Կենտրոնի երթևեկությունը կրկին կաթվածահար է եղել. Նիկոլ Փաշինյանը շարունակում է երթը
Նմանատիպ
Ազգային ժողովի պատգամավոր, «Քաղաքացիական պայմանագիր» կուսակցության ղեկավար Նիկոլ Փաշինյանն ու կողմնակիցները ապրիլի 17-ին վաղ առավոտից մի շարք փողոցներ են փակել: Մասնավորապես, Երևանի կենտրոնում փակ են Կորյուն-Աբովյան խաչմերուկը, Աբովյան-Իսահակյան խաչմերուկը, շարունակում է փակ մնալ Ֆրանսիայի հրապարակը, Բաղրամյան պողոտան: Հավաքի մասնակիցներն առավոտից փակել էին նաև Խանջյան փողոցից Տիգրան Մեծ տանող ճանապարհը, որտեղ ծեծկռտուք տեղի ունեցավ վարորդներից մեկի և ցուցարարի միջև: Հավաքի մասնակիցները փակել էին նաև Սայաթ-Նովա-Աբովյան խաչմերուկը, սակայն ոստիկանները բացել են փողոցը` բերման ենթարկելով մեկ քաղաքացու: Առավոտից փակ է նաև Հալաբյանից Հրազդանի կիրճ տանող հատվածը, Պուշկինի փողոցը:
Հավաքի մասնակիցները երթով շարժվում են Երևանի կենտրոնում, նրանք Խանջյան փողոցում են՝ Մանկավարժական համալսարանի մոտ:
Ապրիլի 17-ին վաղ առավոտյան փողոցներ են փակել նաև ոստիկանները: Ոստիկանությունը փակել է Բաղրամյան պողոտան, Դեմիրճյան փողոցը, Պռոշյանի մի հատվածը:
Հետևեք մեզ նաև Telegram-ում