Կրեմլում հուսով են, որ հայ-ռուսական դաշնակցային հարաբերությունները կմնան երկկողմ արտաքին քաղաքական ուղեգծի սկզբունքը
Նմանատիպ
Կրեմլում հուսով են, որ Ռուսաստանի եւ Հայաստանի բարեկամական դաշնակցային հարաբերությունները կմնան ինչպես Մոսկվայի, այնպես էլ Երեւանի արտաքին քաղաքական ուղեգծի սկզբունքը: Իսկ Հայաստանի ներքաղաքական իրադրությունը կմնա սահմանադրական շրջանակներում: Այդ մասին, ինչպես հաղորդել է «ՌԻԱ Նովոստի»-ն, մայիսի 3-ին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը:
«Մենք առաջվա պես հուսով ենք, որ Հայաստանում տեղի ունեցող բոլոր գործընթացները կմնան սահմանադրական եւ օրինական շրջանակներում: Մենք ստեղծված քաղաքական իրադրության հնարավորինս արագ կարգավորում ենք մաղթում մեր հայ բարեկամներին: Նաեւ հուսով ենք, որ ամեն դեպքում դաշնակցային, բարեկամական ու կառուցողական երկկողմ ռուս-հայկական հարաբերությունները կոնստանտ կմնան ինչպես մեր երկրի արտաքին քաղաքականության, այնպես էլ Երեւանի արտաքին քաղաքականության համար»,– ասել է Պեսկովը:
Հետևեք մեզ նաև Telegram-ում