Նիկոլ Փաշինյանն ու հավաքի մասնակիցները լարված իրավիճակ են ստեղծել «Փեթակ» առևտրի կենտրոնի մոտ

Նիկոլ Փաշինյանն ու հավաքի մասնակիցները լարված իրավիճակ են ստեղծել «Փեթակ» առևտրի կենտրոնի մոտ

Ազգային ժողովի պատգամավոր, «Քաղաքացիական պայմանագիր» կուսակցության ղեկավար Նիկոլ Փաշինյանի գլխավորած երթի մասնակիցները լարված իրավիճակ են ստեղծել «Փեթակ» առևտրի կենտրոնի մոտ: Հավաքի մասնակիցները ցանկանում են մուտք գործել առևտրի կենտրոն, սակայն իրավապահները, կասեցրել են նրանց մուտքը: Նիկոլ Փաշինյանն ասում է՝ ցանկանում է մուտք գործ առևտրի կենտրոն ու առևտուր անել: Նրան դա դեռ չի հաջողվում:

Երևանի փոխոստիկանապետ Վալերի Օսիպյանը վկայակոչում է «Հավաքների ազատության մասին» օրենքը, ըստ որի՝ երթի մասնակիցներն անհամաչափ սահմանափակում են այլոց տեղաշարժման ազատությունները:

«Արմենպրես»-ի հաղորդմամբ՝ երթի մասնակիցները քիչ առաջ «Սուրմալու» առևտրի կենտրոնում էին: Ցուցարարները առևտրականներին գործադուլի կոչ էին անում:

Նրանք Կառավարության 3-րդ շենքի դիմացից քայլերթով Հանրապետության փողոցից շարժվել էին դեպի Արշակունյաց պողոտա:

Նիկոլ Փաշինյանը ընթացքում հայտարարեց, որ 19:00-ին կրկին սպասվում է հանրահավաք Հանրապետության հրապարակում:

Հետևեք մեզ նաև Telegram-ում