«Ճանապարհ երիտասարդներին» ծրագիրը ստեղծագործողներին մի շարք համերգների մասնակցելու հնարավորություն կտա
Նմանատիպ
«Ճանապարհ երիտասարդներին» ծրագիրը կատարողներին տարվա ընթացքում 4-6 համերգային ծրագրով հանդես գալու հնարավորություն կընձեռի: Համերգային ծրագրերը կիրականացվեն Կոմիտասի անվան կամերային երաժշտության տան դահլիճում՝ ազգային կենտրոնի երաժշտախմբերի նվագակցությամբ: Ծրագրի մեկնարկային համերգը տեղի կունենա մարտի 15-ին Կամերային երաժշտության տանը:
Կամերային երաժշտության ազգային կենտրոնը ծրագիրը նախաձեռնել է երիտասարդ երաժիշտների աջակցման և առաջխաղացման նպատակով:
Ազգային կենտրոնը «Ճանապարհ երիտասարդներին» ծրագրի շրջանակում գործակցելու է երաժշտական մասնագիտական կրթօջախների հետ` լսումների արդյունքում ընտրելով խոստումնալից, երիտասարդ կատարողների։ Նրանք նաև հնարավորություն կունենան մասնակցել անվանի երաժիշտների վարպետության դասերի:
Նոր նախագիծը նպաստելու է տաղանդավոր երիտասարդ երաժիշտ-կատարողների բացահայտմանը և կատարելագործմանը` հետագայում միջազգային ասպարեզում հայկական կատարողական արվեստն ըստ արժանվույն ներկայացնելու նպատակով: Ծրագիրը խթանելու է ոլորտի զարգացումը և նպաստելու է դասական երաժշտության նկատմամբ հետաքրքրության մեծացմանը:
Հետևեք մեզ նաև Telegram-ում