի հոր հետ ՀԱՊԿ գլխավոր քարտուղարի հարցի շուրջ կառույցի ներսում քննարկումները շարունակվում են «Իրականությունից անտեղյակ «խորհրդատուների» հորինվածքներին պետք է վերաբերվել համբերատարությամբ». Լևոն Մնացականյան Չինաստանի քիմիական գործարանում պայթյունի հետևանքով վնասվել է 2800 բնակելի տուն Ռոբերտ Քոչարյանը 5-րդ գանգատն է ներկայացրել ՄԻԵԴ «Պայքարելու ենք, որ մեր երեխաները հետ գան իրենց զորամաս» Գլեդիս Բերեջիկլյանը հաղթել է Նոր Հարավային Ուելսի ընտրություններում և դարձել նահանգի առաջին ընտրված կին վարչապետը Արցախի երիտասարդները Եռաբլուրում շաբաթօրյակ և ծառատունկ իրականացրին (Տեսանյութ) Արցախում խորհրդակցություն է անցկացվել կուտակային կենսաթոշակային համակարգի ներդրման մասին Հայկական դիրքերի ուղղությամբ արձակվել է ավելի քան 1900 կրակոց Մակրոնը՝ «դեղին բաճկոնների» դեմ զորք դուրս բերելու մասին Այսօրվանից Աստանան պաշտոնապես վերանվանվել է Նուր-Սուլթան ՀՀ ԶՈՒ և ԶՈՒ ԳՇ ղեկավար կազմի հետ անցկացվել է խորհրդակցություն Դավիթ Տոնոյանն ու Անջեյ Կասպրշիկը քննարկել են արցախա-ադրբեջանական ուժերի առաջնագծում տիրող իրավիճակը Հանրապետությունում առաջիկա օրերին կլինեն տեղումներ, օդի ջերմաստիճանը կնվազի Չինաստանի քիմիական գործարանում պայթյունի հետևանքով վնասվել է 2800 բնակելի տուն «Հրապարակ». «Ցելով ուզում են ինձ ոչնչացնել» «Ժամանակ». ՊԵԿ շարքային աշխատողների համար այլևս պարգևատրումներ չեն լինի, պարզվում է ավտոբուսների մեջ խոսելն է պատճառը «Ժամանակ». Ինչ նպատակով է Հակոբ Արշակյանը վետո դրել գործարարի ներդրումային ծրագրի վրա «Փաստ». Միլիոններ՝ ընդամենը մի քանի ամսվա ճանապարհի շինարարության համար «Հրապարակ». Ալեն Սիմոնյանը չի հիասթափվել «Փաստ». Լարված են Ռուբեն Ռուբինյանի և Արման Եղոյանի հարաբերությունները «Հրապարակ». Փորձառուները հեռացան՝ տեղը զիջելով երիտասարդին «Ժողովուրդ». Ինչու են դանդաղել հարկային հավաքագրման տեմպերը ՕՐՎԱ ԽՈՐՀՈՒՐԴԸ: Մարտի 23 Արցախում մտադիր են փոխել ընտրական օրենսգիրքը Yeni Şafak. Թուրք մասնագետները կմեկնեն Ադրբեջան՝ S-300-ներն ուսումնասիրելու համար Սուրեն Քրմոյանը և Արթուր Հովհաննիսյանն ազատվել են արդարադատության նախարարի տեղակալի պաշտոններից Նիկոլ Փաշինյանը և Անջեյ Կասպրչիկը քննարկել են ԼՂ հակամարտության կարգավորման բանակցային գործընթացին առնչվող հարցեր Արցախի ԱԳՆ-ն ողջունում է Կանադայում Արցախի հետ խորհրդարանական բարեկամության խմբի ստեղծումը Նիկոլ Փաշինյանն ընդունել է ԱՄՆ դեսպան Լին Թրեյսիին Թերեզա Մեյին Բրյուսելում հարկ Է եղել ընթրել ԵՄ-ի մյուս ղեկավարներից առանձին. The Daily Mail Էրդողանին խիստ վրդովվեցրել է Թրամփի գրառումը Պետական եկամուտների կոմիտեն փոխում է հարկ վճարողների գույքի արգելադրման վարչարարությունը ԱԺ աշխատակազմը պարզաբանել է մաքրուհիների հետ կապված խնդիրը Լոռու մարզում 15-ամյա տղան լուսանկարվելիս մոտ 150 մետր բարձրությունից ընկել է անդունդը
Խմբագրի ընտրություն
website by Sargssyan