Ցածր ջերմաստիճանի ազդեցությունը մեղմելու համար գյուղացիները ոռոգման ջրի խնդիր չեն ունենա

Ցածր ջերմաստիճանի ազդեցությունը մեղմելու համար գյուղացիները ոռոգման ջրի խնդիր չեն ունենա

Հանրապետությունում սպասվող ցածր ջերմաստիճանի ազդեցությունը մեղմելու համար գյուղացիները պետք է հողատարածքները ոռոգեն: Ջրային տնտեսության պետական կոմիտեի նախագահի տեղակալ Վոլոդյա Նարիմանյանը «Արմենպրես»-ի մամուլի սրահում հրավիրված ասուլիսում նշեց, որ գյուղացիները ոռոգման ջրի խնդիր չեն ունենա, միայն անհրաժեշտ է ժամանակին դիմել ջրօգտագործողների ընկերություններ: 

«Համոզված եմ, որ գյուղացիները այդ օրերին հողատարծքները ոռոգելու հնարավորություն կունենան: Պետք է ժամանակին դիմել ՋՕԸ-ներին, հայտ ներկայացնել, որպեսզի վերջիններս կարողանան իրենց աշխատանքները կազմակերպել: Ես վստահեցնում եմ, որ որևիցե լրացուցիչ դժվարություն չի լինի, անհրաժեշտ է պարզապես դիմել»,-ասաց Վոլոդյա Նարիմանյանը:

Նա տեղեկացրեց, որ այսօր արդեն Արարատի մարզի ցածրադիր գոտիներում ոռոգման գործընթացն սկսվել է, գյուղացիներին ջուր է տրամադրվում:

Հայաստանում ապրիլի 4-ի լույս 5-ի գիշերը, ժամը 04։00-07։00 ընկած ժամանակահատվածում Արարատի և Արմավիրի մարզերում, Տավուշում, Արագածոտնի և Վայոց Ձորի նախալեռնային գոտում հողի մակերևույթին կանխատեսվում է -2…-3 աստիճան։ Ելնելով սպասվող ջերմային ֆոնից` ԱԻՆ-ը, հատկապես ջերմոցային տնտեսություններին, հորդորում է փակել ջերմոցները, իսկ սածիլված դաշտերում, հնարավորության դեպքում, նշված ժամերին կատարել ոռոգում:

Հետևեք մեզ նաև Telegram-ում