Թուրքիայում «Լավ» կուսակցության անդամները հարձակման են ենթարկվել
Նմանատիպ
Անհայտ անձինք Ստամբուլում դանակով և ատրճանակով հարձակվել են «Լավ» կուսակցության անդամների վրա: Ինչպես հաղորդում է «Արմենպրես»-ը, այս մասին հայտնում է թուրքական Diken պարբերականը:
Հարձակման հետևանքով մեկ մարդ ստացել է հրազենային, ևս 4-ը՝ դանակից ստացված վնասվածքներ: Նրանցից մեկի վիճակը ծանր է:
Իրավապահ մարմինները որոնում են հարձակումն իրականացրածներին: Կան տեղեկություններ այն մասին, որ հարձակումն արվել է «Ազգայնական շարժում» կուսակցության կողմնակիցների կողմից:
«Լավ» կուսակցությունը դատապարտել է կատարվածը՝ հույս հայտնելով, որ մեղավորները շուտափույթ պատժի կարժանանան:
Կուսակցության փոխնախագահ Մյուսավաթ Դերվիշօղլուն հարձակման վերաբերյալ գրառում է կատարել թվիթերյան միկրոբլոգում՝ թափվող ամեն կաթիլ արյան համար պատասխանատու անվանելով ազգայնական կուսակցության նախագահ Դևլեթ Բահչելիին:
Հետևեք մեզ նաև Telegram-ում