«Հրապարակ». Իգնատի Առաքելյան. Ոչ մեկի մեղքն ու սխալն իմ վրա չեմ պատրաստվում վերցնել

«Հրապարակ» թերթի հետ զրույցում Գյուղատնտեսության նախարարի պաշտոնակատար Իգնատի Առաքելյանը նշել է, որ դեմ է որևէ աշխատանքի գնահատական տալուն, մանավանդ՝ կառավարության։ Բայց, կողքից նայելով կառավարության աշխատանքին, կարծում է, որ այս մեկուկես տարվա ընթացքում փոխվել է երկրի կառավարման կոնցեպտուալ մոտեցումը։ Ինչ վերաբերում է գյուղատնտեսությանը, ապա, նրա խոսքով, իրենք արել են մաքսիմալը, ինչ կարող էին։

«Հրապարակ»-ի հարցին թե ՀՀԿ-ի գործած սխալների համար ինքը պատասխանատվություն կրում է, ասել է. «Ոչ մեկի մեղքն ու սխալն իմ վրա չեմ պատրաստվում վերցնել, ոչ էլ իրենց արած լավ քայլերն ինձ եմ ուզում վերագրել։ Այսինքն՝ ես ես եմ այդ պարագայում։ Հիմա ՀՀԿ-ում, երկրում, գյուղում, քաղաքում և այլն, միշտ լինում են լավ, վատ, միջակ և տարբեր արտոնություններով մարդիկ։ Կուսակցությունն ինքն էլ մի կառույց է, որտեղ կան տարբեր ձևի մարդիկ։ Ժողովուրդը բողոքում է… ի՞նչ ասեմ, մենք փորձում ենք անել ամեն ինչ, որպեսզի ժողովուրդը չբողոքի»:

Զրույցի մանրամասները թերթի այսօրվա համարում։