«Ժամանակ». Սերգեյ Բագրատյանը թռավ դահլիճից

«Ժամանակ». Սերգեյ Բագրատյանը թռավ դահլիճից

«Ժամանակ» թերթը գրում է. ««Ծառուկյան» դաշինքի քաղաքական դպրոցի ղեկավար նշանակված Սերգեյ Բագրատյանը երեկ ԱԺ-ում տվեց առաջին դասը:

Բագրատյանը մի քանի օր շարունակ հայտարարում էր, որ «Ծառուկյան» դաշինքը ընդդիմադիր խմբակցություն է, և չի կարող ընդդիմությունը քվեարկել իշխանության թեկնածուի օգտին: Նա գրեթե մինչև վերջին պահը այս քաղաքագիտական համոզմանն էր, սակայն քվեարկությունից ընդամենը մի քանի րոպե առաջ թռավ դահլիճից՝ չմասնակցելով քվեարկությանը:

Սա քաղաքական դպրոցի ղեկավարի կենդանի դասն էր՝ ինչպես պետք է քաղաքական գործիչը ընդամենը մի քանի րոպեում հրաժարվի իր համոզմունքներից և ամենավճռական պահին ընդդիմությունից թռնի իշխանության ճամբար թեմայով:

Ընդամենը շաբաթներ առաջ Սերգեյ Բագրատյանը ընտրվեց ԲՀԿ փոխնախագահ և քաղաքական դպրոցի ղեկավար: Քաղաքական դպրոցը նոր-նոր կազմավորվում է, բայց ուսումնական պրոցեսի համար անհրաժեշտ տեսական հիմքերն արդեն դրվում են»:

Մանրամասները թերթի այսօրվա համարում։

Հետևեք մեզ նաև Telegram-ում