Թուրքիայի քեմալական կուսակցության նախագահի թեկնածուն ներկայացրել է իր ճանապարհային քարտեզը
Նմանատիպ
ԵՐԵՎԱՆ, 8 ՄԱՅԻՍԻ, ԱՐՄԵՆՊՐԵՍ: Թուրքիայի քեմալական Հանրապետական ժողովրդական կուսակցության կողմից նախագահի թեկնածու առաջադրված Մուհարեմ Ինջեն խոսել է ընտրվելու պարագայում իր ճանապարհային քարտեզի մասին: Ինչպես հաղորդում է «Արմենպրես»-ը, թուրքական Sözcü պարբերականին տված հարցազրույցում Ինջեն հայտնել է, որ ընտրվելու պարագայում առաջին հերթին վերացնելու է երկրում գործող արտակարգ դրության ռեժիմը:
«Ես հեծանիվ քշող, ինքս մեքենան վարող, 3 հազար թիկնապահներով չշրջող նախագահ եմ լինելու»,- հայտարարել է Ինջեն: Նա նշել է, որ իր ղեկավարման ներքո երկրում կվերանա սուլթանությունը:
Քեմալական կուսակցության թեկնածուն հայտնել է նաև, որ եթե ընտրությունների առաջին փուլում հաղթող չլինի, ապա երկրորդ փուլ չանցնելու պարագայում իր պարտքն է լինելու ընդդիմադիր թեկնածուին աջակցելը:
Հետևեք մեզ նաև Telegram-ում