Արոնյանի հաջորդ մրցակիցն Անանդն է

Արոնյանի հաջորդ մրցակիցն Անանդն է

Լևոն Արոնյանի հաջորդ մրցակիցը Բադեն-Բադենի միջազգային մրցաշարում աշխարհի նախկին չեմպիոն Վիշի Անանդն է:

Մրցաշարի 3-րդ տուրում միմյանց հետ կմրցեն նաև Մաթիաս Բլյուբաում-Մագնուս Կարլսեն, Գեորգ Մայեր-Ֆաբիանու Կարուանա, Արկադի Նայդիչ-Նիկիտա Վիտյուգով, Հաու Յիֆան-Մաքսիմ Լագրավ զույգերը:

2-րդ տուրից հետո 2 միավորով միանձնյա առաջատարը Նիկիտա Վիտյուգովն է: 1,5-ական միավոր ունեն Լագրավը, Արոնյանը, Կարլսենը:

«GRENKE Chess Classic» մրցաշարը մեկնարկել է մարտի 31-ին և կավարտվի ապրիլի 9-ին: Անցյալ տարի Արոնյանն այս մրցաշարի հաղթող էր դարձել՝ 7 հնարավորից վաստակելով 5.5 միավոր և միանգամից 1.5 միավորով առաջ անցնելով 2-3-րդ հորիզոնականները զբաղեցրած Մագնուս Կարլսենից և Ֆաբիանու Կարուանայից:

Հետևեք մեզ նաև Telegram-ում