AM | RU
USD
EUR
RUB

Նիկոլ Փաշինյանը զբաղված է դասական քաղաքական գործունեությամբ

 
 

Այն, ինչ անում է Նիկոլ Փաշինյանը, կոչվում է դասական քաղաքական գործունեություն: Իհարկե կարող են նրան քննադատել ընդդիմադիր այլ ուժերը, նրա օրակարգը համարել կեղծ, նպատակներն անիրականալի, սակայն դրանից ոչինչ չի փոխվում: 

Փաստը մնում է այն, որ միայն տվյալ քաղաքական միավորն է հավակնում այսօրվա դրությամբ դառնալու միակ այլընտրանքային ուժը գործող իշխանություններին: Եթե ամեն ինչ ընթանա այն ճանապարհով, որն առկա է այսօր, դրա պտուղները կտեսնենք հաջորդ խորհրդարանական ընտրություններին:

Բոլոր նրանք, ովքեր Նիկոլ Փաշինյանի քաղաքական օրակարգը համարում են կեղծ, դրանով կամ ջուր են լցնում իշխանության ջրաղացին, կամ այնքան էլ լավ չեն պատկերացնում ինչ ասել է քաղաքական օրակարգ: Իրական քաղաքական կեղծ օրակարգը, այդ օրակարգի բացակայությունն է, որը տեսնում ենք իրենց ըննդիմադիր կամ ոչ իշխանական համարող մի շարք քաղաքական միավորների մոտ:

Եթե քաղաքական ուժը որևէ օրակարգ չի առաջարկում, որևէ գործողությամբ չի հակազդում իշխանությանը, այլ Փոքր Մհերի պես սպասում է երբ է ցորենը դառնալու մասուրի չափ, ապա Մհերի պես էլ հավերժ կմնա քարանձավում:

Եթե այդ ամենին գումարած քննադատության սլաքներն ուղղում են միաժամանակ և իշխանությանը և ընդդիմադիր մյուս հատվածին, դրանով կամա թե ակամա հայտնվում են իշխանության շահերի սպասարկողի կարգավիճակում: Որովհետև քննադատելով երկուսին միաժամանակ, խլում ես ձայները ընդդիմությունից ու ընդդիմադիր ընտրազանգվածին մղում հերթական հիասթափության ու անգործության: իսկ ի տարբերություն ընդդիմությանը, իշխանությունները միշտ կարող են ապահովել իրենց ձայները ի շնորհիվ ֆինանսական ու վարչական ռեսուրսների:

Իհարկե պարտադիր չէ, որ ընդդիմադիր դաշտը լինի միատարր, իհարկե քաղաքական պայքարի տրամաբանությունը տարբեր ընդդիմադիր թևերի միջև նույնպես ենթադրում է մրցակցություն, սակայն երբ մրցակցությունը հիմնվում է միայն մյուսի քայլերի քննադատության ու արժեզրկման վրա, երբ «կեղծ քաղաքական» օրակարգին որպես այլընտրանք մատուցվում է «դատարկ քաղաքական» օրակարգը, գործողություններին՝ անգործությունը, դրանից շահում է միայն իշխանությունը:

Ինչ վերաբերվում է նպատակների անիրականալի լինելուն, բնականաբար բոլորն են հասկանում, որ Գյումրիից Երևան ոտքով գալը, ԱԺ դահլիճում գունավոր ծուխ բաց թողնելը, չեն կարող կասեցնել Սերժ Սարգսյանի վարչապետ ընտրվելը, եթե կա իշխող ուժի ու հատկապես Սերժ Սարգսյանի քաղաքական որոշումը: Սակայն առավել գերադասելի է հասարակությանը ցույց տալ, որ կա քաղաքական այն կառույցը, ով պայքարում է երկրում քաղաքական մրցակցություն ապահովելու համար, քան հայտարարել, որ մենք չենք առաջադրում թեկնածու, քանի որ վստահ չենք հաղթանակին

Ինչ խոսք, քաղաքական առումով անհեռանկարային է իշխող բացարձակ մեծամասնությունից պահանջել, որպեսզի նրանք չառաջադրեն այն թեկնածուին, որն իրենք են ուզում: Սակայն քաղաքական գործընթացի տրամաբանությունը կայանում է նրանում, որպեսզի իշխանություններին հակազդելու քայլերով ոչ միայն ձգտել դառնալու լուրջ քաղաքական գործոն, այլև ընտրությունների միջոցով երբևէ վերածվելու խորհրդարանական մեծամասնության կամ նվազագույնը հնարավորություն ունենալ քաղաքական որոշումների վրա ազդելու:

Հենց դրանով էլ ըստ էության զբաղված են Նիկոլ Փաշինյանն ու ՔՊ կուսակցությունը:

Կարեն ԿԱՐԱՊԵՏՅԱՆ

Լրահոս
Սփյուռքահայ երիտասարդները հյուրընկալվել են ռազմական համալսարանում Տոնական տրամադրություն Գեղարքունիքի մարզի Դրախտիկ բնակավայրում «Արսենալ»-ը մեկնարկային տուրում կխաղա մրցաշարի գործող չեմպիոն «Մանչեսթեր Սիթի»-ի հետ Վարչապետի ընտանիքը տասն օր շարունակ կհյուրընկալի «Քայլ դեպի տուն» ծրագրի մասնակիցներից մեկին Իրանում տեղի ունեցած երկրաշարժի հետևանքով տուժել է 146 մարդ ՀՀ պաշտպանության նախարարը հարավարևմտյան սահմանագոտում քննարկել է առաջնագծի վերազինման շարունակականությունը Մխիթարյանը «Արսենալ»-ի հետ ժամանել է Սինգապուր Հայաստանում անձրև և ամպրոպ է սպասվում 200 մլն դոլարի դիմաց տրամադրած զենք-զինամթերքը ժամանակակից, արդիական, անգամ ՌԴ սպառազինության մեջ չգտնվող սպառազինություն է Դավիթ Տոնոյանը չի բացառում ՌԴ սահմանապահ զորքերի կարգավիճակի մասին պայմանագրի որոշ դրույթների վերանայումը Բնապահպանն ահազանգում է Սևանա լճի մամռակալման վտանգի մասին «Շահարտ» ՍՊԸ տնօրինությունը յուրացրել է ավելի քան 43 մլն դրամ Վարդենիսի սոցիալական աջակցության տարածքային գործակալությունում յուրացումներ են բացահայտվել Սոցիալական աջակցության Ստեփանավանի տարածքային գործակալության պետը կձերբակալվի Մարտական կորուստ ադրբեջանական բանակում Արծրուն Հովհաննիսյանը ադրբեջանական կողմում գտնվող վերահսկելի տարածքների լուսանկարներ է հրապարակել Դավիթ Տոնոյանը խրախուսել է ծառայության ընթացքում աչքի ընկած զինծառայողներին Հուլիսի 25-ից շոգը կվերադառնա. Երևանում օդի ջերմաստիճանը + 40-ի կհասնի Էջմիածնում շոգի պատճառով մանկապարտեզները մեկ ամիս չեն աշխատի Ոստիկանները բերման են ենթարկել Քոնչո մականվամբ «օրենքով գող» Նորայր Փիլոյանին Արարատ Զուրաբյանը՝ քաղաքապետի թեկնածու Ադրբեջանը ԼՂ շփման գոտում հայ դիրքապահների ուղղությամբ արձակել է ավելի քան 1300 կրակոց Բավրայում Մոլդովայի ՆԳՆ կողմից հետախուզվող ուկրաինացի է հայտնաբերվել Հայաստանում օդի ջերմաստիճանը կրկին կնվազի Երևանում դպրոցի նախկին տնօրենը 7.6 մլն դրամի յուրացում է կատարել. նա մասամբ հատուցել է պատճառված վնասը Ունենք բացառիկ հնարավորություն՝ բարձրացնելու հայ ազգի հեղինակությունը. Արարատ Միրզոյանն՝ ամերիկահայերին Հակառակորդը կրակել է Իջևան-Նոյեմբերյան ճանապարհային հատվածի ուղղությամբ «Խաղաղության վազք» -ն Արա Խաչադուրյանին Մարսելից Երևան է հասցրել Բաքուն կրկին հոսանքազրկվել է Հայաստանի ՓՄՁ ԶԱԿ-ը նոր տնօրեն ունի Մուշավան թաղամասի հրդեհը մարվել է. դեպքի վայրում էր նաև ԱԻ նախարարը Վայոց Ձորում այրվել է 105 հա խոտածածկույթ. հրդեհաշիջմանը մասնակցել են 49 հրշեջ-փրկարար, 30 բնակիչ և 60 զինծառայող ԵՄ-ն պատրաստ է աջակցել Կառավարության բարեփոխումների օրակարգին. Կատարինա Մատերնովա Գվատեմալայում Ֆուեգո հրաբխի ժայթքման հետեւանքով 125 մարդ Է զոհվել Քաղցրավենիք, բուսական պահածոներ ու թանապուր. զորամասերում սննդակարգի փոփոխություններ են իրականացվում Դավիթ Տոնոյանը կոչ է արել 102 ռազմաբազային ուշադրություն դարձնել բնակչության հետ հարաբերությունների ձևավորմանը Կառավարությունն իրավունք չունի երկիրը հետ գլորելու. Տիգրան Ավինյան Կառավարական առանձնատուն տեղափոխվելուց հետո վարչապետն իր բնակարանը տրամադրել է անօթևան ընտանիքի «Արարատյան ավտոկայանի» նախկին և ներկա տնօրենները պետությանը պատճառած վնասը վերականգնելու համար 30 մլն դրամ են փոխանցել Վաչագան Ղազարյանի խափանման միջոցը փոխվել է, և նա ազատ կարձակվի 1 մլրդ գրավի դիմաց
Խմբագրի ընտրություն
website by Sargssyan