AM | RU
USD
EUR
RUB

Հոգեբուժական հաստատություններում սահմանված են օրենքով չնախատեսված վճարովի ծառայություններ

 
 

Մշտադիտարկման արդյունքում արձանագրվել են հոգեբուժական կազմակերպություններ, որոնցում սահմանված է հոգեբուժական վճարովի ծառայությունների ցանկ՝ չնայած գործող օրենսդրական պահանջներին:

Մարտի 21-ին լրագրողների հետ հանդիպմանը «Հոգեբուժական կազմակերպություններում հոգեկան առողջության խնդիրներ ունեցող անձանց իրավունքների ապահովման վերաբերյալ» արտահերթ զեկույցի արդյունքները ներկայացրեց Հայաստանի մարդու իրավունքների պաշտպան Արման Թաթոյանը:

«Հոգեբուժության մասին ՀՀ օրենքը նախատեսում է, որ հոգեկան խանգարումներով տառապող անձանց հոգեբուժական օգնությունն իրականացվում է պետության միջոցների հաշվին, պետության երաշխավորած նպատակային ծրագրերի շրջանակում: Օրենքը պարտավորեցնում է պետությանը երաշխավորել հիվանդանոցային և արտահիվանդանոցային պայմաններում խորհրդատվական ախտորոշման, բուժման և այլ հարցերի հետ կապված անվճար ծառայությունների մատուցումը: Նույն օրենքին համապատասխան Կառավարության մի շարք որոշումներով և հետագայում նաև ՀՀ առողջապահության նախարարի հրամանով երաշխավորվել են անվճար հոգեբուժական օգնության հետ կապված հարցերը: Չնայած գործող օրենսդրական պահանջներին՝ արձանագրվել ենք դեպքեր, երբ հոգեբուժական կազմակերպություններում սահմանված են վճարովի ծառայությունների ցանկ ու դրանց սակագներ»,-ասաց Թաթոյանը:

Վճարովի ծառայությունների ցանկ է սահմանված «Ավանի հոգեկան առողջության կենտրոն»-ում, «Նուբարաշեն» հոգեբուժական կենտրոնում, «Գյումրու հոգեկան առողջության կենտրոն»-ում և «Սյունիքի մարզային նյարդահոգեբուժական դիսպանսեր»-ում:

Ընդ որում, Առողջապահության նախարարության ենթակայությամբ գործող հոգեբուժական կազմակերպություններում այդ սակագները սահմանված են կազմակերպության ներքին իրավական ակտերով, իսկ մարզպետարանների ենթակայության ներքո գտնվողները՝ մարզպետների անհատական իրավական ակտերով: Բացառություն է Գյումրու հոգեկան առողջության կենտրոնը, որտեղ սակագները սահմանված են գործադիր տնօրենի կողմից:

«ՀՀ առողջապահության նախարարությունը՝ որպես առողջապահության բնագավառում Կառավարության քաղաքականությունը մշակող և իրականացնող մարմին, մեզ տված պաշտոնական պատասխանում նշում է, որ հոգեբուժական օգնություն և սպասարկում իրականացնող կազմակերպություններում վճարովի հիմունքներով օգնության և սպասարկման ծառայությունների վերաբերյալ տեղեկատվության չեն տիրապետում: Իսկ հոգեբուժական կազմակերպությունները վկայակոչում են ԱՆ աշխատակազմի սահմանած կողմնորոշիչ գները»,-նշեց ՄԻՊ-ն ու հավելեց՝ չնայած այդ գնացուցակներում նախատեսված են որոշ բացառություններ, սակայն, կարծում է՝ դա խնդրի լուծում չէ:

Լոռու և Շիրակի հոգեբուժական կազմակերպություններում խորհրդատվական ծառայությունները Հայաստանի քաղաքացիներին տրամադրվում են վճարովի հիմունքներով՝ հիմք ընդունելով նրանց տվյալ բուժհաստատության սպասարկման տարածքից դուրս բնակվելը կամ այլ մարզի բնակիչ լինելը: Թաթոյանը սա խնդրահարույց համարեց, քանի որ Հայաստանի ոչ բոլոր մարզերում են գործում հոգեբուժական հաստատություններ: Ստացվում է, որ այդ մարզերի բնակիչները ստիպված են վճարել օրենքով անվճար երաշխավորված բուժօգնության համար

Արման Թաթոյանը մտահոգիչ համարեց նաև ներկայում կիրառվող օրենսդրական քաղաքականությունը՝ կապված օրենսդրական փոփոխությունների հետ: «Առողջապահության նախարարությունը մշակել և շրջանառության է ներկայացրել «Բնակչության բժշկական օգնության և սպասարկման մասին» օրենքում փոփոխություններ կատարելու օրենքի նախագիծ, որը սահմանում է անվճար հիմնական բժշկական ծառայությունների սպառիչ ցանկ, սակայն հոգեբուժական օգնությունն ու սպասարկումն այդ ցանկում չկան»,-նշեց նա:

Լրահոս
ՀՔԾ-ն ավարտել է քրեական գործերի նախաքննությունը Արարատյան Հայրապետական թեմը Սուրբ Սարգսի տոնին անցկացնելու է հետաքրքիր միջոցառումներ Վարչապետը և Հայաստանում Շվեյցարիայի դեսպանը քննարկել են համագործակցության զարգացման հարցեր Հայաստանը և Լատվիան կարող են միմյանց օգնել և միմյանցից սովորել Զոհրաբ Մնացականյանն ու Յոհաննես Հանը քննարկել են Հայաստան-Եվրոպական Միություն համաձայնագրի կիրարկումը 2019-ին պետբյուջեից որպես աջակցություն սահմանամերձ համայնքներին հատկացվել է ավելի քան 928 մլն դրամ Հայաստանի Զինված ուժերը համալրվել են հայրենական ԱՐՄԻ-55Մ անօդաչու թռչող սարքերով Կառավարությունը բացասական եզրակացություն տվեց Էդմոն Մարուքյանի օրենսդրական նախաձեռնությանը Կառավարությունը չի առարկում, որ ուսանողներն ուսման վարձը վճարեն ամսական կտրվածքով Եկեղեցու դեմ անհասկանալի ուժերի պայքարն ահագնանում է Ներում ստանալու համար դիմել է 250 դատապարտյալ. Ովքեր են ներում ստացած դատապարտյալները Երևանի տրանսպորտային ցանցը հաջորդ տարվանից կազատվի միրոավտոբուսների կեսից Մեկնարկում է երկու և ավելի անչափահաս երեխա ունեցող ուսանողների փաստաթղթերի ընդունելությունը ուսման վարձի զեղչի նպատակով Արարատ Միրզոյանն ու Հայաստանում Գերմանիայի դեսպանը քննարկել են երկկողմ համագործակցության օրակարգը «Երևանի ավտոբուս» ՓԲԸ-ն 70 նոր ավտոբուս կշահագործի Դիլիջանի ոլորանները և Վարդենյաց լեռնանցքը կցորդիչով տրանսպորտային միջոցների համար դժվարանցանելի են Սաթիկ Սեյրանյան. Այս պայմաններում մամուլի ու լրագրողների համար չափազանց դժվար է աշխատելը Մի շարք ոլորտներում նշանակալի ներդրում ունեցած անձինք կազատվեն պարտադիր զինվորական ծառայությունից Ահաբեկչություն՝ Հնդկաստանում Հալեպում և Համայում գրոհայինները կրակել են բնակավայրերի ուղղությամբ ՀՀ ԱԺ մշտական հանձնաժողովում ընդունել են ՌԴ ԴԺ Պետական դումայի պատվիրակությանը Լեռնային Ղարաբաղի հակամարտությունը կարող է շատ վտանգավոր լինել, եթե ճիշտ չկառավարվի. ՀՀ նախագահ Ամենայն Հայոց Կաթողիկոսը ցավակցագիր է հղել Իրանի նախագահին Ժաննա Անդրեասյանը նշանակվել է Աշխատանքի և սոցիալական հարցերի նախարարի տեղակալ Արման Թաթոյան. «Բրյուսելում ձեռք բերեցինք համատեղ աշխատանքի լրացուցիչ պայմանավորվածություններ» Սեյրան Օհանյան. «0038 հրամանը դնել մարտիմեկյան ողբերգության հիմքում ծայրահեղական մոտեցում է» Զախարովան պատասխանել է Բոլթոնի սպառնալիքներին Արցախի նախագահն ու ՀՀ անվտանգության խորհրդի քարտուղարը քննարկել են անվտանգության ոլորտում փոխգործակցությանը վերաբերող հարցեր Կառավարությունը կգործարկի մսի և կենդանի գլխաքանակի արտահանման մեխանիզմներ. առկա է ամսական 50 հազար գլուխ գառ արտահանելու ներուժ Հատուկ հանձնարարությունների գծով Արցախի նախագահի ներկայացուցիչ է նշանակվել Մակրոնը հայտնել է Հայաստան պետական այցով ժամանելու մտադրության մասին Նիկոլ Փաշինյանը 15 կետով ներկայացրեց տնտեսական հեղափոխությանը միտված քայլերը ՀՀԿ ԳՄ նիստը վարել է Սերժ Սարգսյանը Հանրապետության մի շարք ավտոճանապարհներին ձյուն է տեղում, որոշ տեղերում առկա մառախուղ «Հրապարակ». ԵԿՄ-ն պատրաստվում է համագումարին «Փաստ». Առաջիկայում ՄԻԵԴ-ում նորանոր գործեր կլսվեն «ընդդեմ Հայաստանի» «Հրապարակ». Դա ի՞նչ է՝ «նեպրիյա՞զն» Եվրոպայի նկատմամբ «Իրատես». Ի՞նչ «նախապատմություն» է ունեցել Լևոն Տեր-Պետրոսյանի հարցաքննությունը «Հրապարակ». Ինչ են բացատրել պատգամավորներին ԱԺ նիստի առաջին ընդմիջման ընթացքում «Ժամանակ». Lրացուցիչ հարկային պարտավորություն՝ Ծառուկյանի գազալցակայաններին
Խմբագրի ընտրություն
website by Sargssyan