AM | RU
USD
EUR
RUB

«Armenian Kingdom»-ը թեյի սիրահարներին հայոց պատմության մասին կպատմի

 
 
 

Արևմտյան Հայաստանից գաղթած պապերից Խորեն Սուքասյանն Էրգրի մասին շատ բան չի լսել։ Հորական պապին չի տեսել, մորականն էլ քչախոս մարդ էր։ Հեռվում մնացած Մուշն ու Ալաշկերտը որոշ չափով տատիկների կարոտախառն պատմությունների միջոցով է ճանաչել, որոշ չափով էլ՝ պատմությունը փորփրելով։ Դպրոցում հայոց պատմության դասաժամերին ցուցաբերած անտարբերության համար զղջացել ու որոշել է սխալն ուղղել, երբ այլևս ոչ ոքի առաջ դաս պատմելու պարտավորություն չուներ։ Երեցների տոհմի ժառանգն, ուղղակի, սեփական տոհմածառի ճյուղերն էր ուզում պատկերել։ «Եթե ուզում ես ճանաչել թեկուզ քո տոհմը, պետք է պատմությունդ ուսումնասիրես»,-համոզված է Խորենը։ Իր պարագայում հատկապես «ո՞վ», «որտեղի՞ց եկավ», «ինչո՞ւ եկավ» հարցերի պատասխանները ստանալու համար դա միակ ճանապարհն էր։

Երկար ժամանակ Խորենը մտածում էր, թե ինչպես կարելի է կորուսյալ հայրենիքի նկատմամբ ունեցած պահանջատիրությամբ վարակել հնարավորինս մեծ թվով մարդկանց։ Եվ, վերջապես, գտավ ամենարդյունավետ տարբերակը՝ ապրանքի՝ ավելի կոնկրետ թեյի միջոցով մարդկանց ներկայացնել հայոց պատմության կարևոր անցքերի մասին համառոտ տեղեկություններ։ «Թեյի տուփի վրա պատկերվելու է Մեծ Հայքի քարտեզը՝ հայերեն ու անգլերեն տարբերակներով, իսկ տուփի մեջ արդեն մեր թվարկության կարևորագույն իրադարձությունների համառոտ նկարագրությամբ ներդիր կլինի՝ հինգ լեզուներով: Շեշտադրումը Հայոց ցեղասպանության թեմայի վրա է արվելու»,-ասում է «Armenian Kingdom» ապրանքանիշի հիմնադիրը:

Հայկական արտադրության թեյերը նախատեսվում է շուկա հանել Ցեղասպանության 103-րդ տարելիցի նախօրեին։ Հումքի որոշ մասը՝ ուրցը և նանան, ձեռք է բերվելու Հայաստանից, սև թեյը՝ Ցեյլոնից։ Ուրցով հարուստ տարածաշրջանները մեր երկրում քիչ չեն, բայց Խորենն արդեն նախընտրած վայրեր ունի. «Armenian Kingdom»-ի համար ուրց կհավաքեն Գորիսի, Սիսիանի և Եղեգնաձորի տարածաշրջանի գյուղացիները՝ իրենց իսկ հարող լեռնային շրջաններից։ «Հավաքը հիմա դադարեցված է, քանի որ այդ տարածաշրջաններում ուրցը դեռ նոր է ծաղկում, բայց շուտով կսկսվի։ Նանան է մի քիչ դժվար գտնելը, որովհետև այն հիմնականում ջերմոցներում են աճեցնում, իսկ ես ուզում եմ անպայման արևի տակ աճած խոտաբույսեր լինեն թեյի մեջ»,-ասում է Խորենը։

Գյուղացիներն ուրցն ու դաղձը կհավաքեն, կհանձնեն արտադրամաս, որտեղ էլ մաքրելուց, փոշեզրկելուց հետո կփաթեթավորվի ու կհանվի շուկա։ Թիրախային շուկան, Խորենի խոսքով, առաջին հերթին, տեղականն է լինելու։ Արտահանումն էլ, սակայն, չի ուշանա. հայաստանյան սպառողին ներկայանալուց հետո, «Armenian Kingdom»-ը հասանելի կլինի նաև Ռուսաստանում. «Բացի Մոսկվայից, հնարավոր է նաև ռուսական մի շարք այլ քաղաքներ արտահանենք։ Պոտենցիալ շուկա է նաև Լեհաստանը։ Մոտ օրերս դա էլ կհստակեցվի»։

Որ թեյի արտադրությամբ զբաղվող հայկական երկու տասնյակից ավել ընկերությունների շարքում «Armenian Kingdom»-ն իր տեղն ու դիրքը շուկա մտնելուն պես կապահովի, Խորենը չի կասկածում։ Հումքերում ԳՁՕ-ի բացակայության մասին սերտիֆիկատը, որը ստացել է Մոսկվայում անցած փորձաքննության արդյունքում, լուրջ հաղթաթուղթ է այդ առումով։ Վստահեցնում է՝ գինն էլ շուկայականից եթե ոչ էժան, ապա թանկ հաստատ չի լինի։

Յոթ ապրանքատեսակների միջոցով հայոց պատմության կարևոր տարեթվերը ներկայացնելու Խորենի գաղափարը Հայաստանում հաջողությամբ ընդունվելուց հետո, «Armenian Kingdom»-ն իր շուրջը կհավաքի նաև թեյի այլազգի սիրահարներին։

Լիլիթ ՊՈՂՈՍՅԱՆ

Լրահոս
Դողու Փերինչեքը Թուրքիայում վաղաժամ ընտրությունների նշանակումը համարում է իշխանությունների վախի արդյունք ՄԱԿ-ի գլխավոր քարտուղարի տեղակալը Հայաստանն օրինակելի է անվանել մորից երեխային ՄԻԱՎ-ի փոխանցման վերացման հարցում Շարմազանովը բարձր է գնահատել Լատվիայի խորհրդարանի կողմից ՀՀ-ԵՄ համաձայնագրի վավերացումը Գարեգին Բ կաթողիկոսը ուղերձ է հղել՝ պահպանել ողջախոհությունը և հայրենասիրության մեջ օրինահարգությունը Ադրբեջանի ղեկավարության կողմից հիվանդագին երևակայությամբ նենգափոխվում է ամեն ինչ. Շավարշ Քոչարյան Դատախազությունը պարզաբանում է՝ Վարդգես Հայրապետյանի ավտոմեքենան ոչ թե առևանգվել էր, այլ տեղափոխվել տուգանային հրապարակ Ոստիկանությունը հորդորում է քաղաքացիներին ձեռնպահ մնալ անհարիր արարքներից Երևանում ապրիլի 19-ի հավաքի և երթի համար քաղաքապետարան իրազեկում չի ներկայացվել Փաստաբանների պալատն անվճար իրավաբանական օգնություն է ցուցաբերում ոստիկանության բաժին տարված անչափահասներին Գագիկ Հարությունյանը հանդիպել է դատավորների ընդհանուր ժողովի հանձնաժողովների անդամների հետ ՄԻԵԴ-ն Ադրբեջանի վերաբերյալ նոր վճիռներ է հրապարակել ՀՀ նախագահի հրամանագրերով երեք նախարարներ են նշանակվել ՄԻՊ ներկայացուցիչները շարունակում են աշխատանքը Ոստիկանության բաժիններում Հենրիխ Մխիթարյանը սկսել է մարզվել Արտասահմանյան լրատվամիջոցները Հայաստանում տեղի ունեցող իրադարձությունները լուսաբանելիս չեզոքություն են պահպանում Ժամը 13:30-ի դրությամբ` ոստիկանության տարբեր ստորաբաժանումներ բերման է ենթարկվել 100 քաղաքացի Ոստիկանները վարչական ներգործության միջոցներ կկիրառեն իրավախախտում կատարած անձանց նկատմամբ Ձերբակալվել է Մաշտոց-Թումանյան խաչմերուկում զանգվածային անկարգությունների անմիջական երկու մասնակից ՀՀ վարչապետը նոր մամուլի քարտուղար ունի Սերժ Սարգսյանը ՀՀ վարչապետի օգնականների է նշանակել Ժամը 12:30-ի դրությամբ ոստիկանության բաժիններ է տարվել 33 քաղաքացի Հայաստանի տարածքում ապրիլի 13-ին երկու երկրաշարժ է գրանցվել Լրագրող Տիրայր Մուրադյանին ծեծի են ենթարկել, դատախազությունը մեկնաբանություն է տարածել ՄԻՊ-ը դատապարտել է լրագրող Տիրայր Մուրադյանի նկատմամբ գործադրված բռնությունը Երևանում հավաքի ժամանակ տուժած քաղաքացին տեղափոխվել է բժշկական կենտրոն. ախտորոշվել է սալջարդ Արցախի նախագահն ԱԺ նիստում ներկայացրել է 2018 թվականի ծրագրերը Լատվիայի խորհրդարանը վավերացրել է ՀՀ-ԵՄ համաձայնագիրը Էկոլոգիական անվտանգության լաբորատորիայում պոլիէթիլենը քայքայող մանրէներ են աճեցնում ՄԻՊ-ը հատուկ ուշադրություն է դարձնում հավաքի մասնակիցներին բերման ենթարկելու հիմքերին Մխիթարյանը ժամանակին հնարավորություն է ունեցել տեղափոխվել «Լիվերպուլ» Օսիպյանը չի արդարացնում աղջկա քիթը վնասած ոստիկանի գործողությունները Նիկոլ Փաշինյանն ու հավաքի մասնակիցները լարված իրավիճակ են ստեղծել «Փեթակ» առևտրի կենտրոնի մոտ Հայաստանի նախագահը ստորագրել է ՀՀ-ԵՄ համաձայնագիրը վավերացնելու մասին օրենքը Թուրքիայում յոթերորդ անգամ երկարացվել է արտակարգ դրության ռեժիմը Ոստիկանությունը խնդրում է լրագրողներին ողջամիտ հեռավորություն պահպանել հավաքի վայրից Մաշտոց-Թումանյան խաչմերուկում տեղի ունեցած զանգվածային անկարգությունների գործով մեկ անձ ձերբակալվել է «Ժամանակ». Իշխան Զաքարյանը որևէ պաշտոնի չի նշանակվի «Ժամանակ». «Ծառուկյան» դաշինքի պատգամավորները չեն հրավիրվել Սերժ Սարգսյանի վարչապետ դառնալու առիթով կազմակերպված խնջույքին «Հրապարակ». Վարչապետը պաշտոնական կայք ունի «Հրապարակ». Դատախազության կազմավորման 100 ամյակին նախկին դատախազները կլինեն կողք-կողքի
Խմբագրի ընտրություն
website by Sargssyan