AM | RU
USD
EUR
RUB

«Հայկական ապրանքանիշ» ֆեյսբուքյան էջի և «Օրիգանում»-ի «ազգակցական կապը»

 
 

Հայ օգտատերերի մեծ բանակ ունեցող Ֆեյսբուքում հայկական արտադրության ապրանքները միատեղած «Հայկական ապրանքանիշ» էջն ունի երեք տարվա պատմություն: Թե այդ ընթացքում քանի արտադրողի մասին է արդեն հասցրել իրազեկել այն, դժվար է ասել, բայց որ արդեն մոտ 11 հազար հետևորդ ունի, և հիշյալ սոցիալական ցանցում հայկական արտադրության ապրանքների մասին ինֆորմացիա տվող ամենահագեցած աղբյուրն է, միանշանակ է։ Էջի միջոցով հայկականը պրոպագանդելու ու հայ արտադրողին օգնելու ցանկությունը ծագել է տեղական որակյալ արտադրանքին նախապատվություն տվող Ֆլորա Վարդանյանի մոտ ու անմիջապես էլ իրականություն դարձել։

Էջը բացելուց երկու տարի անց Ֆլորա Վարդանյանը համալրեց հայ կին գործարարների շարքը՝ հիմնելով «Օրիգանում» ապրանքանիշը։ Գրեթե ամեն օր օնլայն հարթակում առնչվելով հայ արտադրողների առաջարկած ապրանքներին՝ երիտասարդ մայրիկը նկատեց, որ տեղական արտադրության մանկական պարագաների, մասնավորապես՝ ձեռագործ ծածկոցների պատրաստ տեսականի չկա։ Ու այդ բացը որոշեց անձամբ լրացնել։

«Ես գործելուց հասկանում եմ ու, կարծում եմ, որ շատ կարևոր է սկսել ու զբաղվել այնպիսի բանով, որից գաղափար ունես։ Եթե քո գործին գիտակ ես լինում, հաստատ, ավելի մեծ հաջողություն ես ունենում։ Ճիշտ է, գործարարության մեջ առանցքային նշանակություն ունի նաև կազմակերպչական ջիղը, բայց դրանք մեկը մյուսին ոչ մի դեպքում չեն խանգարում, այլ միայն օգնում են»,-համոզված է «Օրիգանում»-ի հիմնադիր-տնօրենը։

Ֆլորա Վարդանյանի դեպքում այս երկու հատկանիշներին ավելանում է գործի հանդեպ մեծ պատասխանատվությունն ու սկզբունքայնությունը։ «Օրիգանում»-ի աշխատանքային թիմում ընդգրկվելը, պարզվում է, հեշտ չէ. քիչ շյուղագործների ու հելյունագործների է հաջողվում գոհացնել Ֆլորային. «Ամեն շյուղ շարժող դեռ շյուղագործ չէ, դա արվեստ է, պետք է զգալ նախշը, գույնը, ստեղծագործ լինել։ Ձեռքի աշխատանքի առանձնահատկությունն այն է, որ դրա մեջ հոգի է դրվում։ Ցավոք, պրոֆեսիոնալ շյուղագործներն ու հելյունագործները շատ քիչ են»։

Դժվարությամբ, բայց Ֆլորային հաջողվել է շնորհալի թիմ հավաքել, նրան փոխանցել աշխատանքի կարևոր սկզբունքները, երբեմն էլ բարձր ճաշակ թելադրել պոտենցիալ գնորդին։ «Մենք սպառողին առաջարկում ենք գունային, դիզայնի ու տարվա թրենդին համապատասխան լուծումներով մանկական ծածկոցներ (ծածկոց և վերմակ՝ միասին կամ առանձին) ու գորգեր, տան ինտերիերի պարագաներ, օրինակ՝ արոմա բարձեր։ Շուտով կներկայացնենք նաև հելյունագործ կողովներ, ձեռագործ նույնանման պայուսակներ՝ մոր և մանկան համար և այլն։ Եթե հաճախորդը մեր առաջարկած տեսականուց թեթևակի տարբերվող ապրանք է ուզում, որը չի հակասում ապրանքանիշի ոճին, մենք, բնականաբար, համաձայնության ենք գալիս, իսկ եթե, ասենք, իրար հետ չխոսող գունային համադրություն է ուզում, չենք ընդունում, քանի որ «Օրիգանումն» իր ոճն ունի»-ասում է Ֆլորա Վարդանյանը։

Ոչ միայն արտաքին տեսքի, այլև որակի հարցում է ապրանքանիշի հիմնադիրը խիստ պահանջկոտ։ Հատկապես մանկական ծածկոցները, որոնք «Օրիգանում»-ի այցեքարտն են դարձել ու ամենամեծ պահանջարկն ունեն, բացառապես բամբակյա թելերով են գործում։

Որակն ու դիզայնը մանկականից ոչ պակաս ներդաշնակ են նաև տան ինտերիերի պարագաներում։ Արոմա բարձերն, օրինակ, որոնք, ի դեպ, աշխարհում այնքան էլ տարածված չեն, տան ինտերիերը լրացնելուց բացի, հանգստացնող հատկություն էլ ունեն։ Բարձի երկու միջուկներից մեկում ծաղիկների կոմպոզիցիա է դրված, որի հիմնական բաղադրիչը հենց օրիգանումը կամ խնկածաղիկն է։ Այսպես՝ Ֆլորայի սիրելի ծաղիկը՝ խնկածաղիկը, կարևոր դեր խաղաց երիտասարդ գործարարի գործնական կյանքում՝ դառնալով նրա ստեղծած ապրանքանիշը։

Լիլիթ ՊՈՂՈՍՅԱՆ

Լրահոս
Եվրամիությունը պատրաստ է շարունակել և ընդլայնել իր աջակցությունը Հայաստանին. Սվիտալսկի ԵԱՀԿ ՄԽ համանախագահների այցի նպատակը Փաշինյան-Ալիև վերջին հանդիպման մանրամասներին ծանոթանալն է. Մնացականյան Նաթանյահուն չեղյալ է հայտարարել Մոսկվա նախատեսված այցը ԱԳԲԱ Լիզինգը ՎԶԵԲ-ից մրցանակ է ստացել վերականգնվող էներգետիկայի ոլորտում իրականացրած ներդրումների համար Հայաստանի եւ Վրաստանի պաշտպանության նախարարները համագործակցության համաձայնագիր կստորագրեն Հոլանդիայի հայ համայնքը բողոքի ցույց կանցկացնի Հաագայում Ի՞նչ անհնազանդություն, ո՞ւմ համար, ինչի՞ համար. Դավիթ Բաբայանը՝ Սեֆիլյանի կոչի մասին Պուտինը նշել է՝ ինչպիսին կլինի Եվրոպայում ԱՄՆ-ի հրթիռների տեղակայման պատասխանը Երևանի խանութներից մեկի օտարալեզու ցուցանակի գրությունը վերանայելու համար Լեզվի կոմիտեն դիմում է դատարան Հավանաբար, միջնորդները վտանգ են տեսնում. Հրանտ Մելիք-Շահնազարյան «Մաեստրո Մանսուրյան». երևանյան պրեմիերա Մահացել է Էլմիրա Հեքեքյան-Աբրահամյանը Գեղարքունիքի, Լոռու և Տավուշի փոխմարզպետներն ազատվել են պաշտոնից Երևանի ավագանու «Իմ քայլը» դաշինքի անդամ Սուրեն Գալստյանի լիազորությունները դադարեցվել են Էրդողանը խոսել է Թուրքիայի հայերի մասին Բակո Սահակյանը ցավակցական հեռագիր է հղել Լուիզ Սիմոն Մանուկյանի ընտանիքին ՀՀ ԱԳ նախարարը հանդիպել է ԵԱՀԿ ՄԽ համանախագահների հետ Վախճանվել է բարերար Լուիզ Մանուկյան-Սիմոնը Ռոբերտ Քոչարյան. Այսօր մենք պարզապես պարտավոր ենք սթափվել Հայաստանի պոպուլիստական իշխանությունը չունի որևէ լուրջ հայեցակարգ Արցախյան հարցում Հալեպում պայթեցված հայկական եկեղեցին գարնանը կվերաբացվի ԵԱՀԿ Մինսկի խմբի համանախագահները ժամանել են Երևան Հանրապետությունում կան դժվարանցանելի ավտոճանապարհներ «Ժամանակ». Ինչո՞ւ չեն սուբսիդավորվելու գյուղացիական տնտեսությունները «Հրապարակ». Ֆրակցիայում ի՞նչ լուրջ բան են քննարկել, որ Սասուն Միքայելյանը չի մասնակցել «Փաստ». Վերահսկողական ծառայությունը հասավ Լոռու մարզ «Հրապարակ». Ռուս գործընկերները տարակուսել են «Իմ քայլի» հետ հանդիպումից հետո «Ժամանակ». Ընտրություններն էլ անցան, Հայաստանում ո՛չ օտարերկրյա ներդրումներ կան, ո՛չ ներքին Հայ ժողովուրդը պարտադրված պատերազմում պաշտպանեց իր հողն ու պատմությունը. Բակո Սահակյան «Հրապարակ». «Իմ քայլի» պատգամավորներից մեկը կկատարի խոսնակի պարտականությունները ՕՐՎԱ ԽՈՐՀՈՒՐԴԸ: Փետրվարի 20 Վաղը ցերեկը մայրաքաղաքում ջերմաստիճանը կհասնի +11-ի Թումանյանի թողած ժառանգությունը համամարդկային է. Գարեգին Բ Արցախի ԱԳ նախարար Մասիս Մայիլյանին ընդունել է Հարավային Օսիայի նախագահը Հայաստանում ալյուրի արտադրությունը զգալի նվազել է Ռուս սահմանապահը հայտնաբերել է անհետ կորած քաղաքացու դին ԱՄՆ սենատոր Բերնի Սանդերսը 2020թ-ին կրկին կպայքարի ԱՄՆ նախագահի պաշտոնի համար ԵԱՀԿ գործող նախագահը կայցելի Երևան և Բաքու՝ ղարաբաղյան կարգավորման հարցը քննարկելու համար Պարոնայք, իսկ երբեմն էլ` տիկնայք ավելի լավ է ոչինչ մի ձեռնարկեք Հայաստանի նոր իշխանությունները չունեն երկրի զարգացման և ոչ մի ռազմավարական ծրագիր
Խմբագրի ընտրություն
website by Sargssyan