Էդմոն Մարուքյանը հույս ունի, որ Հրայր Թովմասյանն արդյունավետ կօգտագործի իրեն տրված երրորդ շանսը

Ազգային ժողովի «Ելք» խմբակցության պատգամավոր Էդմոն Մարուքյանը: «Մենք դեմ էինք քվեարկել նրա թեկնածությանը Սահմանադրական դատարանի անդամի պաշտոնում, դեմ ենք քվեարկելու նաև նրա թեկնածությանը Սահմանադրական դատարանի նախագահի պաշտոնում»,- ընդգծեց Մարուքյանը:

Պատգամավորը նշեց, որ Հրայր Թովմասյանը Հայաստանում բարեփոխումներ իրականացնելու երրորդ շանսն է ստանում: «Երբ նա նշանակվեց արդարադատության նախարար, ես աշխատում էի հասարակական կազմակերպությունների սեկտորում, և հանրային սեկտորում կարծիք կար, որ մեր դաշտից մարդ է գնում գործադիր իշխանություն, հետևաբար մենք մեր ձայնը լսելի կդարձնենք գործադիր իշխանությունում: Դրանից հետո նա երկրում բարեփոխումներ իրականացնելու հնարավորություն ստացավ նաև Ազգային ժողովի պետական-իրավական հանձնաժողովի նախագահի պաշտոնում: Դա էլ էր շանս… Ես կարծում եմ, որ այս շենքում չկա մարդ, ով ավելի շատ է քննադատել Հրայր Թովմասյանին, քան ես: Սակայն մտածում եմ, որ նա հիմա ստանում է երրորդ շանսը»,- ասաց պատգամավորը:

Էդմոն Մարուքյանը նշեց, որ նման հնարավորություն շատ քչերն են ստանում՝ հույս հայտնելով, որ Հրայր Թովմասյանը ի վերջո կօգտագործի իրեն տրված երրորդ շանսը՝ երկրում բարեփոխումներ իրականացնելու համար: