AM | RU
USD
EUR
RUB

Զեյնալյանը Սերժ Սարգսյանին հարցրեց քաղաքական հայացքներով մարդկանց հնարավոր հետապնդումների, նրան հատկացված սեփական տան մասին

 
 

«Իմ հարցերը չեն հետապնդում անձնական բնույթ, դրանք ատելության, թշնամանքի կամ վրեժի ակտ չեն»,-մինչ ՀՀ վարչապետի թեկնածու Սերժ Սարգսյանին հարցեր տալը հայտարարեց «Ելք» խմբակցության պատգամավոր Արտակ Զեյնալյանը:

Ընդդիմադիր պատգամավորը հարցրեց. «Հասարակական հարցումները ցույց են տալիս, որ ժողովուրդը, ընտրողները մտածում են, թե 2017 թվականին քաղաքական մեծամասնությունը, կամ ինչպես Դուք եք ասում, խորհրդարանական մեծամասնությունը ձևավորվել է ընտրակաշառքով ձևավորված կամքի դրսևորմամբ: Ես կուզեի իմանալ Ձեր գնահատականը դրա վերաբերյալ, և ինչպես եք մտածում աջակցել, որպեսզի մարդիկ հավատան ընտրությունների արդյունքներին, ընտրությունները լինեն արդար և արտահայտեն ժողովրդի կամքը, և որպեսզի տեղի չունենա այսօրվա նման ընդվզում, հիմա փողոցներում հազարավոր մարդիկ ընդվզում են, և այդ համոզմամբ են փողոց դուրս եկել: Այսինքն, համերաշխության մթնոլորտ տիրի, ինչպես որ դուք եք ասում»:

Զեյնալյանը նաև հետաքրքրվեց Հայաստանում քաղաքական հայացքներով, գաղափարական տարբերություններով պայմանավորված հետապնդումներ եղե՞լ են կամ արդյոք առկա՞ են, օրենքով չնախատեսված պատիժ կամ օրենքով սահմանված առավելագույն պատիժ, աշխատանքից ազատում՝ պայմանավորված այդ հանգամանքով առկա՞ է, թե՞ ոչ:

Մասնագիությամբ իրավաբան պատգամավորը հետաքրքրվեց, արդյոք Սերժ Սարգսյանը նախագահության տարիներին քրեական գործերով կալանքների որոշումներ կայացնելու հարցում ազդեցություն ունեցե՞լ է, «պայմանավորված այն հանգամանքով, որ կալանքի գործերով 95 տոկոս դեպքերում գործը շահում են քննիչները կամ դատախազները և այդ հիմքերով Եվրոպական դատարանում Հայաստանի Հանրապետությունը պարտություն է կրում, այսինքն ճանաչվում է իրավունքի խախտումը»:

Զեյնալյանի հարցերից մեկն էլ վերաբերում էր այն բանին, արդյոք Սերժ Սարգսյանը ստորագրել է կառավարության այն որոշումը, որով կառավարական ամառանոցի տունը սեփականության իրավունքով հանձնվում է նրան:

«Ելք» խմբակցության պատգամավորը հետաքրքվեց նաև վարորդների տուգանքներից, Հայաստանում վարորդական վկայական ունի 350 հազար մարդ, տարեկան կազմվում է 2 մլն դրամի տուգանքի որոշում է, ինչպե՞ս եք վերաբերում նման չափով պատժվածներ ունենալու հանգամանքին:

Սերժ Սարգսյանը նկատեց, որ հարցերին պատասխանելու համար քիչ ժամանակ է հատկացված, ուստի կփորձի բարձրացված հարցերին պատասխանել նաև հետագայում: Վարչապետի թեկնածուն ասաց՝ շատ կարճ կպատասխանի յուրաքանչյուր հարցին:

Ընտրությունների վերաբերյալ հարցին ի պատասխան նա ընդգծեց. «Ես իհարկե համաձայն չեմ այն պնդումների հետ, որ ընտրությունները տեղի են ունեցել համատարած ընտրաձայներ գնելու միջոցով: Ինչո՞ւ, որովհետև և իմ կարծիքը կարող է սուբյեկտիվ լինել, և Ձեր կարծիքը: Օբյեկտիվությունը միջազգային կառույցների զեկույցներն են, նրանց եզրակացություններն են: Ինչպես հիշում եք, եզրակացությունը միանշանակ էր, որ ընտրությունների արդյունքները Հայաստանի ժողովրդի կամքի արտահայտությունն էր: Եթե համատարած կաշառք բաժանվեր, ես կարծում եմ ժամանակակից պայմաններում, շատ ներողություն ոչ ճիշտ ձևակերպման համար, երբ ամեն գործիք նկարում է, ապա մեր քաղհասարակության, ընդդիմության ներկայացուցիչները բազմաթիվ տեսագրություններով ուղղակի հեղեղած կլինեին համացանցն ու դիտորդական առաքելություն իրականացնողներին: Ես չեմ բացառում, որ բարեգործության անվան տակ նման դեպքեր եղած լինեն, բայց դրանք այն դեպքերը չեն, որ ազդեն ընտրությունների արդյունքների վրա»:

Նա հիշեցրեց, որ բոլոր նախորդ ընտրություններում ընդդիմությունը հաղթողներին մեղադրել է կեղծ քվեարկություններ կազմակերպելու, լցոնումներ կատարելու, Հայաստանում չգտնվող, նույնիսկ անգամ մահացած մարդկանց կողմից քվեարկելու մեջ:

«Մենք գտանք տեխնիկական հնարավորություններ, միջոցներ, որպեսզի այդ առասպելը հօդս ցնդեցնենք: Ես Ձեզ խոստանում եմ, որ կառավարության գործունեության բաղկացուցիչ մասն է լինելու մտածել այնպիսի մեխանիզմ, որը հնարավորություն տա հօդս ցնդեցնելու նաև այն միֆը, որ բոլորը համատարած գնացել են քվեարկության միայն կաշառք ստանալով: Եվ նորից եմ կրկնում, մեզ համար պետք է որոշիչ լինի միջազգային հանրության կարծիքը»:

Ինչ վերաբերում է քաղաքական հայացքների համար քրեական հետապանդումների մասին հարցին, ապա Սերժ Սարգսյանն ասաց, որ Հայաստանում որևէ մեկը քաղաքական հայացքների համար հեապնդման չի ենթարկվել:

«Նույնիսկ, ես կարծում եմ, որ շատ պարագաներում միգուցե մեր դատարանների կողմից շատ ավելի մեղմ վերաբերմունքի են նրանք արժանացել, երբ որ քրեական հանցագործություններ են կատարել: Սա ես խնդրում եմ ընդունել որպես ոչ պաշտոնատար անձի հայտարարություն»,-ասաց նա:

Կալանքների մասին հարցին ի պատասխան, Սերժ Սարգսյանն ասաց, որ Հայաստանը ճանաչել է իրավազորությունը, և դա արել է ոչ միայն փաստաթղթով, այլ էությամբ, մինչև հիմա Հայաստանի Հանրապետության կողմից չկատարված պարտավորություն չկա:

«Այո, նախնական կալանքի դեպքերում մենք ոնց որ թե մի քիչ շեղվել ենք Եվրոպական դատարանի ցուցանիշներից: Ես չեմ կարծում, որ տոկոսներով ու թվերով պետք է որոշենք դատական համակարգի գործունեության արդյունավետությունը, այլ այն բանով, թե որքանով են հիմնավորված այդ կալանքի որոշումները: Եվրոպական դատարանն էլ որոշումներ է կայացնում՝ ելնելով, ոչ թե թվաքանակից, այլ կոնկրետ գործերով չհիմնավորված լինելուց»:

Անդրադառնալով իրեն սեփական տուն հատկացնելուն, Սերժ Սարգսյանն ասաց. «Կարծում եմ՝ այս շենքում է այդ օրենքն ընդունվել: Այդ օրենքից օգտվել են նախորդ երկու նախագահները, և ես էլ եմ օգտվել այդ օրենքից: Եթե օրենքով ինձ չի հասնում, կարող եմ հետ վերադարձնել, բայց եթե հասնում է, կարծում եմ, որ դուք պետք է շնորհավորեք, որովհետև ես էլ ունեցա սեփական տուն Երևանում»:

Լրահոս
Այս տարի պետական կայքերի վրա հաքերային հարձակումները կտրուկ աճել են. ԱԱԾ Էջմիածնում Կաթողիկոսի հրաժարականը պահանջողների և քաղաքացիների միջև ընդհարում է տեղի ունեցել Փարիզում բախումներ են «դեղին բաճկոնավորներ»-ի և ոստիկանության միջև Արթուր Բաղդասարյանը հեռանում է ակտիվ քաղաքականությունից. ՕԵԿ-ն ունի նոր նախագահ Անցնող շաբաթ հակառակորդը հրադադարի ռեժիմը խախտել է շուրջ 250 անգամ «Դեղին բաճկոնավորները» պատրաստվում են նոր ցույցեր անցկացնել Ֆրանսիայի ողջ տարածքում ՀՀ տարածքում կան դժվարանցանելի ավտոճանապարհներ. Վարդենյաց լեռնանցքը փակ է «Հրապարակ». Փաշինյանի խորհրդականը սոցցանցերում զբաղված է տնտեսական քաղաքականության ակտիվ քարոզով «Ժամանակ». Ամանորյա տոներից հետո Հայաստանը կարող է բախվել լուրջ ֆինանսական խնդիրների «Ժողովուրդ». Նախաքննական մարմինն արդեն հայտնաբերել է քրեական գործով հետախուզվողին «Հրապարակ». Շիրակում Նազելի Բաղդասարյանը ավելի շատ քվե է հավաքել, քան նախկին քաղաքապետը «Փաստ». Ինչպե՞ս կառավարությունում պահել «դուխով»–ը ՕՐՎԱ ԽՈՐՀՈՒՐԴԸ: Դեկտեմբերի 15 Նիկոլ Փաշինյանը հանդիպել է Գարեգին Բ-ի հետ Տիգրան Սարգսյանը ԵՏՀ- ի համար կարեւորում է գործարար համայնքում թվային տեխնոլոգիաների օգտագործման առավելությունները Լևոն Մնացականյան. Ձեր գործողություններում եղեք ներդաշնակ, փոխըմբռնող Հռոմում անցկացվեց «Հայոց ցեղասպանության հիշողություն և ցեղասպանությունների կանխարգելում» խորագրով համաժողովը Գեղամ Գևորգյանը փոքր և միջին ջերմոցային տնտեսությունների ներկայացուցիչների հետ քննարկել է ոլորտում առկա խնդիրները և զարգացման ուղիները «Իմ բիզնեսը, Իմ բանկը»․ գործընկերության իրական ձևաչափ Դեսպան Տիգրան Սեյրանյանը հանդիպել է Չեխիայի արդյունաբերության և առևտրի նախարար Մարթա Նովակովայի հետ Էրդողանը հայտարարել է, որ անկախ ԱՄՆ-ի կոչերից, Թուրքիայի ԶՈՒ-ն մտնելու է Մանբիջ 2019թ.- ը նոր ազդակ կհաղորդի Ղարաբաղյան հակամարտության կարգավորմանը. Ալիև Ռոբերտ Քոչարյանի պաշտպաններն ստացել են Վերաքննիչ դատարանի որոշումը ԼՂ հակամարտության խաղաղ կարգավորումը շարունակում է մնալ Հայաստանի գլխավոր առաջնահերթությունը. Նիկոլ Փաշինյան Ադրբեջանը Հայաստանի հետ սահմանի Ղազախի և Աղստևի հատվածում ԶՈՒ-ն կփոխարինի սահմանապահներով Ես և Պուտինը Սերժ Սարգսյանին առաջարկեցինք հանձնել 5 շրջանները, բայց նա մերժեց. Ալեքսանդր Լուկաշենկո Արմեն Գևորգյանը չկալանավորվեց Կանադայում ստացել են տարբեր քաղաքներում պայթուցիկների տեղադրման մասին նամակներ Թերեզա Մեյը լքել է ԵՄ-ի՝ Բրյուսելում ընթացող գագաթնաժողովը Ստրասբուրգցի հրաձիգը սպանվել է Արման Թաթոյանն այցելել է Ռոբերտ Քոչարյանին ՌԴ դեսպանատունը կոչ է անում չքաղաքականացնել Գյումրիում ռուս զինծառայողի մասնակցությամբ տեղի ունեցածը ԿԳ նախարարությունը հայտնել է դեկտեմբերին նախատեսված 12-րդ դասարանի պետական ավարտական քննությունների օրերը «Ավրորան» կոչ է անում հակազդել աշխարհում մարդասիրության խնդիրներին ՀՀ տարածքում կան դժվարանցանելի ավտոճանապարհներ. փակ է Վարդենյաց լեռնանցքը «Ժամանակ». Ռևերանսներ գործող իշխանությանը «Հրապարակ». Ոչ թե երեք փոխվարչապետ, այլ՝ մեկը, ոչ թե 18 նախարարությունն, այլ՝ 11-ը «Ժամանակ». Ծառուկյանը տևական ժամանակ է չի վճարում BMW ավտոմեքենաների սրահի շինարարների գումարը «Իրատես». Փաշինյանը չգիտի` ինչպես զսպել թիմակիցների մեծ ախորժակը «Հրապարակ». ՀՀ-Արցախ ռազմաքաղաքական հավասարակշռությունը չի խախտվի
Խմբագրի ընտրություն
Ամենաընթերցված
website by Sargssyan