AM | RU
USD
EUR
RUB

Զբոսաշրջության ոլորտը կոչ է անում երաշխավորել Հայաստան ժամանած հյուրերի և զբոսաշրջային խմբերի անարգել տեղաշարժը

 
 

ՀՀ տնտեսական զարգացման և ներդրումների նախարարությունում նախարար Սուրեն Կարայանը ապրիլի 20-ին հանդիպում-քննարկում է ունեցել զբոսաշրջության ոլորտի կազմակերպությունների ներկայացուցիչների հետ։

Քննարկմանը մասնակցել են ՀՀ տնտեսական զարգացման և ներդրումների նախարարության Զբոսաշրջության պետական կոմիտեի նախագահ Զարմինե Զեյթունցյանը, կոմիտեի նախագահի առաջին տեղակալ Մեխակ Ապրեսյանը, Հայաստանի զբոսաշրջության զարգացման հիմնադրամի տնօրեն Արա Խզմալյանը։

Հանդիպման նպատակն էր՝ քննարկել ներկա իրավիճակում Հայաստանի զբոսաշրջության ոլորտում ստեղծված խնդիրները և համատեղ ջանքերով լուծումներ գտնել Հայաստանի զբոսաշրջության ոլորտի հնարավոր վնասները կանխարգելելու կամ նվազագույնի հասցնելու և Հայաստանի՝ որպես կայուն, ապահով և գրավիչ երկրի նկարագիրը պահպանելու համար։

Ինչպես տեղեկացրին ՀՀ տնտեսական զարգացման և ներդրումների նախարարության տեղեկատվության և հասարակայնության հետ կապերի բաժնից, հանդիպման մասնակիցներին նախարարը հայտնել է իր մտահոգությունն այն առնչությամբ, որ արձանագրվել են առանձին դեպքեր ամրագրված զբոսաշրջային այցելությունների չեղարկման վերաբերյալ։ Նա հրավիրել է անկեղծ և շահագրգիռ երկխոսության՝ հորդորելով ներկայացնել առկա խնդիրներն ու հանդես գալ առաջարկություններով։ Սուրեն Կարայանը նաև պատրաստակամություն է հայտնել խնդրի արդյունավետ լուծման համար պետության կողմից ցուցաբերելու անհրաժեշտ աջակցություն։

Զբոսաշրջության ոլորտի ներկայացուցիչներն իրենց առաջարկություններում նշել են հարցի լուծման համար ուժի գործադրման բացառումը, կողմերի կառուցողական երկխոսության անհրաժեշտությունը, խաղաղ ցույցերի և երթերի ժամանակացույցի առկայության անհրաժեշտությունը՝ որպեսզի հնարավոր լինի ստեղծված իրավիճակում անխոչընդոտ իրականացնել զբոսաշրջային ծրագրերը և այլն։

Հանդիպման ավարտին որոշվել է հանդես գալ միասնական դիրքորոշմամբ։

Հայաստանի Հանրապետության զբոսաշրջության ոլորտի միասնական դիրքորոշում

2018 թվականի ապրիլի 20-ին ՀՀ տնտեսական զարգացման և ներդրումների նախարարությունում տեղի ունեցավ հանդիպում-քննարկում նախարարի, Զբոսաշրջության պետական կոմիտեի նախագահի, կոմիտեի, Հայաստանի զբոսաշրջության զարգացման հիմնադրամի, զբոսաշրջության ոլորտի մասնավոր հատվածի՝ զբոսաշրջային օպերատորների, հյուրանոցային տնտեսության ներկայացուցիչների, զբոսավարների և այլոց մասնակցությամբ։

Քննարկվեցին ստեղծված իրավիճակում զբոսաշրջության ոլորտում ծագած խնդիրները, կարևորվեց տարիների ընթացքում բնակչության, պետության և ոլորտի մասնավոր հատվածի համատեղ ջանքերով ձևավորված համաշխարհային զբոսաշրջային շուկայում Հայաստանի՝ որպես կայուն, ապահով և գրավիչ երկրի նկարագրի պահպանման, ինչպես նաև այդ նկարագրին հնարավոր վնասը կանխելու և նվազագույնի հասցնելու անհրաժեշտությունը։

Հանդիպման ընթացքում, հարգելով քաղաքացիների՝ խաղաղ երթերի և ցույցերի միջոցով կամարտահայտության իրավունքը, և, մյուս կողմից՝ գիտակցելով համաշխարհային շուկայում Հայաստանի նկարագրի վրա բացասական ազդեցության հնարավորությունն ու նշելով արդեն իսկ բազմաթիվ ամրագրված զբոսաշրջային այցելությունների չեղարկումները, կարևորվեց անկեղծ և կառուցողական երկխոսության ու քննարկման արդյունքում համատեղ միջոցառումների մշակման անհրաժեշտությունը։

Արդյունքում ոլորտի մասնավոր հատվածի առաջարկությամբ ձևավորվեց հետևյալ միասնական դիրքորոշումը․

Իրավասու պետական մաիմինների, երթի մասնակիցների, զբոսաշրջության ոլորտի մասնավոր հատվածի ներկայացուցիչների կառուցողական երկխոսության միջոցով ապահովել երթի կանխատեսելիությունը, կազմակերպվածությունն ու օրենքով սահմանված ընթացակարգերին համապատասխանությունը՝ երաշխավորելով մեր երկիր ժամանած հյուրերի և զբոսաշրջային խմբերի անարգել տեղաշարժը։

Բացի այդ, ձեռք բերվեց պայմանավորվածություն հետևյալ համատեղ միջոցառումների ուղղությամբ.

Երթի օրերին օտարերկրյա զբոսաշրջիկների նկատմամբ առկա հարգալից վերաբերմունքի և անվտանգ միջավայրի վերաբերյալ համաշխարհային հանրության շրջանակներում օբյեկտիվ լուսաբանմանն ու տեղեկատվության տարածմանն ուղղված միջոցառումների կազմակերպում՝ այդ թվում՝ համագործակցելով միջազգային գործընկերների հետ,

Առաջարկել մասնավոր հատվածին դիտարկել ամրագրված զբոսաշրջային այցելությունների՝ ստեղծված իրավիճակով պայմանավորված չեղարկումների դեպքերում տուգանքներ չկիրառելու հնարավորությունը,

Համատեղ ջանքեր գործադրել համաշխարհային շուկայում Հայաստանի նկարագրի պահպանման և այդ նկարագրին հնարավոր բացասական ազդեցությունների կանխարգելման ու նվազագույնի հասցնելու ուղղությամբ։

 

Լրահոս
Դոնալդ Թրամփի և Կիմ Չեն Ընի երկրորդ հանդիպումը կկայանա փետրվարի վերջին Վարդենյաց լեռնանցքը դժվարանցանելի է Պետք է հարգել ժողովրդի ընտրությունը. Մերկելը Brexit-ի հետ կապված հայտարարություն է արել Փարիզում «դեղին բաճկոնների» ակցիայի 12 մարդ է ձերբակալվել ԵԱՏՄ անդամ երկրների վարչապետերը կքննարկեն գազի տարանցման գնի ձևավորման հարցը ԵԽԽՎ ձմեռային նստաշրջանին անդրադարձ կլինի ՀՀ-ում կայացած արտահերթ խորհրդարանական ընտրություններին Բաքվի ջարդերի վերաբերյալ չունենք որևէ պաշտոնական փաստաթուղթ, որտեղ կնշվի, որ դա ցեղասպանական քաղաքականության շարունակություն էր (Տեսանյութ) Քարոզչական պատերազմում մենք նույնքան պարտվելու իրավունք չունենք, որքան իրական պատերազմում. Միհրան Հակոբյան (տեսանյութ) Ադրբեջանը մեկ շաբաթում հրադադարի պահպանման ռեժիմը խախտել է շուրջ 180 անգամ Նախագահ Արմեն Սարգսյանը նախարարների նշանակման հրամանագրեր է ստորագրել Համոզված եմ, որ Ձեր ղեկավարության ներքո Հայաստանը կշարունակի աջակցել ՄԱԿ-ի սկզբունքներին. Գուտերեշի ուղերձը Փաշինյանին ԵՄ-ն դրական ազդակներ է տեսնում ԼՂ խնդրի խաղաղ կարգավորման համար Դոնալդ Թրամփը շնորհավորական ուղերձ է հղել Նիկոլ Փաշինյանին Երկրաշարժ՝ Պերուում և Էկվադորում Սևանի թերակղզուց մինչև Դիլիջանի թունել հատվածում բուք է «Ժողովուրդ». ԱԺ աշխատակազմին մեկ այլ փորձություն է սպասում «Հրապարակ». ԱԺ-ում նոր ձևավորված ԵԽԽՎ պատվիրակությունը կիրակի կմեկնի Ստրասբուրգ «Ժամանակ». Աշխատանքի և սոցապ նախարար է նշանակվելու Զարուհի Բաթոյանը «Ժամանակ». Վլադիմիր Կարապետյանը առաջիկա օրերին պաշտոն կստանա ԱԳՆ-ում «Հրապարակ». Իշխանություններից ոմանց մեղադրում են գողականների հետ հարաբերություններ ունենալու մեջ «Ժողովուրդ». ՄԻԵԴ որոշումների տարափ է սպասվում ՕՐՎԱ ԽՈՐՀՈՒՐԴԸ: Հունվարի 19 Լավրովը կոչ է արել Սիրիայի ազատագրված տարածքները Դամասկոսի վերասհսկողությանը փոխանցել Ռումինիայի ազգային ուղևորափոխադրողը ապրիլից ուղիղ չվերթներ կիրականացնի Բուխարեստ-Երևան ուղղությամբ Փոխվարչապետ Մհեր Գրիգորյանը նախագահել է ԵԱՏՀ խորհրդի այս տարվա անդրանիկ նիստը Տիգրան Սարգսյանն ամփոփել է Եվրասիական տնտեսական հանձնաժողովի խորհրդի նիստի արդյունքները Նիկոլ Փաշինյանը հրաժեշտի հանդիպում է ունեցել Հայաստանում ԱՄԷ-ի դեսպանի հետ Պարտադրանք չի կարող լինել. Դավիթ Բաբայան Ռոբերտ Քոչարյանը կալանքը երկարաձգվեց ևս երկու ամսով Մասնագետի պնդմամբ՝ Ադրբեջանը պետք է ընդունի հայերի դեմ կատարած հանցագործությունները Վարչապետը հանձնարարել է ներկայացնել բժշկական ապահովագրական համակարգի ներդրման հայեցակարգային փաստաթուղթ Հայաստանը ձեռնամուխ է եղել ԵՄ անդամ պետությունների հետ վիզային ռեժիմի ազատականացման շուրջ երկխոսության մեկնարկին Չեխիայում ՀՀ դեսպանը հավատարմագրերի պատճենն է հանձնել Չեխիայի արտաքին գերատեսչությունում Արարատ Միրզոյանը Ազգային ժողովի խորհրդի արտահերթ նիստ հրավիրեց Ազգային ժողովն ընտրեց 11 մշտական հանձնաժողովների նախագահներին Լևոն Երանոսյանի կողմից պաշտոնեական լիազորություններն անցնելու փաստի կապակցությամբ հարուցվել է նոր գործ Մանվել Գրիգորյանի գործով դատավորը մերժել է ինքնաբացարկի երկրորդ միջնորդությունը Դատարանը բավարարել է Արամ Հարությունյանին կալանավորելու միջնորդությունը Դեսպան Արմեն Պապիկյանը հանդիպել է ԵԱՀԿ Գլխավոր քարտուղար Թոմաս Գրեմինգերին Հանրային խորհուրդն ամբողջական կազմով առաջին նիստն է գումարել
Խմբագրի ընտրություն
website by Sargssyan