Բակո Սահակյանն ընդունել է բասկետբոլի Ա լիգայի առաջնությունում հաղթած «Արցախ» թիմին

Բակո Սահակյանն ընդունել է բասկետբոլի Ա լիգայի առաջնությունում հաղթած «Արցախ» թիմին

Արցախի նախագահ Բակո Սահակյանն ապրիլի 20-ին ընդունել է Հայաստանի բասկետբոլի տղամարդկանց Ա լիգայի առաջնությունում հաղթող դարձած «Արցախ» թիմի անդամներին: Այս մասին տեղեկացրին Արցախի Հանրապետության նախագահի աշխատակազմի տեղեկատվության գլխավոր վարչությունից:

Նախագահը կարեւորել է այդ հաղթանակը՝ նշելով, որ դա մարզիկների եւ մարզիչների քրտնաջան աշխատանքի արդյունք է:

Երկրի ղեկավարը շեշտել է, որ համառորեն պետք է ձգտել հասնել նոր հաջողությունների՝ ընդգծելով, որ պետությունն այսուհետ եւս հատուկ ուշադրություն է դարձնելու սպորտի եւ ֆիզիկական կուլտուրայի զարգացմանը:

Հանդիպմանը մասնակցում էին բնապահպանության եւ բնական ռեսուրսների նախարար, Արցախի բասկետբոլի ֆեդերացիայի նախագահ Վազգեն Միքայելյանը, կրթության, գիտության եւ սպորտի նախարար Նարինե Աղաբալյանը, պաշտոնատար այլ անձինք:

Հետևեք մեզ նաև Telegram-ում